Niklas Natt och Dag – 1794

Langdrygt og mørkt

Tre historier: Rikmannsonen Erik Tre Rosor vert sendt til Vest-India fordi han heng for mykje med ei langt under sin rang. Lukka har snudd for Anna Stina Knapp, frå 1793; ho ventar born, og får augene på ei formue. Ei anna kvinne som kjem til Mickel Cardell og ber om hjelp. Dottera hennar er død, og ho trur ikkje på historia om at ho er drept i eit ulveangrep. Dei tre historiene vert tvinna saman, i eit mørk og omfattande nett. 

KVIFOR kjem du til å like denne?
Fordi du likar omfattande og historisk krim.

(2019)

Reklame

 

Øistein Borge – BASTARDEN

Etterkrigsoppgjer

Ein jødisk nordmann reiser rundt i verda for å samle inn gjenstander som hans familie vart fråtekne under krigen. Dette fører han til Mallorca, men han kjem aldri heim frå øya. Bogart Bull har egentlig trukke seg tilbake, men etter litt om og men, vert han sendt nedover for å finne ut kva som skjedde med Aaron Bercow.

KVIFOR kjem du til å like denne?
Fordi du har sansen for Bogart, og har likt dei tre foregåande. 

(2020)

 

Øistein Borge – DET SOM ALDRI DØR

Nordirske familiehemmeligheiter

I bok nummer to om Bogart Bull, vert etterforskaren, som jobber med kriminalitet mot nordmenn i utlandet, sendt til Nord-Irland, for å hjelpe til i etterforskinga av drapet på ein norsk høgsterettsdommar og kona. Eller, sendt og sendt, halvt nordirske Bull er allereie i Nord-Irland for å besøke morfaren, og det viser seg at morfaren også ber på ei hemmelighet, som kan ha samanheng med saka.

KVIFOR kjem du til å like denne?
Fordi du likar fartsfylt actionkrim.

(2017)

 

Paul Sussman – KAMBYSES TAPTE HÆR

Egyptisk koloss

Britiske Tara Mullray kjem til Egypt for å møte sin far, men ved ankomst er faren allereie død. Han har lagt igjen ei gave til dottera, eit slags bilete som ho ikkje har anelse om kva er.

I Luxor dukkar eit lik opp ved Nilen, og ein kunsthandlar vert drepen i Kairo. Yusuf Khalifa i Luxorpolitiet er den fyrste som byrjar sjå samanhengen mellom dei tre sakene, og saman med Tara prøver han å finne ut kva som har skjedd.

I bakgrunnen lurer historia om den persiske keisaren Kambyses sin hær, 50 000 mann som forsvann i den vestlege ørkenen.

(2002)

 

Dan Brown – OPPRINNELSE

Vanskeleg å ikkje verte hekta

Dette er den femte boka om Robert Langdon, og sjølv om handlingsmønsteret byrjar å verte ganske kjent, så er det framleis svært spennande.

Ein av Langdon sine tidlegare elevar, no ein milliardær i IT-bransjen, skal halde eit foredrag som han lovar vil endre korleis verda ser på religion. Men sterke krefter vil helst ikkje at denne oppdagelsen skal kome ut, og prøver å stoppe fyrst oppdagaren, og deretter Langdon.

(2017)

 

Jørgen Brekke – PARADISPLANETEN

Kaotisk historisk krim

Eit avhogd hovud vert funne på ei statue i Trondheim under russefeiringa, og ei ikkje heilt ulik sak dukkar opp i London.

Hovudet i Trondheim tilhøyrer ein utanlandsk mann som vert funnen drept i sitt eige hus på Strindheim. Sonen til mannen vert funnen utanfor huset.

Odd Singsaker og kona Felicia Stone har fått ei gammal bok av bibliotekarvenninna Siri Holm, og finn ut at den er veldig verdifull. Dei prøver å finne historia bak boka, samstundes som Singsaker prøver å finne ut om sakene i Trondheim og London har meir til felles enn dei avkappa hovuda.

KVIFOR kjem du til å like denne?
Fordi du likar krim med litt fantastiske plott.

(2015)

 

Josephine Tey – THE DAUGHTER OF TIME

Tidenes beste krimbok?

Scotland Yard-inspektøren Alan Grant kjedar seg på sjukehus, der han er lenka til senga  etter eit beinbrot. Venner og kolleger kjem innom med lesestoff, men det er ikkje før han ser eit bilete av Richard III at interessa vert vekka. Mannen som drap sine små nevøar for å overta den engelske trona er eit ukjent fjes, og Grant morer seg ved å la gjestane som kjem innom få beskrive ansiktet på portrettet. Dei som ikkje kjenner han igjen, meiner han ser ut som ein snill og flott fyr. Grant byrjar grave litt i kva folk faktisk veit om denne regenten, som er såpass hata av historikarane, og byrjar etter kvart å tvile på kjeldene.

The Daughter of Time vart i 1990 kåra til tidenes beste krimbok av britiske Crime Writers Association. På den amerikanske kåringa frå 95, er den på fjerdeplass.

(1951)

 

Jørgen Brekke – DOKTOR FREDRIKIS KABINETT

Særs god 1700tals-krim

Her tek Brekke oss med til Trondheim i 1769. Den overvektige og drikkeglade politimesteren Nils Bayer har tunge dagar fordi han har lova sin store kjærleik å halde seg vekk frå alkoholen. Likevel føler han ikkje at ho vil gi han valuta for avkallet.

Ei ung jente vert funnen død i skogen rett utanfor byen, og sjølv om politiet finn ut kven jenta er, så står dei utan spor.

Samstundes kjem den tidlegare legen i byen tilbake, etter å nærast ha vorte jaga bort frå byen eit år tidlegare. No er han tilbake, og søker om løyve til å halde ei forestilling med ein mystisk karakter som kan sjå inn i framtida.

Ei svært stemningsfull og litt dyster bok frå Jørgen Brekke. Interessant, spennande og svært lesevennleg. Denne les du ut utan å klare å legge den frå deg.

KVIFOR kjem du til å like denne?
Fordi du Singsaker-bøkene, og vil finne ut kva anna Jørgen Brekke kan by på.

(2014)

 

Kurt Aust – HJEMSØKT

Den tredje boka om Petter Hortten og Thomas av Boueberge. Denne gongen er dei tilbake i Horten, der Petter skal ledsage ein utsending frå paven, som er på omreise i Norge.

Under stoppet deira i Fredrikstad, vert ein mann drepen, same natt som han har hatt besøk av den italienske eksellensen. Når det same skjer i Tønsberg, byrjar Petter å ane uråd, og får kontakta Thomas, som er i Christiania.

(2003)

 

Kurt Aust – DEN TREDJE SANNHET

Den andre boka om Petter Hortten og Thomas av Boueberge, frå starten av 1700-talet.

Denne gongen vert dei kalla til Hadekjær gods på Jylland, via eit anonymt brev. Her er ridefogden Hans Halle drepen, og dei to skal finne ut kven som har gjort det.

Undervegs dukkar det opp hemmeligheiter rundt dei fleste av innbyggjarane i Hadekjær, og igjen vert Petter Hortten tettare knytt til nokon av innbyggjarane enn han burde.

Nok ein historisk krim frå Kurt Aust, som er ein god del meir omfattande enn den forrige, Vredens Dag, men den er likevel veldig lesverdig.

(2001)