Stein Riverton – MORDEREN FRA MØRKET

Den døde og hevngjerrige legen

Apotekar Frykman, som kontrollerer vekslar for banken, oppdagar at ein god venn som er lege, Dr. Flodin, har begått underslag. Han veit han må sei frå, men gir legen ein frist på åtte dagar til å ordne opp, men dagen før fristen går ut, kastar doktor Flodin seg ut frå ei ferge. Han vert aldri funnen. Men så vert apotekaren funnen drept i apoteket, og to landstrykarar vert arrestert. Men ein felles venn av dei to, ein kaptein, veit at den einaste som hadde ein grunn til å ta livet av Frykman, er Flodin, som framleis ikkje er funnen.  

KVIFOR kjem du til å like denne?
Fordi du likar gammal og klassisk norsk krim.

(1914)

Reklame

 

Stein Riverton – MANNEN SOM VILLE PLYNDRE BYEN

Ein mestertjuv i Kristiania

Opprinneleg heite boka «Mannen som vilde plyndre Kristiania», usikker på kvifor tittelen er endra (kilde wikipedia)

Ein særs frekk tjuv herjar i Oslo, og politiet, som sjølv har vorte offer, står utan spor. Asbjørn Krag har møtt internasjonale kriminelle før, men dette er noko heilt anna.

KVIFOR kjem du til å like denne?
Fordi du likar 100 år gammal krim. 

(1914)

 

Øvre Richter Frich – DE SORTE GRIBBER

Jonas Fjeld flyg igjen

Denne fjerde boka i serien startar med at ein stor folkefest på Karl Johan vert angripen av «de sorte gribber», dei svarte flya til den internasjonale anarkistrøyrsla.

Legen Jonas Fjeld er nok ein gong i kamp mot anarkistane som vil ta over Europa. Denne gongen er det sonen til Francois Delma, Jacques, og den tyske storskurken Josias Saimler som er motstandarane.

Dei svarte gribbane skaper uro over heile Europa, men heldigvis har den vesle finnen, Ilmari Erko, laga eit heilt fantastisk fly, som kan ta opp kampen.

Det seiast at dette skal vere ei av dei beste bøkene om Jonas Fjeld, men er ikkje heilt sikker på om det stemmer.

(1913)

 

Øvre Richter Frich – DE KNYTTEDE NEVER

Ein norsk Jason Bourne

Legen og meistertjuven Jonas Fjeld og hans kompanjong, den finske dvergen Ilmari Erko, som er både oppfinnar og geni (har laga eit metall som er sterkare enn stål og eit sprengstoff som er lyd- og lyslaust), utfører eit perfekt bankran i Christiania, og får med seg nesten ein halv million kroner i diverse valuta.

Politiet har inga aning om kven som har gjort det, men det har derimot ei rekke internasjonale forbrytarstorheiter; argentinaren Mario Heredia, franskmannen Francois Delma og den nederlandske muskelmannen Jaap van Huysman. Og disse kjem alle til Christiania for å få sin del av pengane, og også å få tak i geniet Erko.

Det vert ei katt- og musjakt som startar i Christiania og når sitt klimaks ein stad på Bergensbana.

(1911)

 

Max Mauser – RITTET FRA OLESKO

Uhyggelig kunstoppgjer

Mot slutten av fyrste verdenskrig rir ein flokk soldatar gjennom Aust-Europa, på veg tilbake frå austfronten. Med seg har dei «Den blå Madonna», eit heilagt bilde dei som gruppe gjer alt for å beskytte.

Fleire år seinare dukkar Madonnaen opp i Villa Hasselbakken i Oslo, og dei gamle rytterande dukkar opp ein etter ein for å gjere krav på det.

(1935)