Stein Riverton – MORDEREN FRA MØRKET

Den døde og hevngjerrige legen

Apotekar Frykman, som kontrollerer vekslar for banken, oppdagar at ein god venn som er lege, Dr. Flodin, har begått underslag. Han veit han må sei frå, men gir legen ein frist på åtte dagar til å ordne opp, men dagen før fristen går ut, kastar doktor Flodin seg ut frå ei ferge. Han vert aldri funnen. Men så vert apotekaren funnen drept i apoteket, og to landstrykarar vert arrestert. Men ein felles venn av dei to, ein kaptein, veit at den einaste som hadde ein grunn til å ta livet av Frykman, er Flodin, som framleis ikkje er funnen.  

KVIFOR kjem du til å like denne?
Fordi du likar gammal og klassisk norsk krim.

(1914)

Reklame

 

Freeman Wills Crofts – THE HOG´S BACK MYSTERY

Ein mindre kjent krimhelt frå 30-talet

Julia Earle og mannen, legen James Earle, bur langt frå folk, og har derfor sjeldan besøk. Då er det sjølvsagt ekstra stas når Julia får besøk av både systera Marjorie og venninna Ursula. Men kort tid etter ankomst, merker Ursula både at venninna Julia har eit forhold til ein yngre nabo, og ho ser legemannen i byen med ei anna kvinne. Og som ikkje det er nok, så forsvinn plutselig James Earle, utan spor. Sist sett i berre tøfler, lesande på dagens avis

Politiet vert tilkalla, men kjem ingen veg, og må til slutt tilkalle inspektør Joseph French frå Scotland Yard.

KVIFOR kjem du til å like denne?
Fordi du likar dei gode, gamle britiske krimhistorien. 

(1933)

 

Harlan Coben – EN VENN AV FAMILIEN

Den forsvunne gamletrenaren

Myron vert kontakta av sjefen i Zoom, eit stort selskap som lagar sportsutstyr. Brenda Slaughter er den store stjerna deira, og ho vert plaga av anonyme telefonar, som blant anna vil at ho skal ringe mora. Ei mor som forsvann for 20 år sidan. Og no forsvinn plutselig faren også, ein gammal ven av Myron, og Myron tek på seg oppgava med å finne faren og personane bak telefonoppringningane. 

KVIFOR kjem du til å like denne?
Fordi du er hekta på Bolitar-serien. 

(1998)

 

Harlan Coben – EN SISTE SJANSE

Eit lenge etterlengta comeback

Den største rivalen til Bolitar på universitetsnivå, den gongen før han vart skadd og måtte legge opp, er forsvunnen. Greg Downing er ein snåling, som aldri har latt seg sponse, og som køyrer taxi på fritida. Like før han forsvann, signerte han likevel ein enorm sponsoravtale. Laget hans, New Jersey Dragons, vil ikkje avsløre at han er forsvunnen, og lager ei dekkhistorie om at han er skadd, og at Myron Bolitar vert henta fram frå gløymselen, for endelig å få sin debut i NBA. Sannheita er at Bolitar skal infiltrere laget, for å finne ut kva som kan ha skjedd med Downing. 

KVIFOR kjem du til å like denne?
Fordi du fekk sansen for Myron Bolitar i dei foregåande bøkene. 

(1996)

 

Peter James – DØD MANNS FOTSPOR

Den perfekte svindel

Ein mislukka britisk businessmann er tilfeldigvis i New York under terrorangrepet 11.september 2001, der han skulle hatt eit møte i det sørlige tårnet i World Trade Center. Han overlever, men ser dette som ei muligheit til å viske ut den gamle Ronnie Wilson, og starte på nytt.

I Brighton vert Roy Grace kalla ut til funnet av ei død kvinne, som han fryktar kan vere kona hans, Sandy.

KVIFOR kjem du til å like denne?
Fordi du likar ein solid sidesnuar som bygger spenning og nøstar trådar.

(2008)

 

Peter James – VAKKER I DØDEN

Ting du ikkje skulle sett

Tom Bryce er på veg heim frå jobb, då har merkar at ein av passasjerane har gått frå ein CD på toget. Han tek den med heim, for å finne eigaren, men ser noko på CDen som han ikkje skulle sjå, og derfrå går ting raskt i utforbakke, for ein mann som allereie slit litt med firmaet og privatlivet.

KVIFOR kjem du til å like denne?
Fordi du likar ein kjapp og spennande thriller.

(2006)

 

Peter James – LEVENDE BEGRAVET

Guffent plott

Den fyrste boka om politimannen Roy Grace (har tidlegare lest Ikke død nok), og saka er av det gufne slaget. Michael Harrison er ein spøkefugl, som har drege ting svært langt i utdrikningslaga til kompisane. No er det hans tur, og kompisane legg han i ei kiste og grev han ned i skogen, mens dei sjølv drar på pubrunde. Men på veg til den fyrste puben, hamnar dei i ei bilulykke, der alle mister livet. Så no ligg Michael der, åleine i skogen, med ein walkie-talkie og ei flaske whiskey, og har inga aning om kva som skjer.

KVIFOR kjem du til å like denne?
Fordi du likar dei litt ubehagelige krimhistorien.

(2005)

 

Liza Marklund – POLARSIRKELEN

Litt for dårleg tid i avslutninga

Sommaren 1980 forsvinn ei ung jente sporlaust frå ein liten by nord i Sverige. 39 år seinare vert liket av ei ung jente funnen, murt inne i fundamentet til ei bru som vart støpt i 1980. Dei fem venninnene Carina, Susanne, Birgitta, Sofia og Agneta hadde i 1980 ein lesesirkel dei kalla Polarsirkelen, og no som den femte av dei vert funnen død, samlast dei fire andre på nytt.

KVIFOR kjem du til å like denne?
Fordi du likar krim som avdekker gamle hemmeligheter. 

(2021)

 

Arni Thorarinsson – DEN SJUENDE SØNNEN

Utkantkrim frå Island

Journalisten Einar er i Isafjördur, langt vest og avsidesliggande, sjølv til Island å vere. Han skal eigentleg skrive ei sak om den hanglande økonomien i utkantane, men så skjer ting fort. Eit verneverdig hus brenn ned, Einar og eigaren av huset vert nesten køyrt ned av stolen bobil under eit intervju, og to personar forsvinn, den eine av dei ei tidlegare fotballspelar som har hatt suksess i utlandet. Einar legg distrikstøkonomien til sides, for å nøste i hop trådane.

NB: Styr unna lydboka. Innlesaren gir kvar karakter eigne stemmer, noko som får det til å høyres ut som ei episode av Postmann Pat til tider.

Dette er den sjette boka om Einar «bladamann», som han heiter på islandsk wikipedia.

KVIFOR kjem du til å like denne?
Fordi du likar det litt askegrå teppet som ligg over islandsk bygdekrim.

(2008)

 

CJ Tudor – DE ANDRE

Komplekst og spennande

Gabe er på veg heim frå jobb, då han får auge på dottera Izzy i baksetet på ein framand bil. Han følger etter bilen til han mister den, men har ikkje batteri på telefonen, så han får ikkje ringt heim før han må stoppe. Då får han beskjed om at kona og dottera er drept av nokon som har brote seg inn i huset. Han prøver å overbevise politiet om at han nettopp har sett dottera. 

KVIFOR kjem du til å like denne?
Fordi du likar intrikate historier, med mange tråder i aust og vest.

(2020)