Niklas Natt och Dag – 1794

Langdrygt og mørkt

Tre historier: Rikmannsonen Erik Tre Rosor vert sendt til Vest-India fordi han heng for mykje med ei langt under sin rang. Lukka har snudd for Anna Stina Knapp, frå 1793; ho ventar born, og får augene på ei formue. Ei anna kvinne som kjem til Mickel Cardell og ber om hjelp. Dottera hennar er død, og ho trur ikkje på historia om at ho er drept i eit ulveangrep. Dei tre historiene vert tvinna saman, i eit mørk og omfattande nett. 

KVIFOR kjem du til å like denne?
Fordi du likar omfattande og historisk krim.

(2019)

Reklame

 

Niklas Natt och Dag – 1793

Bekmørk historisk krim

I Södermalm vert eit lik utan armar og bein, funne i ein innsjø full av søppel. Skadene er gamle, men liket har ikkje vore dødt lenge. Politiet får hjelp av Cecil Winge, ein ekspert dei har lent seg på tidlegare, ein mann med skrantande helse.

KVIFOR kjem du til å like denne?
Fordi du er svak for historisk krim, med omfattande mysterier, og eit snev av det bestialske.

(2017)

 

Horace Walpole – THE CASTLE OF OTRANTO

Ei ganske komplisert historie å henge med på, kanskje mest på grunn av det gamle, tunge språket.

Manfred, prinsen eller lorden i Otrantoslottet, skal gifte vekk sonen sin. Men sonen døyr rett før bryllaupet, og Manfred trur dette er ein gammal forbannelse som seier at familien hans skal døy ut, og miste slottet. Derfor prøver han sjølv å gifte seg med den unge bruda, sidan hans eiga kone ikkje kan få barn lenger. Den unge Isabella rømer, og får hjelp av ein lokal mann.

Men Manfred let seg ikkje stoppe, og vil ikkje la ein fattig bonde kome mellom seg og Isabella.

(1764)

 

Wilkie Collins – THE MOONSTONE

Unge Rachel Verinder arvar ein svær diamant frå onkelen sin, men diamanten har ei historie. Den vart i si tid stolen frå India, der den var ein heilagdom. Etter eit selskap, der Rachel ber diamanten, vert den stolen, og fleire vert mistenkte, blant anna tre indiske sjonglørar, som har dukka opp i selskapet.

Denne boka vert rekna som den aller fyrste krimromanen, i alle fall på engelsk. Collins vert også med denne boka kreditert som fyrstemann som bruker mange av dei krimgrepa me framleis ser i dag.

* BBC viser denne hausten ei TV-serie basert på boka.

(1868)

 

Jørgen Brekke – DOKTOR FREDRIKIS KABINETT

Særs god 1700tals-krim

Her tek Brekke oss med til Trondheim i 1769. Den overvektige og drikkeglade politimesteren Nils Bayer har tunge dagar fordi han har lova sin store kjærleik å halde seg vekk frå alkoholen. Likevel føler han ikkje at ho vil gi han valuta for avkallet.

Ei ung jente vert funnen død i skogen rett utanfor byen, og sjølv om politiet finn ut kven jenta er, så står dei utan spor.

Samstundes kjem den tidlegare legen i byen tilbake, etter å nærast ha vorte jaga bort frå byen eit år tidlegare. No er han tilbake, og søker om løyve til å halde ei forestilling med ein mystisk karakter som kan sjå inn i framtida.

Ei svært stemningsfull og litt dyster bok frå Jørgen Brekke. Interessant, spennande og svært lesevennleg. Denne les du ut utan å klare å legge den frå deg.

KVIFOR kjem du til å like denne?
Fordi du Singsaker-bøkene, og vil finne ut kva anna Jørgen Brekke kan by på.

(2014)