Val McDermid – SIRENENES SANG

Middelalderske drapsmetoder

Den fyrste boka om psykologen Tony Hill og politietterforskar Carol Jordan, blant andre kjende frå påskekrim på NRK dei siste åra.

I den fiktive engelske byen Bradfield, vert menn funne drepne og dumpa i området rundt byens homofile utestader. Offera er torturerte på middelaldersk vis, og politiet står heilt utan spor.

Tony Hill vert hyra inn for å analysere gjerningsmannen, sjølv om politifolka er skeptiske til akademikaren.

KVIFOR kjem du til å like denne?
Fordi du likar påskekrimmen med Tony Hill og Carol Jordan. 

(1995)

Vurdering:

Plottet – 7
Menn vert drepne og funne i det homofile miljøet i Bradfield. Politiet fryktar ein homofob massemordar.

Karakterane – 8
Spennande, og utfyllande. Jordan og Hill er velkjende frå TV-skjermen, med kolleger og sjefar som utfyller dei bra.

Miljøskildring – 7
Heil ok. Ein fiktiv by er aldri lett å verte klok på.

Språket – 8
Enkelt og lettlest. Framdrift heile vegen, med små dagboknotatar frå mordaren undervegs.

Starten – 7
Litt flatt i starten, men det tek seg fort opp.

Sidesnuing – 7
Utover i boka er det veldig spennande.

Tempo – 7
Bra tempo, og bra flyt.

Forutsigbarheit – 7
Veldig bra. Med mindre du har sett den på TV, går det lenge før du set brikkane saman.

Den gode kjensla – 8
Spennande og bra krim. Ei solid serie.

Avslutninga – 7
Spennande, sjølv om ein mot slutten veit at ting kjem til å ordne seg i den fyrste boka i ei serie.

TOTAL: 7,3

Reklame