Agatha Christie – MORD PÅ NILEN

Klassikar

Hercule Poirot er på ferie i Egypt, då sosietetskvinna Linnet Doyle tek kontakt. Ho og ektemannen er på bryllupsreise, og vert plaga av eksen til mannen, den tidlegare bestevenninna hennar, Jacqueline de Bellefort. Det kulminerer i at Jacqueline skyt Simon Doyle på båten, og samme natt vert Linnet funnen død på lugaren sin.

KVIFOR kjem du til å like denne?
Fordi dette muligens er ei av verdas mest kjende krimhistorier.

(1937)

Reklame

 

Stein Riverton – FERGESTEDET

Romeo og Julie-ish

For 20 år sidan gjekk heile bygda saman og bygde skipet «Lykkens Prøve», som skulle bringe bedre tider til ein fattig stad. Alle bidrog i bygginga, og dei sende ungdommen i bygda ombord som mannskap. Men skipet gjekk ned, og ingen overlevde. Men på «Fergestedet», ei mørk og bitter kneipe, er det framleis dei som håper.

Ein kveld kjem ein framandkar, og kroeigarane Kaisa og Johannes ser at han tydeligvis er rik, og legg ein plan for å ta over formua til mannen.

Men parallelt med dette, fortel framandkaren ei historie til oldermannen – ei historie så oppsiktsvekkande at oldermannen ventar til dagen etter med å fortelle den til dei andre.

KVIFOR kjem du til å like denne?
Fordi du likar gamle, mørke historier.

(1928)

 

Sjöwall & Wahlöö – ROSEANNA

Beck begins…

Den aller fyrste boka om Martin Beck. 

Ei ung kvinne vert funnen mishandla og drept i ein kanal, og den einaste ledetråden politiet har, er at ho muligens har blitt kasta frå ein av båtane som går her. 

Etter mykje fomling i mørket, finn dei endelig ut identiteten hennar, ho er Roseanna McGraw, frå USA, på tur åleine i Skandinavia. 

KVIFOR kjem du til å like denne?
Fordi du likar serien om Beck, og er nysgjerrig på korleis det starta. 

(1965)

 

Lone Theils – JENTENE FRA ENGLANDSBÅTEN

Forsvinning til havs

Nora Sand er London-korrespondent for eit dansk magasin. Ein dag kjøper ho ein gammal koffert i ein bruktbutikk langs Englandskysten, og i den kofferten finn ho eit bilde av to danske jenter som forsvann sporlaust frå Englandsbåten i 1985. Ingen veit kva som skjedde med jentene, og Nora Sand bestemmer seg for å lage ei sak om dei.

KVIFOR kjem du til å like denne?
Fordi du likar uløyste saker og nordisk og britisk krim i skjønn foreining.

(2015)

 

Ruth Ware – KVINNEN I LUGAR 10

Får aldri opp storseglet

Lo Blacklock, ein engelsk reisejournalist, får sjansen til å vere med på eit luksuscruise langs norskekysten. Men berre kort tid før cruiset, vert ho overfalt og rana i si eiga leiligheit, og når ho reiser for å skrive ei sak frå cruiset, slit ho framleis med traumer og sjølvmedisinering.

Ombord på skipet vert ho (einaste) vitne til at ein person vert kasta over bord. Det viser seg at ingen personar er sakna ombord, men Lo har møtt ei ung jente rett før, som ho er sikker på at er den som har forsvunne. Men etter kvart vert ho usikker på om ho verkeleg har møtt denne kvinna, eller om det berre er noko ho innbiller seg.

(2016)