Ann-Christin Gjersøe – JERNJOMFRUEN

Tidvis spennande, men…

Aller fyrst, ei krimbok om ein journalist med draumar om å verte forfattar, som snublar over ei krimgåte, er eit såpass godt brukt utgangspunkt at forfattaren kanskje allereie her legg lista for originalitet litt for høgt for seg.

Her er det mykje som skal gapast over. Ei kvinne forsvinn i Tønsberg i 1981, og dukkar aldri opp att. Ein nabogutt er lenge mistenkt, men vert aldri dømt, anna av kanskje naboane. 30 år seinare forsvinn fyrst ein forfattar som skriv utleverande om eit lukka sekt-miljø, og deretter ei kvinne til. Journalisten Ida ser på dei to nyaste sakene, og finn tråder som går tilbake til beslaglagte jødiske eigendelar frå krigen.

KVIFOR kjem du til å like denne?
Fordi du har sansen for krim med mange lause trådar som forhåpentligvis skal samlast. 

(2014)

Reklame

 

Yukito Ayatsuji – THE DECAGON HOUSE MURDERS

Japansk Agatha Christie-mysterie

I ein japansk versjon av «Then they where none», reiser 7 venner og medlemmer av samme krimklubb til Tsunojima, ei fråflytta øy, der den forrige eigaren vart drept eit halvt år tidlegare, saman med kona og andre. Huset brann den, men eigaren, ein eksentrisk arkitekt, fekk bygd eit tikanta (decagonal) anneks, der dei 7 studentane no skal bo. Men, hey presto (direkte sitat frå boka), trur du ikkje nokon byrjar å drepe dei, ein etter ein?

Oppdaga denne boka i ein artikkel om the Golden Age, krimbøkene som vart skrive på 20- og 30-talet, med særskilde reglar og meir. Denne boka kom i 1987, og Ayatsuji (pseudonym for Naoyuki Uchida) var med på å starte ei bølge av krimbøker som holdt seg til Golden Age-reglane, i Japan.

KVIFOR kjem du til å like denne?
Fordi du likar bøker frå den gyldne æraen, og lurer på korleis dei er i Japan. 

(1987)

 

Liza Marklund – POLARSIRKELEN

Litt for dårleg tid i avslutninga

Sommaren 1980 forsvinn ei ung jente sporlaust frå ein liten by nord i Sverige. 39 år seinare vert liket av ei ung jente funnen, murt inne i fundamentet til ei bru som vart støpt i 1980. Dei fem venninnene Carina, Susanne, Birgitta, Sofia og Agneta hadde i 1980 ein lesesirkel dei kalla Polarsirkelen, og no som den femte av dei vert funnen død, samlast dei fire andre på nytt.

KVIFOR kjem du til å like denne?
Fordi du likar krim som avdekker gamle hemmeligheter. 

(2021)

 

Elina Backman – NÅR KONGEN DØR

Stemningsfull finsk bygdekrim

Ei bok som fekk svært mykje omtale på årets krimfestival: Saana har fått sparken i eit sladreblad i Helsinki, og flyttar heim til tanta i Hartola, ei lita kommune nord for hovudstaden. Her fattar ho interesse for eit 30 år gammalt dødsfall, då ei ung jente vart funnen død i ein foss. Saka vart aldri løyst, men fleire av dei involverte bur framleis i bygda, så Saana bestemmer seg for å slå i hjel dødtida med å rote litt i den gamle saka.

KVIFOR kjem du til å like denne?
Fordi det at den vart kåra til årets utanlandske krim i Sverige, pirrar nysgjerrigheita.

(2021)

 

Jørn Lier Horst – NÅR DET MØRKNER

80tals-Wisting

William Wisting mimrer tilbake til den gongen han var fersk politimann, og fekk ei cold case-sak frå 20-talet som han måtte løyse. Eit slags dobbelt tilbakeblikk. Han finn ein bil med kulehol på ein gammal låve. Denne bilen var sentral i ei sak frå 20-talet som aldri vart løyst, og 80-tals-Wisting må leite i arkiva på gamlemåten, for å finne ut av det.

KVIFOR kjem du til å like denne?
Fordi du har sansen for cold case-saker.

(2016)

 

Ragnar Jonasson – ØYA

Drap i islandsk idyll

I 1987 vert ei ung kvinne funnen drept på hytta. Saka smadrar ei heil familie. Ti år fram i tid samlar dei fire næraste vennane til den drepte seg på den idylliske øya Ellidaey (google den, du har heilt sikkert sett bilda). Men ein av dei fire overlever ikkje turen, og politiet meiner det er drap.

KVIFOR kjem du til å like denne?
Fordi du har sansen for mørket og mystikken i islandsk krim.

(2016)

 

Camilla Grebe – SKYGGEJEGEREN

Uløyste saker gjennom 75 år

Stockholm 1944: Politiet rykker ut til ein åstad, der ei kvinne er drept, og spikra fast til golvet. Politisøster Elsie Svenns står i vegen for den flyktende gjerningsmannen, og vert skubba ned ei trapp, og livet står ikkje til å redde.

Deretter følger me politikvinnene Britt-Marie, Hanne og Malin, på henholdvis 70-talet, 80-talet og i dag, som etterforskar drap som minner om det i 1944.

KVIFOR kjem du til å like denne?
Fordi du likar kompliserte saker som strekker seg over fleire tiår og fleire etterforskarar.

(2019)

 

Anders de la Motte – VÅROFFER

Svensk spenning i toppsjiktet

Eit ungt og ambisiøst par flyttar til ei bolig tilknytta eit slott i skogen i Skåne. Daniel, som er frå traktene, skal drive restaurant i det gamle slottet, medan kona Thea skal jobbe som distriktslege. 

Slottet har ei mørk historie, og ganske raskt oppdager nykomaren Thea at somme ting skal ein ikkje snakke om her. Blant anna at tre unge jenter har døydd i slottskogen, seinast ei 16 år gammal jente som vart drept på 80-talet, under det som såg ut som ein heidensk seremoni på Valborgnatta.

KVIFOR kjem du til å like denne?
Fordi du har sansen for krim frå fortida som både er spennande og litt skummel.

(2020)

 

Gunnar Staalesen – VARG VEUM – DØDENS DRABANTER

Oppvekstkrim på skråplanet

I denne Varg Veum-historia handlar det om det tragiske livsløpet til ein gut som i løpet av barndommen på 70- og 80-talet fyrst vert skilt frå mora, deretter opplever eit dødsfall i si fosterfamilie, for så nokre år etter å vere midt oppe i ei svært dramatisk sak. Veum fulgte guten tett i starten, og nå, då guten er vaksen, og i trøbbel igjen, spør han etter Veum.

KVIFOR kjem du til å like denne?
Fordi du likar Varg Veum, og sterke oppveksthistorier.

(2006)

 

Anders de la Motte – SENSOMMER

Svært høgt nivå

Veronica leiar gruppeterapisamtalar i Stockholm, og ein dag er det ein i gruppa som fortel ei historie ho dreg kjensel på. På 80-talet forsvann den då 5 år gamle broren hennar sporlaust frå garden dei budde på. Historia mannen i gruppa fortel, er så kjent for Veronica, at ho mistenker at mannen kan vere broren hennar, Billy.

KVIFOR kjem du til å like denne?
Fordi du likar spennande, godt samansydde krimhistorier.

(2016)