Nykomar i klassisk stil
Vivian Conroy skriv krim i samme stil som Agatha Christie gjorde for snart 100 år sidan. Resultatet er ganske fornøyelig, og bedre enn andre forsøk i same stilen, sidan hp treff både på stilen og spenninga:
Milliardæren Malcolm Bryce-Rutherford er døyande, og inviterer dei næraste slektningane og tidlegare ansatte til ein villa på den franske rivieraen. Han vil helst ikkje at nokon av dei skal arve formuen, men har bestemt seg for å spele eit spel med dei: Kvar kveld skal han skrive eit nytt testamente, der ein av dei som er i huset arvar alt. Dersom han døyr i løpet av 24 timar, er det denne personen som er einearving. Men dersom han overlever, skriv han eit nytt testamente, og denne personen har mista sjansen sin. Ingen får vite kven som står i testamentet kvar kveld, og alle må vere klar for å bli anklaga for drap, dersom Malcom døyr og deira namn står i testamentet.
Spelet startar, og dødsfallet er ikkje langt unna. Men det er ikkje Malcolm som døyr. Heldigvis er naboen Jasper tidlegare etterforskar, og kan kome til unnsetning.
KVIFOR kjem du til å like denne?
Fordi du likar krim av den gamle skulen, skrive i eit litt strammare tempo.
(2019)
Vurdering:
Plottet – 8
Ein sur og bitter milliardær samlar dei næraste slektningane, samt nokre tidlegare ansatte, for å gi ein av dei heile formua si. Han skriv ut testamentet til ein ny arving kvar kveld, og dersom han døyr då, er det denne som får alt. Sjølvsagt går ikkje alt etter planen.
Karakterane – 8
Ein klassisk brokete gjeng, alle med solide bakgrunnshistorier, og gode grunnar til å ta livet av både Malcolm og dei andre gjestane i villaen.
Miljøskildring – 8
Språket – 8
Starten – 8
Sidesnuing – 8
Tempo – 7
Forutsigbarheit – 7
Den gode kjensla – 7
Ei god bok som klarer det den prøver på, nemlig å likne på dei gamle Agatha Christie-bøkene. Språket er litt freshare og tempoet større, men likevel luggar det litt, og med muligheit til å plukke så mange klisjear frå øverste hylle, må ein kunne forvente litt meir av avslutninga.
Avslutninga – 6
TOTAL: 7,5
Krimbiblioteket 