Agatha Christie – THE SEVEN DIAL MYSTERY

Altfor komplisert på Chimneys

Me er tilbake på Chimneys, der eigaren Lord Caterham har leigd ut herregården til eit ektepar som underheld gjestar der. Ein av gjestane, Gerry Wade, er kjend for å forsove seg, og dei andre bestemmer seg for å spele han eit puss. Dei plasserer 8 vekkerklokker på rommet, alle innstilt på forskjellig tidspunkt. Men neste morgon finn dei Wade død.

Etter at Caterham og dottera, Lady Eileen «Bundle» har flytta tilbake, er ho på veg til London i bil, då ein mann hoppar fram for bilen hennar, og døyr. Før han døyr seier han noko om «seven dials» (urskiver), og nemner namnet til Jimmy Thesiger, ein av dei som var på godset då Wade døde. Det viser seg at mannen er Ronny Deveraux, også han ein av gjestane, og det viser seg at det ikkje var kollisjonen som tok livet av han, men at han vart skoten. Det viser seg at Seven Dials er ein klubb, og at det der er 7 medlemmer som kler seg ut med urskiver, og at Bundle har rota seg langt inn i denne suppa.

KVIFOR kjem du til å like denne?
Fordi du likar Agatha Christie, men er litt lei av Miss Marple og Poirot?

(1929)

Reklame

 

Edgar Wallace – BLODRØD SIRKEL

Hundre år gammal krim

Ein bande truar velståande personar, og krever store pengar av dei, for å unngå å bli drept. Dei fleste betaler, men dei som står i mot, må bøte med livet. James Beardmore er ein av dei sistnemnde. Han nekter, og vert skoten ute i hagen på sin eigen eigedom. Sonen Jack er den som finn han. Ein synsk privatdetektiv ved namn Derrick Yale er på saka, saman med Scotland Yards inspektør Parr.  

KVIFOR kjem du til å like denne?
Fordi du har sansen for hundre år gammal krim. 

(1922)

 

Dorothy L. Sayers – WHOSE BODY

Lord Peter Wimsey begins

Dette er debutboka til Dorothy L. Sayers, og den fyrste med Lord Peter Wimsey:

Ein død mann vert funnen naken i eit badekar i ei leiligheit i London av arkitekten Thipps, som aldri har sett mannen før. Adelsmannen Lord Peter Wimsey har nylig fått detektivarbeid som hobby, og vil finne ut av det. Politiet mistenker raskt kven mannen er, men har dei rett?

KVIFOR kjem du til å like denne?
Fordi du har sansen for god, gammaldags britisk krim. 

(1923)

 

Stein Riverton – MANNEN I MÅNEN

Tungt, sjølv til Asbjørn Krag å vere

Høgt oppe i fjellsida har ein utanlandsk «gal vitenskapsmann» slått seg ned, og ingen i bygda veit kva han driv på med. Men Asbjørn Krag veit at han som på folkemunnet vert kalla «Mannen i månen» ikkje er godt nytt for nordmenns sikkerheit.

KVIFOR kjem du til å like denne?
Fordi du likar gammal krim, jo eldre, jo bedre.

(1921)

 

Stein Riverton – DØDEN TAR INN PÅ HOTELLET

Klassisk hotellmysterium

Hotellkrim frå tida før det vart parodisk. I 1921 var det sikkert ingen som rynka på bryna av at krimplottet vart lagt til eit herskapeleg hotell langt inne i skogen, med eit kobbel av internasjonale gjestar, mens me i dag føler me har sett det 1000 gonger.

Men, om boka: I følge wikipedia, den 92. av dei 116 bøkene til Riverton (Sven Elvestad).

Tidleg på sommaren kjem det ein buss med nye gjestar til det flotte Grand Hotel Excelsior, langt inne i det aude Norge. Utanlandske gjestar, kjende gjestar og mystiske gjestar. Så byrjar dei uhyggelege, mystiske tinga å skje, og det er berre eit tidsspørsmål før me får det fyrste drapet.

KVIFOR kjem du til å like denne?
Fordi du likar dei gamle, klassiske krimhistoriene som får deg til å kjenne lukta av piperøyk, og høyre lyden av tweedjakke mot Chesterfieldsofa. 

(1921)

 

Stephen King – 1922

Mørk familietragedie

Wilfred James eig ein stor gard i Nebraska, men då kona hans bestemmer seg for å selge sin familiegard, som ligg inntil deira, innser han at han kjem til å måtte selge sin eigen også. Han får lurt sonen med på ein plan, der ei tek livet av mora. Sonen stikk av med den gravide kjærasten sin, og disse tre heimsøker Wilfred resten av livet.

(Sidan dette ikkje er ein krim, vil den ikkje få karakter) 

KVIFOR kjem du til å like denne?
Fordi du likar ein god, klassisk Stephen King-thriller.

(2010)

 

Stein Riverton – STORHERTUGINNEN AV SPEILSALEN

Ukjent offer på feil stad

Ein mann vert funnen død på kontoret til rentenist Hammel.

Ved fyrste augekast kan det sjå ut som sjølvmord, men etter kvart er det fleire ting som tyder på at det er noko anna. Ingen veit kven den døde er.

Spor peiker mot Berlin, og ein av hovudstadens mest fornemme skikkelsar, Viviana; Storhertuginna av speglsalen.

(1931)

 

Stein Riverton – FENOMENET ROBERT ROBERTSON

Dybhavnstragedien

Robert Robertson er ein slags gentleman-kriminell og/eller privatetterforskar, med unike og uforklarlege evner, og har «eit særskilt utanlandsk preg, og kan blande seg inn i eit kva som helst slags miljø».

I København «blandar Robertson seg inn i andre folks affærer for å halde seg i trening til viktigare saker»: Ein fallert dansk adelsmann som no er ein fattig postfunksjonær, går på stevnemøter med ei nyskilt legefrue. Pengane flyt. Robertson vil finne ut kvar pengane kjem frå. Det endar opp på ein gammalt villa som står for nedfall nord for København. Baron Markus Friis og legefrua Merete Gravenhag bor i skjul i villaen, men det gjer også hennar mann, doktor Gravenhag. Så vert ein av dei involverte drept.

(1923)

 

Stein Riverton – DJEVELEN KJEDER SEG

Bok nummer 103 frå Stein Riverton/Sven Elvestad.

Den kjente industrimannen Stefan Brede trekk seg tilbake frå sine stillingar, og tek toget til København for å gjere noko anna. Der hamnar han i eit drama på ein nattklubb, saman med ein amerikanar han nyst har møtt. Dramaet endar med at Brede vert pressa for pengar, og før me veit ordet av det er han på vei til Napoli, saman med nye bekjentskap frå København, der dramaet held fram

(1929)

 

Agatha Christie – FEM SMÅ GRISER

Malaren Amyas Crale vert forgifta og drepen av kona si, Caroline, etter at han har kunngjort at han skal forlate henne for den unge modellen Elsa Greer. Caroline døyr seinare i fengselet. 16 år seinare, kjem dottera deira, Carla Lemarchant til Poirot, med eit brev mora har skrive til henne, der ho fotel at ho er uskuldig. Ho ber Poirot kome til bunns i saka.

Ei spesiel Poirot-historie, der han må løyse ei gammal sak, berre ved hjelp av forteljingane til dei fem som var til stades den dagen. Me får høyre fem forskjellige versjonar av same historie, noko som, så vidt eg veit, er den einaste gongen det grepet har vorte brukt i Poirot.

(1942)