Tom Egeland – SØLVMYNTENE

Meir bibelsk action

Bjørn Beltø vert kontakta i forbindelse med at eit 2000 år gammalt brev har forsvunne. Brevet skal vere skrive av ingen ringare enn Pontius Pilatus. Det handlar om det som eigentleg skjedde då Judas sveik Jesus.

KVIFOR kjem du til å like denne?
Fordi historisk actionkrim i Da Vinci-kode-gata er det beste du veit. 

(2021)

Reklame

 

Paul Sussman – DEN TAPTE OASEN

Endå meir ørkeneventyr

Fjellklatraren Freya Hannen må ta den tunge turen frå USA til Egypt, der søstera Alex nyleg har teke sitt eige liv pga ein raskt forverrande sjukdom. Freya mistenker at nok ikkje stemmer, og mistankane vert styrka når ho landar i Egypt.

Som vanleg ligg det ei historie frå oldtida i bakgrunnen, og denne gongen er det 30 prestar, som rundt 2000 år før Kristus går ut i ørkenen med ein gjenstand, og tek kollektivt sjølvmord.

(2009)

 

Paul Sussman – KAMBYSES TAPTE HÆR

Egyptisk koloss

Britiske Tara Mullray kjem til Egypt for å møte sin far, men ved ankomst er faren allereie død. Han har lagt igjen ei gave til dottera, eit slags bilete som ho ikkje har anelse om kva er.

I Luxor dukkar eit lik opp ved Nilen, og ein kunsthandlar vert drepen i Kairo. Yusuf Khalifa i Luxorpolitiet er den fyrste som byrjar sjå samanhengen mellom dei tre sakene, og saman med Tara prøver han å finne ut kva som har skjedd.

I bakgrunnen lurer historia om den persiske keisaren Kambyses sin hær, 50 000 mann som forsvann i den vestlege ørkenen.

(2002)

 

Tom Egeland – SKATTEN FRA MIKLAGARD

Bok nummer 2 i ungdomsserien til Tom Egeland. Denne gongen er Robert med arkeologmora til Vestfold, der ho grev ut eit vikinggrav. Robert finn noko interessant på utgravingsstaden, og byrjar drøyme rare ting om natta.

Parallelt følgjer me historia om vikingsonen Ulv, som levde for 1000 år sidan i same område.

NB: Dette er ei ungdomsbok, så den er vurdert på litt anna grunnlag enn dei andre bøkene.

(2014)

 

Tom Egeland – DEN 13. DISIPPEL

Den femte boka om Bjørn Beltø.

På dødsleiet fortel ei venninne om noko som skjedde under ei utgraving i Israel på 70-talet. Ein arkeolog forsvann etter at han gjorde det han sjølv meinte var eit unikt funn i ei gammal grav. Men funnstaden vart stengd av det militære straks etterpå, og ingen veit kva han fann.

Venninna til Beltø var med på utgravinga, og meiner han er den einaste som kan finne ut kva som skjedde.

(2014)

 

Ole Clifford – DET 11.BUD

Dansk fartsfylt krim i Da Vinci-kode-gata. Men litt mykje fart og litt lite truverdigheit, dessverre.

Under ei utgraving i Napoli vert det funne ein gjenstand som arkeologane ikkje heilt skjønar kva er. Men før dei får tid til å finne ut av det, forsvinn den, og havnar i hendene på ekstentriske samlarar. Det viser seg etter kvart at det er noko inne i gjenstanden, som er meir verdt enn innpakninga.

Våre hovudpersonar er dei to arkeologane Giancarlo Vincenti og Christina Nielson. (skrivemåten variere veldig i ei litt rotete oversetjing). I tillegg er det eit hav av andre sentrale karakterar, som kjem eller går.

Til tider spennande, men det er litt lite substans i spenninga, og det vert brukt for lite tid på å setje oss inn i kva og kvifor.

(2004)

 

Ann Cleeves – RØDE KNOKLER

Ein arkeolog finn levningane etter eit menneske under ei utgraving på Shetland.

Ikkje lenge etter vert ei gammal dame skota og drept i same bygda. Politietterforskaren Jimmy Perez får saka, men oppdagar snart at folk i heimdistriktet hans er meir hemmeligheitsfulle enn han kunne håpe på.

(2009)

 

Tom Egeland – LUCIFERS EVANGELIUM

Den tredje boka om albinoarkeologen Bjørn Beltø.

Denne gongen er Beltø med på å smugle eit manuskript som er funne i hendene på ein mumie. Han leverer det på Island, der han kjenner skriftekspertar som kan hjelpe han med å finne ut av manuskriptet.

Men sjølvsagt er det andre som vil ha tak i det verdifulle dokumentet, som skal vere evangeliet til fanden sjølv.

I kjend stil går det i høgt tempo rundt om i Europa, og me er sjølvsagt innom Roma, men også i Amsterdam, der Beltø får hjelp av ei stum kvinne.

Det er biljakter, kidnappingar, rituelle drap, og alt du kjenner frå dei forrige to bøkene om Beltø. Som også er boka sin absolutte akilleshæl.

(2009)

 

Tom Egeland – PAKTENS VOKTERE

Nok ein bok om albinoarkeologen Bjørn Beltø, (hovudperson i Sirkelens Ende) som denne gong byrjar nøste opp i eit mysterie på Island. Det er ikkje den hellige gral han jaktar på denne gongen, men likevel ikkje langt unna.

Sjølv om historia er mykje lik Sirkelens Ende i oppbygning, så er den likevel vanvittig spennande frå start til mål.

Beltø og den islandske presten sira Magnus finn nokre papyrusrullar i ei grotte på Island. Derfrå tek ferda dei rundt om i Norge, og deretter verda. Sjølvsagt med ein haug valdelege skurkar i helane.

(2007)

 

Tom Egeland – SIRKELENS ENDE

Ei gruppe arkeologar i Østfold leitar etter ei gammal bosetting, og finn eit skrin. Sjefen for utgravinga, ein engelskmann stikk av med skrinet, og vil føre det ut av landet. Albinoen Bjørn Beltø stjel skrinet, og vil vite kva som er så viktig med det før han leverer det frå seg.

Boka har fått mykje medieomtale siste åra, fordi den er veldig lik ”Da Vinci koden”. Sirkelens Ende kom imidlertid ut i 2001, nokre år før Dan Brown skreiv si bok. Handlar om dei same tinga, dokument frå bibelsk tid, hemmelege ordenar, og folk frå heile verda som gjerne vil ha skrinet, som ingen vil seie kva inneheld.

Frå start til slutt er denne boka veldig vanskeleg å legge frå seg.

(2001)