Poirot kjem for seint
Hercule Poirot vert kontakta av den velståande peppermøya Emily Arundell, som meiner nokon har prøvd å ta livet av henne. Familien meiner derimot at ho ramla ned trappa ved eit uhell, etter å ha trakka på ballen til Bob, hunden i huset. Men det viser seg at brevet har vorte forsinka i posten, og når Poirot får det, er Emily Arundell allereie død. Dødsårsaka skal vere lever-relatert. Etter fallet har ho skrive eit nytt testamente, og familien får no ingenting. Poirot besøker huset, og kan fort slå fast at hunden Bob er utan skuld i fallet. Men kven prøvde, og kanskje til slutt lukkast med, å drepe Emily Arundell?
Denne heiter «Det tause vitnet» på norsk, men har ikkje fått tak i den på norsk så langt.
KVIFOR kjem du til å like denne?
Fordi ein aldri kan takke nei til ein god, gammal Poirot-krim.
(1937)
Vurdering:
Plottet – 8
Ei eldre dame døyr, etter å ha bedt Poirot om å komme for å hindre at nokon nettopp skulle ta livet av henne. Men brevet vert rota bort i posten, og kjem ikkje Poirot i hende før kvinna er død. Men er det familien, som kranglar om pengane hennar, som har prøvd å drepe henne, eller er det venninna hennar, som no, i eit nytt testamente, ser ut til å verte einearving?
Karakterane – 8
Tospannet Poirot og kaptein Hastings leiar an i denne samlinga av klassiske Christie-karakterar.
Miljøskildring – 7
Språket – 7
Starten – 7
Sidesnuing – 7
Tempo – 7
Forutsigbarheit – 7
Den gode kjensla – 8
Ei solid, om enn sakte Poirot-historie.
Avslutninga – 7
TOTAL: 7,3
Krimbiblioteket 