Ann-Christin Gjersøe – JERNJOMFRUEN

Tidvis spennande, men…

Aller fyrst, ei krimbok om ein journalist med draumar om å verte forfattar, som snublar over ei krimgåte, er eit såpass godt brukt utgangspunkt at forfattaren kanskje allereie her legg lista for originalitet litt for høgt for seg.

Her er det mykje som skal gapast over. Ei kvinne forsvinn i Tønsberg i 1981, og dukkar aldri opp att. Ein nabogutt er lenge mistenkt, men vert aldri dømt, anna av kanskje naboane. 30 år seinare forsvinn fyrst ein forfattar som skriv utleverande om eit lukka sekt-miljø, og deretter ei kvinne til. Journalisten Ida ser på dei to nyaste sakene, og finn tråder som går tilbake til beslaglagte jødiske eigendelar frå krigen.

KVIFOR kjem du til å like denne?
Fordi du har sansen for krim med mange lause trådar som forhåpentligvis skal samlast. 

(2014)

Reklame

 

Hans Olav Lahlum – SNEEN VAR REN

Ny karakter, gammal karakter?

Den fyrste boka i ei ny serie om Engly Martinsen, som er fyrstebetjent i Oslopolitiet under krigen, som har to søner som kjempar på kvar si side, samstundes som han sjølv vert pressa av regimet til å melde seg inn i NS. Ein heilt annan karakter enn Lahlum sin tidligare helt K2, høyres det kanskje ut som, men utover i boka tek ein seg fleire gonger i å tenke at dette er samme person. Måten dei snakkar på, måten dei til stadigheit overforklarande tenker høgt, den litt stillferdige, men alltid korrekte måten å vere på, og ikkje minst det litt klønete forholdet til det motsatte kjønn.

Saka: NS-politikaren Jens Otto Helmersen vert funnen drept, skoten i si eiga hytte. Men rundt hytta er det ikkje nokon spor i snøen. Korleis har drapsmannen kome seg unna?

KVIFOR kjem du til å like denne?
Fordi du er fan av serien om K2.

(2021)

 

Axel Kielland – FARLIGE HVETEBRØDSDAGER

Krigsthriller

Under eit bomberaid over Berlin i 1944, møter den svenske forretningsmannen Gösta Bergström ei amerikanske kvinne, Ann Dickson. Det viser seg at ho er ein amerikansk spion, som ikkje rakk å kome seg ut i tide, og deretter har budd under jorda. Bergstrøm bestemmer seg for å hjelpe henne ut, og gjennom eit proforma-ekteskap håper han å kunne ta henne med heim til Sverige som kona si, men ting er aldri så enkelt.

(Sidan dette ikkje er ein krim, får den heller inga karaktervurdering)

KVIFOR kjem du til å like denne?
Fordi du har sansen for spenningsforteljingar frå krigens dager.

(1944)

 

Øistein Borge – BASTARDEN

Etterkrigsoppgjer

Ein jødisk nordmann reiser rundt i verda for å samle inn gjenstander som hans familie vart fråtekne under krigen. Dette fører han til Mallorca, men han kjem aldri heim frå øya. Bogart Bull har egentlig trukke seg tilbake, men etter litt om og men, vert han sendt nedover for å finne ut kva som skjedde med Aaron Bercow.

KVIFOR kjem du til å like denne?
Fordi du har sansen for Bogart, og har likt dei tre foregåande. 

(2020)

 

Arnaldur Indridason – FLUKTRUTEN

Krigskrim på sitt beste

Under andre verdenskrig ventar ei ung islandsk kvinne på forloveden i finske Petsamo (Originaltittel på boka), der dei saman skal ta båt heim til Island. Men forloveden dukkar aldri opp, og ho må reise åleine. 

Heime på Island har etterforskarane Flovent og Thorson nok å henge fingrane i. Liket av ein ung mann vert skylt i land på ei strand, ein annan ung mann vert grovt mishandla av amerikanske soldatar stasjonert på øya, og ei ung kvinne som har vore mykje saman med dei amerikanske soldatane, forsvinn.

KVIFOR kjem du til å like denne?
Fordi du likar krim frå andre verdenskrig, og ingen skriv dei som Arnaldur Indridason.

(2016)

 

Øistein Borge – DEN SYVENDE DEMON

Hevnkunst

Etter å ha mista familien i ei tragisk bilulukke, vert etterforskar Bogart Bull plassert i ei avdeling som skal jobbe med nordmenn som vert utsett for kriminalitet i utlandet. Den fyrste saka sender han til Sør-Frankrike, der ein svært rik nordmann vert funnen drept i luksusvillaen sin. Huset er fullt av verdiar, men det einaste som har forsvunne, er eit stygt lite bilde, tilsynelatande utan særleg verdi. Etterforskinga peiker bakover i tid, der både den kjende kunstnaren Matisse, og vår eigen Munch, er involvert.

KVIFOR kjem du til å like denne?
Fordi du likar krim som knytter notid og fortid, og blandar inn element som omhandlar historiske personar.

(2016)

 

Val McDermid – MYRGRAVEN

Nedgravde hemmeligheter

Under krigen grov ein soldat ned to motorsyklar nord i Skottland. No er barnebarnet, og mannen hennar i Skottland for å finne syklane, som i dag er svært verdifulle. Men i grava finn dei også ein død kropp.

KVIFOR kjem du til å like denne?
Fordi du likar mysterier som strekker over fleire generasjonar.

(2018)

 

Ken Follett – NÅLEN

Alle agent-thrillerar si mor

Ein tysk spion i England må flykte, etter at han vert ferska av husvertinna si i det han skal sende ei hemmelig melding til Tyskland, og må drepe henne.

Under krigen er han den einaste gjenverande tyske spionen som britane ikkje har fått over på si side, eller teke livet av. Og til alt overmål avslører han ein gigantisk bløff, som kan gi tyskarane svaret på kvar dei allierte vil gå i land i Frankrike på D-Dagen. No må han berre rekke til Aberdeen, og komme seg ombord i ein tysk ubåt, og få overlevert informasjonen, før han vert stoppa.

KVIFOR kjem du til å like denne?
Fordi du er ein sucker for spionkrim frå krigen, og då er dette kanskje sjølve moderskipet.

(1978)

 

Gard Sveen – DEN SISTE PILEGRIMEN

Røtter frå andre verdenskrig

Ein gammal motstandshelt vert funnen brutalt drept og skjenda i Oslo. I skogen utanfor hovudstaden finn turgåarar beinrestane etter tre menneske. To vaksne, og eit barn.

Tommy Bergmann er etterforskaren som skal nøste opp trådane, i denne krimdebuten til Gard Sveen.

Det er er tette band til hendingar som skjedde under krigen, og ein av karakterane i boka, ligg veldig tett opp mot ein ekte person frå krigen.

KVIFOR kjem du til å like denne?
Fordi du likar krim med røtter tilbake til krigen.

(2013)

 

Roar Ræstad – RAVNENS TIME

Punktum for Navarseth

To dagar etter ei luftangrep på eit tyskokkupert Trondheim, vert ein tysk offiser og NS-kjæresten hans funnen drept, og tyskerane skal la nokon betale for dette.

Gabriel Navarseth er meir pressa enn nokon gong, og det hjelp ikkje den gifte politimannen at den tyske elskerinna hans, Anna Rohne, dukkar opp i Trondheim igjen.

KVIFOR kjem du til å like denne?
Fordi du likar historisk krim og er spent på korleis Gabriel Navarseth-trilogien ender.

(2018)