Atle Nielsen – ETT BLOD

Fartsfylt Bergenskrim

Ein mann vert funnen drept i Bergen, saman med eit visittkort med «Congratulations to you too». Noko seinare vert eit anna drapsoffer funne i England, med samme visittkort. TV2-journalist Ole Bull er på jakt etter ei god sak, og finn løysingar der politiet kjem til kort. Ei heseblesende jakt fører oss frå Bergen, til hooliganmiljøet i London.

KVIFOR kjem du til å like denne?
Fordi du likar krim over landegrensene, og kanskje er ekstra glad i Bergenskrim og fotball. 

(2020)

Reklame

 

Monika N. Yndestad – JENTENE FRA BALLETTEN

Ord mot ord i Os

Ein ung politimann engasjerer seg i ungdomsarbeidet i Os, utanfor Bergen. Han startar ungdomsklubb, køyrer fulle ungdommar heim, og hjelper dei på legevakta. Men så fyrst ei, og så ei til, av dei ungene jentene fram og seier han har voldtatt dei. Dette er jenter på veg ut på skråplanet, og politimannen meiner det dreier seg om smålig hevn. Men BA-journalist Alice Bratt trur på jentene.

KVIFOR kjem du til å like denne?
Fordi du likar norsk småbykrim, og synes ord mot ord-saker er spennande.

(2012)

 

Monika N. Yndestad – GRAVEN

Interessant bekjentskap

15 år gamle Pia Espeland forsvinn sporlaust i Bergen i 1993. Rett før ho forsvinn, har ho vore i kontakt med barnevernet, men nekta å fortelje dei kva det gjeld, anna enn at ho ønsker seg ei ny familie.

Tilbake i no-tida, 17 år seinare, og journalist i BA, Alice Bratt, snublar over eit lik som har vore gøymt i eit skjult tilfluktsrom i skogen. Utanfor er det sett opp gravlys. Medan politiet prøver å stadfeste kven den døde er, forsvinn ei ung jente igjen frå området.

KVIFOR kjem du til å like denne?
Fordi du er på jakt etter nye norske forfattarar, som kan verte framtidige favorittar. 

(2018)

 

Gunnar Staalesen – KALDE HJERTER

Varg Veum får besøk av ei prostituert kvinne, som vil melde venninna si sakna. Ho følte seg trua rett før ho forsvann, og venninna er redd ho ikkje har forsvunne av eiga fri vilje.

Veum har så vidt starta grave i saka før det fyrste liket dukkar opp. Så viser det seg at den forsvunne kvinna, Margrethe, har ei familiehistorie litt utanom det vanlege.

(2008)

 

Chris Tvedt – DØDENS SIRKEL

Advokat Mikael Brenne er midt i ei sak, då han plutselig vert sentrum i ein enorm skandale, som ser ut til å øydelegge heile karrieren hans.

Medan han sjølv er under etterforsking, hjelper han til med å sjå på ei gammal drapssak, der ein mann som vart dømt for drap i eit lite øysamfunn 25 år tidlegare, no vil ha saka si opp att, og verte reinvaska.

(2010)

 

Gunnar Staalesen – DER HVOR ROSER ALDRI DØR

Mi fyrste Varg Veum-bok, og forventingane var ikkje kjempehøge, etter eit par mislykka møter med bergensaren i filmform. Men dette var noko anna.

I 1977 forsvinn ei tre år gammal jente frå ei sandkasse i Bergen, og ho vert aldri funna. No er det nesten 25 år sidan, og mora til jenta oppsøker Varg Veum for å få hjelp til å løyse mysteriet, før foreldingsfristen går ut.

Det som i utgangspunktet skal vere ei traurig repetering av jobben politiet gjorde den gongen, vert ei spennande leiting, der Veum får hjelp frå ting som skjer i dagens Bergen*.

* Dagens Bergen er å ta litt hardt i, for handlinga er lagt til 2002, som virka noko rart for ei bok som kom ut i 2012.

(2012)

 

Chris Tvedt – AV JORD ER DU KOMMET

Den fyrste boka eg har lest av bergensaren, og den leverte.

Kriposetterforskaren Edvard Matre vert sendt til heimbyen Bergen for å løyse det som kan minne om ei seriedrapssak. Ei ung jente er drepen, ei anna ligg i koma, og begge har vorte angrepne på same måte, kan det sjå ut som.

Samstundes dukkar det opp ei sak frå fortida til Matre, i Oslo, og han har full jobb med å balansere familie, jobb og ei kvinne han ikkje burde involvere seg med.

(2012)