RSS

Kategoriarkiv: gamle dagar

Maria Lang – ROSER, KYSS OG DØDEN

roserkyssogdødenUspennande idyll

Christer Wijk har forlova seg, og Puck og Einar reiser til den komande svigerfamilien hans, for å helse på. Det startar med ein herregardsidyll, med ein imponerande rosehagen, men det tek ikkje lang tid før far i huset, Fredrik Malmer, vert alvorleg sjuk, og døyr veldig brått. Eit anna familiemedlem, som skulle vake ved sjukesenga, vert funnen i unormal djup søvn. Noko er åpenbart ikkje som det skal vere, men det virker ikkje som om Christer Wijk vil prøve å finne ut av det.

KVIFOR kjem du til å like denne?
Fordi du har sansen for krim blant roser, teselskap og rike gamlingar. 

(1953)

Les meir

 
Kommenter innlegget

Posta av den 12/08/2021 tommar 50-talet, familie, gamle dagar, lang, sverige

 

Michel Bussi – SVARTE VANNLILJER

svartevannliljerDrap i Monet sitt rike

Boka startar med ein presentasjon av tre kvinner i forskjellig alder, som skal prege historia.

Kunstsamlaren Jerome Morval, som har gjort karriere som augelege i Paris, og no er tilbake i Claude Monet sin idylliske landsby Giverny, vert funnen drept i ein kanal. Politifolka Serenac og Benavides finn, til tross for at begge er blenda av den vakre Stephanie Dupain, ut at eit liknande drap skjedde her, tilbake i 1937.

Heile historia kretser rundt Monet sine vannliljer, som han malte her, og gjorde staden til eit mekka for impresjonistar verda over. 

KVIFOR kjem du til å like denne?
Fordi du har sansen for omfattande historier som vert nøsta fint saman. 

(2011)

Les meir

 
 

Peter May – DRAPET PÅ ENTRY ISLAND

Spenning på Canadakysten

Ein rik forretningsmann vert drept på ei isolert engelstalande øy, midt i den franskspråklige Quebec-provinsen. Politiet vert sendt frå fastlandet i Montreal, og betjent Sime Mackenzie er med fordi han snakkar engelsk.

Alt tyder på at det er kona til James Cowell, Kirsty, som er den skuldige, men når Sime møter henne, får han ei kjensle av at dei to kjenner kvarandre frå tidlegare, sjølv om han er sikker på at dei aldri har møttes.

KVIFOR kjem du til å like denne?
Fordi du likar rural krim, innhylla i mystikk.

(2014)

Les meir

 
Kommenter innlegget

Posta av den 14/03/2020 tommar canada, gamle dagar, may, politi, quebec

 

Lars Kepler – KANINJEGEREN

Ny seriemordar for Joona Linna

Den svenske utanriksministeren vert brutalt slakta ned i ein luksusvilla, med ei ung eskortepike som vitne. Ho har overlevd angrepet, og fått med seg beskjeden frå drapsmannen: «No kjem helvete til å sluke dokke alle».

Joona Linna vert henta ut av fengsel for å bistå Saga Bauer i jakta på det som viser seg å vere ein seriemordar. Og midt i suppa står ein kjend tv-person, den sliten tv-kokken Rex.

KVIFOR kjem du til å like denne?
Fordi du likar intense krimsaker, med masse fart og spenning, og full av smarte vendingar som lurer deg gong etter gong.

(2016)

Les meir

 
 

Jørgen Brekke – ALLE KAN DREPE

Skuffande Singsaker

Ei litt annaleis Odd Singsaker-bok. Han og Felicia er på nippet til å verte foreldre, då ein litteraturkritikar vert drepen. Drapet er ganske brutalt og bestialsk, og står i sterk kontrast med livet til den drepte Tore Harran.

Ei parallellhistorie fortel om fem nordiske venner som jobber ved eit sjukehus i Sverige ein gong på 90-talet, og det er vel ikkje HEILT utenkelig at me finn enten offer eller drapsmann blant disse.

KVIFOR kjem du til å like denne?
Fordi du har lest alle dei forrige Singsaker-bøkene, og ikkje vil ha eit hol i samlinga.

(2018)

Les meir

 

Tom Egeland – CODEX

Velkjend oppskrift

Bjørn Beltø er ute på arkeologisk oppdrag igjen, denne gongen i Roma, der han er observatør på ei utgraving som finn både tornekrona Jesus hadde på korset, samt eit kodeks som skal avsløre hittil ukjende ting rundt kristendommens fyrste år.

Oppskrifta er velkjend, og det er vanskelig å toppe det som allereie har vorte gjort i fleirfoldige Beltø-historier tidlegare. Dessverre er ingenting overraskande lenger, og sjølve historia er heller ikkje i nærheita av Paktens Voktere og Sirkelens Ende.

Men likevel er den spennande og med bra tempo, så ein les seg gjennom denne på ein kveld eller to. Men saknar likevel å bli like reven med som i dei fyrste Beltø-bøkene.

KVIFOR kjem du til å like denne?
Fordi du ikkje kan få nok av krim med bibelske referanser, og ein norsk helt som er heilt i verdensklasse.

(2018)

Les meir

 
Kommenter innlegget

Posta av den 08/06/2019 tommar bibelen, egeland, england, gamle dagar, london, roma

 

Hans Olav Lahlum – DE FEMS TEGN

Hemnar utan håp

Ein eldre mann mister barnebarnet og svigerdottera, nokre år etter at hans einaste son døydde. Kona har vore død sidan like etter krigen.

Draumen om ei stor familie får ein brå slutt, og mannen byrjar leite i husken, etter tinga som gjorde at ting vart slik dei vart. Minna tek han tilbake til krigen.

Han legg ut på eit hemntokt over Europa, med eit heilt klart mål. Han er ein mann i 80-åra som ikkje har noko å tape lengre, og hans argaste fiende er helsa.

(2017)

Les meir

 

Trude Teige – JENTA SOM SLUTTET Å SNAKKE

Imponerande sunnmørskrim

Ei einsleg kvinne vert funnen drept i ei stol i sin eigen heim, iført sitt finaste antrekk. Ganske nøyaktig eit år tidlegare vart faren, ein omreisande predikant, drepen på bestialsk vis i samme huset.

Kvinna har aldri besøk, har ikkje snakka sidan ungdommen, og sit stort sett i stova si og ser på folk som går forbi. Journalist Kajsa Coren vert nysgjerrig på fortida til kvinna, og drapssaka eskalerer når den unge nabojenta forsvinn.

(2014)

Les meir

 

Peter May – LEWISBRIKKENE

Lewistrilogien endar

Den tredje boka om Fin Macleod startar midt i ein storm, der Fin og barndomskameraten Whistler er ute i fjella på Lewis. Når stormen stilnar, har ein liten innsjø under dei forsvunne, og eit lite småfly har kome til syne der vatnet var.

Flyet viser seg å vere flyet til rockestjerna Roddy Mackenzie, som forsvann ute på havet 17 år tidlegare.

(2012)

Les meir

 

Peter May – LEWISMANNEN

Den vanskelege oppfølgaren

Eit svært godt bevart lik vert funne i myrane på Isle of Lewis, og ting tyder på at det har ligge der ei stund. Fin Macleod har sagt opp politijobben i Edinburgh, og flytta heim, etter handlinga i Svarthuset. Han vil pusse opp ruinane av huset etter foreldra, men vert heller dregen inn i saka med torvliket. Det viser seg nemleg at liket kan ha ein forbindelse med faren til Marsaili, barndomskjærasten til Fin.

(2012)

Les meir