Den sjette boka om John Rebus.
Denne gongen er det festival i Edinburgh, og byen er full av turistar. Når politiet finn eit mishandla lik i dei forletne gangane under den gamle hovudgata Royal Mile, mistenker dei at religiøse aktivistar er på ferde.
At det er hektisk aktivitet blant våpensmuglarar og terroristar rundt byen samstundes, gjer at politiet fryktar eit angrep på festivalpublikummet.
(1994)
Den tolvte boka om John Rebus, og i tillegg den fyrste der Rebus og Rankin si nye stjerne Malcom Fox, møtes.
Rebus jobbar no som sivilist for ei slags Cold Case-gruppe, og ser nærare på tre kvinner som har forsvunne langs same veistrekninga i løpet av ei tiårsperiode.
Mora til ei av jentene er ein pådrivar i saka, og sjølv om andre ikkje ser samanhengen mellom sakene, så er ikke Rebus ukjend med å gå eigne vegar.
(2012)
Ein mann vert slått ned utanfor ei slaktarforretning i Edinburgh. Seinare vert politimannen Brian Holmes slått ned utanfor ein kafé.
John Rebus byrjar grave i ei gammal sak, og Siobhan Clarke jobbar med ei overvaking av eit taxikontor.
Etter kvart vert dei fire sakene meir og meir knytt til kvarandre, og knutepunktet viser seg å vere storskurken Big Ger Rafferty.
(1993)
Strip Jack er den fjerde boka om inspektør John Rebus.
Under eit raid i ein sexklubb, finn politiet eit kjent parlamentsmedlem saman med ein kvinne på eit rom. Og sjølvsagt står avisene på utsida i det MP Gregor Jack vert ført ut i dei ventande politibilane.
Rebus synes synd på Jack, og er nysgjerrig på kvifor ikkje kona hans har gitt lyd frå seg. Jack fortel at han og kona har forskjellig omgongskrets, men då kona vert sakna, viser det seg at omgongskretsen hennar har ting å skjule.
(1992)
Den tredje boka om Rebus. Denne gongen har han vorte henta til London for å hjelpe til å løyse ei sak der ein seriemordar er laus.
Fleire kvinner har vorte funne drepne rundt om i London, og utover det at dei er kvinner, virkar det ikkje som om det er nokon likheitstrekk mellom ofra, anna enn den bestialske måten dei vert drepne på.
Rebus er på nye beitemarker her, og har fått beskjed om å vere forsiktig, så han ikkje trakkar dei lokale på tærne.
(1992)
Dette er den andre boka om John Rebus, og i kommentarfeltet fortel forfattaren at helten frå Edinburgh langt frå var ferdig utvikla her.
Ein narkoman vert funnen død i (den fiktive) forstaden Pilmuir. Alt tyder på ei vanleg overdose, men Rebus anar uråd. I det okkuperte huset han vert funnen i, er det okkulte teikningar på veggane, og mykje tyder på at nokon har flytta på liket etter at han døde. Han byrjar nøste i eit nærast umulig puslespel, der brikkane sakte men sikkert fell på plass.
Det viser seg at Rebus har rota seg bort i ei sak som har forgreiningar heilt til topps i Edinburgh.
(1990)
Set in Darkness er den ellevte boka om Rebus.
Året er 1999, og Skottland skal endelig få sitt eige parliament, 20 år etter at dei hadde avstemming sist.
Under oppussing av eit hus ved Queensberry House, vert eit lik funne innemurt i ein vegg.
Berre nokre få dagar etter funnet, vert ein framståande politikar drepen i same område, på ein måte som liknar. Rebus og Clarke må finne ut om det er ein samanheng.
(2000)
Fann denne boka når eg såg gjennom samlinga for å oppdatere meg på kva bøker eg har lest dei siste åra. Denne vart kjøpt inn saman med The Falls og Resurrection Men, men etter å ha lest bakpå den, kom eg til at den ikkje vart lest den gongen.
Siobhan har vorte plaga av ein fyr, som vert funnen død etter at leilegheita hans brenn. Rebus har vorte sett på pub med han kvelden før, og han dukkar opp med store brannskader på hendene.
På ein skule i South Queensferry, nord for Edinburgh, går ein tidlegare SAS-soldat amok med våpen, og drep to unge gutar, og skadar ein tredje.
Rebus og Siobhan er involverte i å finne ut av begge sakene, og etter kvart kjem det fleire aktørar på bana.
Denne boka kom ut etter Ressurection Men og før Fleshmarket Close, og er nummer 14 i serien, av totalt 17.
(2003)
Dette er den trettande boka i serien, og er altså boka etter The Falls.
Ein kjend kunsthandlar i Edinburgh vert drepen, men på grunn av sine problem med autoritetar, vert Rebus kasta av saka. I tillegg må han gå gjennom polititrening på nytt, som straff.
I tillegg må Rebus vere eit bindeledd mellom storskurken Big Ger Cafferty, og unge DS Clarke.
PS: Har seinare lest denne boka på norsk, der den heiter Botsgang. Den kan anbefalast. Ei veldig god oversetjing.
(2002)
Den foreløpig siste boka i Rebus-serien, og mange fryktar det vert den siste.
Handlinga startar et par dagar før DI John Rebus skal gå av med pensjon. Ein russisk poet vert funnen drept i Kings Stable Road (for dei som er lokalkjende), samtidig som ein russisk delegasjon er i Edinburgh. Russarane vil dysse det ned, medan Rebus vil lage mest muleg bråk.
Ein glimrandre krim, kanskje ei av dei beste i Rebus-serien. Vel så mykje av spenninga er knytta til dei siste dagane til Rebus, som til sjølve handlinga.
(2007)
Krimbiblioteket 