Sjöwall & Wahlöö – TERRORISTENE

Spennande etter ein tung start

Beck er vitne i ei sak der ei ung kvinne er skulda for å ha prøvd å rane ein bank. Samstundes er Gunvald Larsson i Spania, der han vert vitne til eit attentat på ein statsleiar. Like etter skal Sverige vere vertskap for ein svært upopulær amerikansk senator, og rykta går om at same organisasjon som stod bak attentatet i Spania, no kjem til Sverige.

Dette er den tiande og siste boka om Beck. Per Wahlöö døde rett før boka vart ferdig, så Maj Sjöwall måtte gjere den ferdig åleine. 

KVIFOR kjem du til å like denne?
Fordi du vil ha med deg slutten på Beck-universet i bokform.

(1975)

Reklame

 

Sjöwall & Wahlöö – MANNEN PÅ TAKET

Ein meir «moderne» Beck

Kommisar Stig Nyman var aldri verken noko god politimann, eller ein godt likt. Snarare tvert i mot, han var ein av dei mest hata personane i politikorpset i Stockholm. No er han drept, nærast delt i to, i sjukehussenga han låg i. Så det er ikkje mangel på mistenkte. 

Det endar i ei jakt på ein namngitt mistenkt, og det vert tøft for fleire. Dette er kanskje boka der Gunnvald Larsson verkeleg står fram som den råtassen han er i TV-serien. 

Dette er den sjuande boka om Beck. Her er dei seks foregåande:
1. Roseanna
2. Mannen som gikk opp i røyk
3. Mannen på balkongen
4. Døden tar buss
5. Brannbilen som forsvant
6. Snut, snut, kaffegrut

KVIFOR kjem du til å like denne?
Fordi du er nysgjerrig på korleis Gunnvald Larsson er når han går i Rambo-modus.

(1971)

 

Sjöwall & Wahlöö – BRANNBILEN SOM FORSVANT

Lettantenneleg nøtt for Beck

Eit hus som politiet har under overvakning brenn ned, og fleire døyr i brannen. Gunnvald Larsson prøver å berge folk ut av huset, medan ein kollega varslar brannvesenet. Men medan huset raskt brenn ned, dukkar aldri brannvesenet opp.

Politiet finn ut at ein av bebuarane har ville ta livet av seg sjølv, ved å sette på gassen i leiligheita si. Men noko skurrar likevel; korleis vart gassen påtent, og kva skjedde med brannbilen? 

Dette er den femte boka om Beck.

KVIFOR kjem du til å like denne?
Fordi ein ikkje kan gå feil med Martin Beck.

(1969)

 

Sjöwall & Wahlöö – SNUT, SNUT, KAFFEGRUT

Treig og traust Beck

Bedriftstoppen Viktor Palmgren vert drept under ein middag på ein restaurant i Malmö, og drapsmannen hoppar ut av eit vindu og vert borte. Palmgren etterlet seg eit enormt imperium, og det er fleire som gjerne vil ha ein bit av det. Martin Beck vert henta frå Stockholm for å løyse saka. 

Dette er den sjette boka om Beck.

KVIFOR kjem du til å like denne?
Fordi du likar dei klassiske Beck-historiene.

(1970)

 

Sjöwall & Wahlöö – DET LUKKEDE ROM

Beck sitt lukka rom-mysterie

Martin Beck er sakte på veg tilbake til arbeidslivet, og vert sett på ei «ufarleg» sak for å kome i gong. Ein mann vert funnen skoten i si eiga leiligheit, og han har åpenbart vore død ei stund. Det vert kjapt slått fast at det er sjølvmord, men det er ingen teikn til våpenet i leiligheita.

Parallelt med dette prøver Lennart Kollberg og Gunvald Larsson å løyse ei rekke bankran som herjar Stockholm. 

KVIFOR kjem du til å like denne?
Fordi det godt lukka rom-mysterium aldri er å forakte.

(1972)

 

Sjöwall & Wahlöö – MANNEN SOM GIKK OPP I RØYK

Beck på sitt beste

Dette er heilt klart den beste av den fire fyrste bøkene om Beck. 

Ein svensk statsborgar forsvinn i Ungarn, og utan å vite heilt kva som er bakgrunnen, vert Beck bedt om å reise ned for å finne ut kva som har skjedd med han. 

Handlinga virka veldig kjent, og etter litt googling viser det seg at NRK har gitt denne ut som høyrespel for nokre år sidan. 

KVIFOR kjem du til å like denne?
Fordi du likar krim bak jernteppet, der helten ikkje har særleg utøvande makt. 

(1966)

 

Sjöwall & Wahlöö – MANNEN PÅ BALKONGEN

Gammaldags politikrim

Her har det gått litt i krøll for lydbokleverandøren min, som meiner dette er bok nummer to, når det faktisk viser seg å vere den tredje. Men NOK.OM.DET. 

Denne er nok litt meir hardbarka enn den fyrste. Samtidig som ein ranar gjer Stockholmsparkane utrygge på kveldstid, vert ei lita jente funnen drept og misbrukt. Og det kan virke som om park-ranaren kan ha vore vitne til dette. Så då hastar det med å få ta i han, og å få han til å snakke.

KVIFOR kjem du til å like denne?
Fordi du likar litt retro krim, eller er såpass gammal at du minnes denne forteljarstilen med glede. 

(1967)

 

Sjöwall & Wahlöö – ROSEANNA

Beck begins…

Den aller fyrste boka om Martin Beck. 

Ei ung kvinne vert funnen mishandla og drept i ein kanal, og den einaste ledetråden politiet har, er at ho muligens har blitt kasta frå ein av båtane som går her. 

Etter mykje fomling i mørket, finn dei endelig ut identiteten hennar, ho er Roseanna McGraw, frå USA, på tur åleine i Skandinavia. 

KVIFOR kjem du til å like denne?
Fordi du likar serien om Beck, og er nysgjerrig på korleis det starta. 

(1965)

 

Sjöwall & Wahlöö – DØDEN TAR BUSS

Beck i gamle dagar.

Dette er den fjerde boka om Martin Beck, no mest kjend frå TV-serien.

Ein våpendesperado skyt om seg på ein buss i Stockholm, og drep 8 passasjerar. Berre ein overlever. Blant dei drepne er ein politimann, og politiet mistenker at drapa er for å dekke over drapet på denne politimannen. Det viser seg at han, på fritida, har etterforska eit gammalt drap på ei portugisisk prostituert.

* I 1995 var denne boka kåra til tidenes 46. beste krimbok, av den amerikanske forfattarorganisasjonen Mystery Writers of America (MWA)

KVIFOR kjem du til å like denne?
Fordi du syns Beck er ein av dei beste krimheltane, og vil lese ei av dei beste bøkene om han.

(1968)