Agatha Christie – THEY CAME TO BAGHDAD

Ein sirup av ein thriller

Det er krim Agatha Christie er best kjent for, og her merkar ein kvifor. For på trass av gode omtalar då den kom ut i 1951;  i denne thrilleren går det altfor sakte, det er for lite action, og det er nesten aldri spennande. 

Den unge, nyleg arbeidslause Victoria Jones, har gjort lystløgn til ein kunst, då ho møter den spennande Edward i London. Men dessverre skal Edward reise til Bagdad innen kort tid. Victoria veit ikkje ein gong etternavnet hans, men bestemmer seg for å følge etter han, og bruker alle sine svindlande kunster for å få det til. 

I Bagdad er det som skulle vere eit superhemmelig møte mellom stormaktene no allmen kjent, og ei gruppe planlegg å sabotere møtet. Victoria hamnar midt oppe i dette då ho kort tid etter ankomst, ender opp med ein død mann på hotellrommet sitt.  

KVIFOR kjem du til å like denne?
Fordi ein er nysgjerrig på korleis ein thriller frå Agatha Christie er.

(1951)

Reklame

 

Agatha Christie – OG DERMED VAR DET INGEN

Den største av dei alle?

Kanskje? I alle fall ein av dei heilt store Agatha Christie-klassikarane, og i følge wikipedia den mest solgte krimboka nokon gong. 

Åtte personar kjem til ei øy utanfor kysten av Devon, og alle har vorte personlig invitert hit av ein person dei ikkje er heilt sikre på kven er; Ulick Norman Owen og Una Nancy Owen. På øya vert dei tekne i mot av butleren og husholdersken, som fortel at verten og vertinna ennå ikkje har dukka opp. På romma til kvar enkelt heng eit gammalt barnerim, og når alle er samla etter middag, spelar ein grammofon av ei plate, der kvar av dei åtte, samt hushaldersken og kokken, vert beskulda for på eit eller anna tidspunkt å ha drept nokon. Så fell ein av dei om død, etter å ha drikke ein drink der det er spor av cyanid. Så er me i gong. 

På grunn av den rasistiske originaltittelen (1939), og den ikkje så mykje bedre andretittelen (1964), så har boka måtte skifte namn to gonger i Storbritannia, og heiter i dag «And then there where none.» I USA var dei derimot litt meir framsynte, og ga boka det namnet ved fyrste utgivelse, allereie i 1940, medan dei i England venta med dette til 1985.

KVIFOR kjem du til å like denne?
Fordi du er nysgjerrig på kvifor akkurat denne står ut som ein bauta i krimlitteraturen.

(1939)

 

Agatha Christie – MISS MARPLE´S FINAL CASES

Miss Marple takkar av

Ei samling noveller med Miss Marple i hovudrolla, som vart gitt ut 3 år etter at Agatha Christie døydde:

1. 1. 1. Sanctuary (1961)
2. Strange Jest (1950)
3. Tape-Measure Murder (1950)
4. The Case of the Caretaker (1950)
5. The Case of the Perfect Maid (1950)
6. Miss Marple Tells a Story (1934)
7. The Dressmaker´s Doll (1961)*
8. In a Glass Darkly (1939)*
9. Greenshaw´s Folly (1960)

* Disse to er ikkje med Miss Marple

KVIFOR kjem du til å like denne?
Fordi det er vanskelig å mislike Miss Marple.

(1979)

 

 

Agatha Christie – MIDWINTER MURDER

Julestemning i Agatha Christie-land

Ei underhaldande og stemningsfull novellesamling, som inneheld ni historier:

1. A Christmas Tragedy (Miss Marple), 1930
2. The Mystery of the Baghdad Chest, 1939
3. The Clergyman´s Daughter (Tommy & Tuppence), 1929
4. The Plymouth Express (Poirot), 1939
5. Problem at Pollensa Bay (Parker Pyne), 1939
6. Sanctuary (Miss Marple), 1961
7. The Mystery of Hunter´s Lodge (Poirot), 1924
8. The World´s End (Harley Quin), 1927
9. The Manhood of Edward Robinson, 1934

KVIFOR kjem du til å like denne?
Fordi du ikkje kan reise på juleferie utan ein stabel Agatha Christie-mysterier i kofferten.

(2020)

 

 

Agatha Christie – THE SEVEN DIAL MYSTERY

Altfor komplisert på Chimneys

Me er tilbake på Chimneys, der eigaren Lord Caterham har leigd ut herregården til eit ektepar som underheld gjestar der. Ein av gjestane, Gerry Wade, er kjend for å forsove seg, og dei andre bestemmer seg for å spele han eit puss. Dei plasserer 8 vekkerklokker på rommet, alle innstilt på forskjellig tidspunkt. Men neste morgon finn dei Wade død.

Etter at Caterham og dottera, Lady Eileen «Bundle» har flytta tilbake, er ho på veg til London i bil, då ein mann hoppar fram for bilen hennar, og døyr. Før han døyr seier han noko om «seven dials» (urskiver), og nemner namnet til Jimmy Thesiger, ein av dei som var på godset då Wade døde. Det viser seg at mannen er Ronny Deveraux, også han ein av gjestane, og det viser seg at det ikkje var kollisjonen som tok livet av han, men at han vart skoten. Det viser seg at Seven Dials er ein klubb, og at det der er 7 medlemmer som kler seg ut med urskiver, og at Bundle har rota seg langt inn i denne suppa.

KVIFOR kjem du til å like denne?
Fordi du likar Agatha Christie, men er litt lei av Miss Marple og Poirot?

(1929)

 

Agatha Christie – THE SECRET OF CHIMNEYS

Noko heilt anna frå krimdronninga

Eventyraren Anthony Cade reiser til London med eit manuskript som muligens kan inneholde politisk dynamitt angåande det tidlegare monarkiet Herzoslovakia, og skal leverast til eit forlag. 

Samtidig overtalar politkaren George Lomax sin venn Lord Caterham til å arrangere ein samankomst på godset sitt, Chimneys. Til stades er fleire prominente gjestar, blant dei ein samlar som nettopp kjempar for å gjeninnsette monarkiet i Herzoslovakia. I løpet av kvelden på Chimneys, vert nokon drept. Cade vert vikla inn i begge sakene, og manuskriptet, som nokon prøver å stjele, står sentralt, saman med organisasjonen «Den Røde Hånds Liga». 

Sjefsinspektør Battle frå Scotland Yard vert tilkalla for å løyse saka. 

KVIFOR kjem du til å like denne?
Fordi du er spent på å lese den femte krimromanen til Agatha Christie, om den fjerde helten.

(1925)

 

Agatha Christie – THE PALE HORSE

Kan Christie fungere utan Poirot eller Marple?

Noko så sjeldan som ei Agatha Christie-historie utan Hercule Poirot og Miss Marple. Det er litt Ariadne Oliver med, om ikkje anna. 

Hovudpersonen er Mark Easterbrook, som vert vitne til to jenter som krangler på ein bar, og litt seinare får vite at den eine av dei to er død. Seinare fortel ei venninne om noko som vert kalla The Pale Horse, ein slags organisasjon som kan ta livet av folk på bestilling. Så vert presten Gorman drept, og Easterbrook finn ei liste med namn i skoen hans, der både namnet til presten, den døde kvinna frå baren, og ein nær bekjent at Easterbrook står oppført. Det heile vert toppa av at forfattaren Ariadne Oliver kjem inn i bildet, og fortel om eit hus der det bor tre hekser. Huset var tidlegare eit vertshus som heite nettop The Pale Horse. 

KVIFOR kjem du til å like denne?
Fordi du så klart er spent på korleis det er å lese ei Agatha Christie-historie utan nokon av dei to store.

(1961)

 

Agatha Christie – BLACK COFFEE

Poirot tek til scena

Dette er opprinnelig eit skodespel, faktisk det fyrste Agatha Christie skreiv, så vidt eg har forstått. 

Vitenskapsmannen Sir Claud Amory oppdagar at nokon har stole formelen til eit atomsprengstoff som han har utvikla. Tjuven må vere ein i huset, og Amory tilkallar Poirot for å finne ut av det. Men så vert Amory forgifta, og det er åpenbart at den same personen i hushaldninga hans står bak både tjuveriet og drapet. 

KVIFOR kjem du til å like denne?
Fordi du er spent på om Poirot er annaleis i skodespel enn han er på tv eller i bøkene.

(1930)

 

Agatha Christie – DEAD MAN´S MIRROR

«Det lukka rom»

Ein mann har tilsynelatande teke livet av seg inne på eit låst rom. Poirot vert kalla til åstaden, og mistenker at det ikkje dreier seg om sjølvmord likevel. 

Denne novella kom opprinnelig ut i eit blad under tittelen «The Second Gong» i 1932, men Agatha Christie skreiv den litt lenger og ga den ut under ny tittel i samlinga «Murder in the Mews» i 1937. 

KVIFOR kjem du til å like denne?
Fordi du kan like eit godt lukka rom-mysterium.

(1937)

 

Agatha Christie – THREE ACT TRAGEDY

Giftdrap på rekke og rad

Under eit middagsselskap, dett ein av gjestane, pastoren Babbington, død om. Kveldens vert, skuespelaren Sir Charles Cartwright er overbevist om at det er mord, men psykiateren Sir Bartholomew Strange, som også er gjest, kan ikkje finne noko gift i glaset. Seinare er fleire av gjestane samla igjen, denne gongen i Monte Carlo, og denne gongen vert verten Strange forgifta, men heller ikkje noe er det noko spor i glaset. Tre av dei som har vore til stades; Cartwright, Satterthwaite og den unge kvinna «Egg» bestemmer seg for å løyse saka, og Poirot gir dei ei hjelpande hand. 

KVIFOR kjem du til å like denne?
Fordi du likar gamle krimhistorier med litt lengre historiebue.

(1934)