Anders de la Motte – VÅROFFER

Svensk spenning i toppsjiktet

Eit ungt og ambisiøst par flyttar til ei bolig tilknytta eit slott i skogen i Skåne. Daniel, som er frå traktene, skal drive restaurant i det gamle slottet, medan kona Thea skal jobbe som distriktslege. 

Slottet har ei mørk historie, og ganske raskt oppdager nykomaren Thea at somme ting skal ein ikkje snakke om her. Blant anna at tre unge jenter har døydd i slottskogen, seinast ei 16 år gammal jente som vart drept på 80-talet, under det som såg ut som ein heidensk seremoni på Valborgnatta.

KVIFOR kjem du til å like denne?
Fordi du har sansen for krim frå fortida som både er spennande og litt skummel.

(2020)

 

SJ Bolton – DE UTVALGTE

Skumle legender på Shetland

På Shetland prøver ei kvinne å begrave sin nylig døde hest på den nye garden ho har kjøpt. Men under gravinga finn ho levningane av ei kvinne, som ikkje ser ut til å ha vore død så lenge, og som ser ut til å ha vore offer for eit slags rituelt drap. 

KVIFOR kjem du til å like denne?
Fordi du likar krim basert på skumle myter og legender.

(2008)

 

Max Mauser – NATTEN TIL FANDENS GEBURTSDAG

Den fyrste nyutgivelsen av Max Mauser sine krimbøker. (Ei ny bok er no ute)

Bak pseudonymet Max Mauser skjuler nazisympatisøren Jonas Lie seg, og hans stilling i regjeringa til Quisling gjorde at bøkene hans, av mange rekna som nokre av dei beste norske krimbøkene nokon gong, forsvann frå bokhyllene.

Handlinga går føre seg på herregarden Bjørneby, der eit gammalt sagn vert vekt til liv, når det fyrste av tre vonde varsel dukkar opp: Eit hestehovud på ein staur. Deretter dukkar dei andre to opp etter kvart. Og det er majoren, Winterfeldt, som står i sentrum for truslane.

Historia vert fortalt gjennom notatane til den unge huslæraren Nagell.

(1934)

 

Fred Vargas – VAMPYRENS HEVN

Frankrike si krimdronning, står det på omslaget.

Politimannen Adamsberg er ein mann med bagasje av mange slag, og har ei rekke karakteristiske kolleger, i Paris.

Under eit besøk i London, vert dei vitne til eit makabert funn: Utanfor Highgate kyrkjegard står ei rekke sko oppstilte. Det spesielle er at skoa har føter i. Kappa av ved ankelen.

Heldigvis for Adamsberg, vert dette ei sak for det britiske politiet. Men heime i Frankrike får han ei like makaber sak i fanget. Ein eldre eksentrikar er funnet drepen i sin eigen heim, og kroppen er bokstavelig talt smadra.

(2008)