RSS

Kategoriarkiv: barn

Sjöwall & Wahlöö – MANNEN PÅ BALKONGEN

mannenpåbalkongenGammaldags politikrim

Her har det gått litt i krøll for lydbokleverandøren min, som meiner dette er bok nummer to, når det faktisk viser seg å vere den tredje. Men NOK.OM.DET. 

Denne er nok litt meir hardbarka enn den fyrste. Samtidig som ein ranar gjer Stockholmsparkane utrygge på kveldstid, vert ei lita jente funnen drept og misbrukt. Og det kan virke som om park-ranaren kan ha vore vitne til dette. Så då hastar det med å få ta i han, og å få han til å snakke.

KVIFOR kjem du til å like denne?
Fordi du likar litt retro krim, eller er såpass gammal at du minnes denne forteljarstilen med glede. 

(1967)

Les meir

 

Hanne Gellein – ALLE FUGLER SMÅ

allefuglersmaaMange ingrediensar, skuffande måltid

I Trondheim vert fleire born drepne, og patologen Silje og den tatoverte og tøffe Luca, som ho nettopp har møtt, ser ein samanheng mellom dei, og tek opp jakta på dei skuldige. 

Dette er ei bok som har mange av dei rette ingrediensane i ein god krim, men kvaliteten på ingrediensane er så som så. Hemmelige nettverk, ingen å stole på, mørk fortid, ein mystisk, tøff, tatovert it-person med eit namn til forveksling likt Lisbeth Salander (Luca Stellander).

KVIFOR kjem du til å like denne?
Fordi du har sansen for at andre er smartare enn politiet og løyser ei krimgåte. 

(2020)

Les meir

 
 

T.H. Håvardsen – GALGEDANS

galgedansSå mykje gørr og skrekk at du blir lei

I ein fiktiv by i Nord-Norge, bur Theodor og Margareth Ness, som har ei dotter, Jenny, som viser seg å vere litt utanom det vanlige. Ho har ei mørk side, som vert mørkare og mørkare, til det når ein midlertidig topp på ein klassetur når ho er 12. Midlertidig er stikkordet, for dette vert verre og verre, og den børa det er å dekke over det, fell på gravferdsagenten Theodor. 

KVIFOR kjem du til å like denne?
Fordi du har sansen for blod, gørr og ufiltrerte grusomheiter.

(2020)

Les meir

 
 

Malin Persson Giolito – BARE ET BARN

bareetbarnBarnevernsthriller

Alex Andersson er ein ung, trøblete gut, som vert overlatt til barnevernsmyndigheitene, etter at læraren har varsla. Advokat Sophia Weber får i oppdrag å representere guten. Kvifor har ikkje problema hans vorte lagt merke til tidlegare, og er det foreldra som skader han?

KVIFOR kjem du til å like denne?
Fordi du likar krim der born er involvert, i Huldar og Freyja-gata. 

(2010)

Les meir

 
Kommenter innlegget

Posta av den 20/07/2021 tommar advokat, barn, persson giolito, sverige

 

Karin Fossum – SVARTE SEKUNDER

svartesekunderSakte, men sikker

Ei vanskeleg sak for Konrad Sejer: Ei lita jente skal til kiosken for å snope litt, og kjem aldri tilbake. Same dag kjem fetteren hennar heim med ein bulk i bilen. I nabolaget er det også ein annan mistenkelig person, som er avhengig av hjelp frå mora, men plutselig nektar å sleppe henne inn. 

KVIFOR kjem du til å like denne?
Fordi du likar Sejer-serien, og synes det er greit at det ikkje går for fort fram. 

(2002)

Les meir

 
Kommenter innlegget

Posta av den 16/07/2021 tommar barn, forsvinning, fossum, norge, sejer

 

William Shaw – DØDELAND

dødelandIkkje det beste Shaw har laga

To unge gutar tjener seg nokre kroner på å stjele mobiltelefonar frå folk i byen. Ein dag får dei tak i ein bag med to telefonar, ein dyr og ny, og ein litt eldre modell. Dei vert kontakta av den som eig telefonane, og får beskjed om at det ventar ein dusør om dei leverer dei tilbake. Onkelen til ein av gutane ser ei muligheit til å presse prisen litt opp, og tek på seg å levere den tilbake. Han kjem aldri igjen. 

Samstundes dukkar det opp restar av ei menneske inne i eit kunstverk som er utstilt på eit lokalt galleri.

KVIFOR kjem du til å like denne?
Fordi du fekk sansen for Alexandra Cupidi i dei to foregåande. 

(2019)

Les meir

 
Kommenter innlegget

Posta av den 13/07/2021 tommar barn, england, kunst, kystliv, politi, shaw

 

Lars Kepler – SPEILMANNEN

speilmannenFullstendig mislykka

Dette er utan tvil den verste krimboka i Joona Linna-serien. Groteske og bestialske skildringar av korleis små jenter blir skjenda, utan å tilføre historia noko, og eit spenningsnivå på ca null. 

Unge jenter forsvinn i Sverige. Fem år etter at ho forsvann, dukkar ei av dei opp drept på ein leikeplass. Kvar har ho vore i mellomtida? Joona Linna er ei slags strake motsetning til forfattarane: Han har trukke seg tilbake, men har framleis mykje å by på.

KVIFOR kjem du til å like denne?
Det veit eg ærleg talt ikkje. 

(2020)

Les meir

 

Yrsa Sigurdardottir – DUKKEN

dukkenSkumlare på utsida enn inni

Den unge jenta Rosa og mora, er ute i båt saman med fiskaren Fridrik. Då dei dreg opp garnet, finn dei ei gammal dokke, dekt av rur, blant fangsten. Mora synes den ser ekkel ut, og vil kaste den ut igjen, men Rosa insisterer på å få den med heim. Før ho legg seg, legg ho dokka i badekaret for å vaske den, og neste morgon ligg mora død på badet, og dokka er borte. 

Ein annan stad på sagaøya, vert to britiske turistar funne døde. Ingen veit kva dei gjer på Island, og det er heller ingen spor etter korleis dei har kome hit.

KVIFOR kjem du til å like denne?
Fordi du tenker syns at Yrsa på halv maskin er langt over det beste andre kan klare. 

(2018)

Les meir

 
Kommenter innlegget

Posta av den 14/05/2021 tommar barn, island, politi, reykjavik, sigurdardottir

 

Jørgen Brekke – AVGRUNNSBLIKK

avgrunnsblikkBlodfattig Singsaker

I denne boka er Odd Singsaker og Felicia veldig lite med, og det merkast. Men dei set i gong begivenheitene, når dei har booka seg inn på ei avsidesliggande hytte, dit dei må køyrast med scooter, og i det scooteren har forlete dei, og er utanfor rekkevidde, oppdagar dei ei død kvinne som heng frå takbjelkane. Historia tek oss inn i ei verd av wiccahekser, fosterheimar og hevn.

KVIFOR kjem du til å like denne?
Fordi du har sansen for uryddige historier og wiccakunst.

(2017)

Les meir

 
 

Carol Wyer – LITEN JENTE FORSVUNNET

litenjenteforsvunnetImponerande spenningskrim

Abigail får anonyme meldingar om at mannen hennar har eit forhold på si, og at ho sjølv har hemmeligheiter som må avslørast.

Etterforskar Robyn Carter prøver å løyse ei drapsgåte, og etter kvart vert miljøet rundt mannen til Abigail involvert.   

KVIFOR kjem du til å like denne?
Fordi du likar omfattande, heilstøpt krim.

(2017)

Les meir

 
Kommenter innlegget

Posta av den 19/04/2021 tommar barn, england, politi, seriemordar, wyer