Agatha Christie – THE SEVEN DIAL MYSTERY

Altfor komplisert på Chimneys

Me er tilbake på Chimneys, der eigaren Lord Caterham har leigd ut herregården til eit ektepar som underheld gjestar der. Ein av gjestane, Gerry Wade, er kjend for å forsove seg, og dei andre bestemmer seg for å spele han eit puss. Dei plasserer 8 vekkerklokker på rommet, alle innstilt på forskjellig tidspunkt. Men neste morgon finn dei Wade død.

Etter at Caterham og dottera, Lady Eileen «Bundle» har flytta tilbake, er ho på veg til London i bil, då ein mann hoppar fram for bilen hennar, og døyr. Før han døyr seier han noko om «seven dials» (urskiver), og nemner namnet til Jimmy Thesiger, ein av dei som var på godset då Wade døde. Det viser seg at mannen er Ronny Deveraux, også han ein av gjestane, og det viser seg at det ikkje var kollisjonen som tok livet av han, men at han vart skoten. Det viser seg at Seven Dials er ein klubb, og at det der er 7 medlemmer som kler seg ut med urskiver, og at Bundle har rota seg langt inn i denne suppa.

KVIFOR kjem du til å like denne?
Fordi du likar Agatha Christie, men er litt lei av Miss Marple og Poirot?

(1929)

Reklame

 

Agatha Christie – BLACK COFFEE

Poirot tek til scena

Dette er opprinnelig eit skodespel, faktisk det fyrste Agatha Christie skreiv, så vidt eg har forstått. 

Vitenskapsmannen Sir Claud Amory oppdagar at nokon har stole formelen til eit atomsprengstoff som han har utvikla. Tjuven må vere ein i huset, og Amory tilkallar Poirot for å finne ut av det. Men så vert Amory forgifta, og det er åpenbart at den same personen i hushaldninga hans står bak både tjuveriet og drapet. 

KVIFOR kjem du til å like denne?
Fordi du er spent på om Poirot er annaleis i skodespel enn han er på tv eller i bøkene.

(1930)

 

Agatha Christie – THREE ACT TRAGEDY

Giftdrap på rekke og rad

Under eit middagsselskap, dett ein av gjestane, pastoren Babbington, død om. Kveldens vert, skuespelaren Sir Charles Cartwright er overbevist om at det er mord, men psykiateren Sir Bartholomew Strange, som også er gjest, kan ikkje finne noko gift i glaset. Seinare er fleire av gjestane samla igjen, denne gongen i Monte Carlo, og denne gongen vert verten Strange forgifta, men heller ikkje noe er det noko spor i glaset. Tre av dei som har vore til stades; Cartwright, Satterthwaite og den unge kvinna «Egg» bestemmer seg for å løyse saka, og Poirot gir dei ei hjelpande hand. 

KVIFOR kjem du til å like denne?
Fordi du likar gamle krimhistorier med litt lengre historiebue.

(1934)

 

Agatha Christie – DUMB WITNESS

Poirot kjem for seint

Hercule Poirot vert kontakta av den velståande peppermøya Emily Arundell, som meiner nokon har prøvd å ta livet av henne. Familien meiner derimot at ho ramla ned trappa ved eit uhell, etter å ha trakka på ballen til Bob, hunden i huset. Men det viser seg at brevet har vorte forsinka i posten, og når Poirot får det, er Emily Arundell allereie død. Dødsårsaka skal vere lever-relatert. Etter fallet har ho skrive eit nytt testamente, og familien får no ingenting. Poirot besøker huset, og kan fort slå fast at hunden Bob er utan skuld i fallet. Men kven prøvde, og kanskje til slutt lukkast med, å drepe Emily Arundell?

Denne heiter «Det tause vitnet» på norsk, men har ikkje fått tak i den på norsk så langt. 

KVIFOR kjem du til å like denne?
Fordi ein aldri kan takke nei til ein god, gammal Poirot-krim.

(1937)

 

Camilla Läckberg – SNØSTORM OG MANDELDUFT

Lukka rom frå Läckberg

Rikmannsfamilien Liljecrona samlast til slektstreff på ei øya Valö, utanfor Fjällbacka. Politimannen Martin Mollin er med, saman med kjæresten Lisette Liljecrona. Familiens upopulære og frykta eldstemann Ruben har samla slekta, og etter ein trussel om å gjere alle arvelause, ramlar han sjølvsagt død om under middagen. Truleg forgifta. Ein storm har avskore øya frå fastlandet, så Martin må ordne opp åleine her ute, medan dei ventar på assistanse. 

KVIFOR kjem du til å like denne?
Fordi du er spent på korleis det går når Läckberg prøver seg på noko Agatha Christie-liknande. 

(2010)

 

Maria Lang – USKYLD OG ARSENIKK

Lettbeint giftdrap

Puck Ekstedt har fått eit vikariat på samme skulen som Einar jobbar, men har ikkje jobba der lenge før ein av studentane vert forgifta under ei teateroppsetning. Nokon har hatt ekte gift i glaset til den kvinnelege hovudrolla.  

KVIFOR kjem du til å like denne?
Fordi du har sansen for lettbeinte krimhistorier som ikkje stikk så djupt.

(1950)

 

Stein Ståle – COCKTAILMYSTERIET

Yellow Death

Den velståande Jack Eker held nyttårsselskap for familie og venner, og byr på sin spesialdrink, Yellow Death. Utover kvelden gjer han seg til uvenn med fleire som er samla der. Dagen etter fell Eker død om, og morderen er mest truleg ein av dei som er samla på Fjellstad. 

KVIFOR kjem du til å like denne?
Fordi du foretrekk gamle klassikarar, og ikkje er så nøye på at det ikkje er 2021-tempo. 

(1941)

 

Waldemar Brøgger – MORFINDOKTOREN NEKTER SEG SKYLDIG

Inspirert av ei sann sak

Ei rik, gammal kvinne døyr av ei overdose morfin, og legen hennar arvar både huset og ein stor pengesum. Som om ikkje det skulle vere mistenkeleg nok, så har legen også skrive i avisene, om aktiv dødshjelp.

Boka er basert på ei engelsk sak, der ein lege var anklaga for å ha gitt pasienten sin ei overdose morfin.

KVIFOR kjem du til å like denne?
Fordi du er fascinert av giftmord, arv og legar som prøver å reinvaske seg sjølv.

(1958)

 

Ingar Johnsrud – KALYPSO

Krim i verdensklasse

I eit hus på Bygdøy, vert ein mann funnen død. Den gamle enka som bor i huset, er det ikkje spor etter. Etter kvart viser det seg at mannen dei har funne, vart erklært død for 20 år sidan.

Samtidig vert ein annan mann funnen død ein annan stad i Oslo, og det er eit tett band mellom dei to, og ein mann som framleis er i live.

Kan fort vere ei av dei beste norske krimbøkene eg har lest

(2016)

 

Agatha Christie – FEM SMÅ GRISER

Malaren Amyas Crale vert forgifta og drepen av kona si, Caroline, etter at han har kunngjort at han skal forlate henne for den unge modellen Elsa Greer. Caroline døyr seinare i fengselet. 16 år seinare, kjem dottera deira, Carla Lemarchant til Poirot, med eit brev mora har skrive til henne, der ho fotel at ho er uskuldig. Ho ber Poirot kome til bunns i saka.

Ei spesiel Poirot-historie, der han må løyse ei gammal sak, berre ved hjelp av forteljingane til dei fem som var til stades den dagen. Me får høyre fem forskjellige versjonar av same historie, noko som, så vidt eg veit, er den einaste gongen det grepet har vorte brukt i Poirot.

(1942)