Sjöwall & Wahlöö – BRANNBILEN SOM FORSVANT

Lettantenneleg nøtt for Beck

Eit hus som politiet har under overvakning brenn ned, og fleire døyr i brannen. Gunnvald Larsson prøver å berge folk ut av huset, medan ein kollega varslar brannvesenet. Men medan huset raskt brenn ned, dukkar aldri brannvesenet opp.

Politiet finn ut at ein av bebuarane har ville ta livet av seg sjølv, ved å sette på gassen i leiligheita si. Men noko skurrar likevel; korleis vart gassen påtent, og kva skjedde med brannbilen? 

Dette er den femte boka om Beck.

KVIFOR kjem du til å like denne?
Fordi ein ikkje kan gå feil med Martin Beck.

(1969)

Reklame

 

Arni Thorarinsson – DEN SJUENDE SØNNEN

Utkantkrim frå Island

Journalisten Einar er i Isafjördur, langt vest og avsidesliggande, sjølv til Island å vere. Han skal eigentleg skrive ei sak om den hanglande økonomien i utkantane, men så skjer ting fort. Eit verneverdig hus brenn ned, Einar og eigaren av huset vert nesten køyrt ned av stolen bobil under eit intervju, og to personar forsvinn, den eine av dei ei tidlegare fotballspelar som har hatt suksess i utlandet. Einar legg distrikstøkonomien til sides, for å nøste i hop trådane.

NB: Styr unna lydboka. Innlesaren gir kvar karakter eigne stemmer, noko som får det til å høyres ut som ei episode av Postmann Pat til tider.

Dette er den sjette boka om Einar «bladamann», som han heiter på islandsk wikipedia.

KVIFOR kjem du til å like denne?
Fordi du likar det litt askegrå teppet som ligg over islandsk bygdekrim.

(2008)

 

Matthew Hall – SPOR I ASKE

Likskuedommar-krim

Etter ein husbrann vert ein mann og dei to stedøtrene hans funne omkomne. Stesonen har forsvunne. Likskuedommar Jenny Cooper er den som skal finne ut kva som har skjedd, og mykje tyder på at dette var meir enn ein vanlig husbrann.

KVIFOR kjem du til å like denne?
Fordi du er stor fan av britisk krim, med spennande og solide plott.

(2014)

 

Egil Birkeland, Bjørnar Pedersen – DØDE TING

Pirattaxi, brannstifting og anna moro

Mowinckels Hospits brenn ned, og nattevakta, som Elmer Henriksen har hatt kontakt med, døyr i brannen. Hospitseigaren meiner brannen er påsett, og vil at Henriksen skal sjå på saka.

KVIFOR kjem du til å like denne?
Fordi du har sansen for krim som harselerer litt med sjangeren.

(2008)

 

Ninni Schulman – GUTTEN SOM SLUTTET Å GRÅTE

Ei kvinne døyr etter ein husbrann i Hagfors, og det kan tyde på at den eksplosive brannen er påtent. Ein mann har vorte sett syklande frå staden like før.

Ikkje mange dagane etter, står eit nytt hus i brann på den vesle staden, og brannen liknar veldig på den forrige.

(2012)

 

Jon Hallur Stefansson – ULVEN

I ein liten kystby på Island, fryktar det lokale politiet at ein pyroman er på ferde.

Hjelp vert tilkalla frå hovudstaden, og det byrjar snart å danne seg eit mønster, der familier vert sett opp mot kvarandre.

(2008)

 

Ian Rankin – THE BLACK BOOK

Ein mann vert slått ned utanfor ei slaktarforretning i Edinburgh. Seinare vert politimannen Brian Holmes slått ned utanfor ein kafé.

John Rebus byrjar grave i ei gammal sak, og Siobhan Clarke jobbar med ei overvaking av eit taxikontor.

Etter kvart vert dei fire sakene meir og meir knytt til kvarandre, og knutepunktet viser seg å vere storskurken Big Ger Rafferty.

(1993)