Pierre Lemaitre – BRUDEKJOLEN

Alle historier har to sider

Den unge Sophie har alt ho kan drøyme om. Draumemannen, ein jobb folk flest kan sjå langt etter, flott leiligheit og ei baby i magen. Men stadig oftare får ho ei kjensle av å gløyme ting, ikkje huske kvar ho har lagt frå seg noko, kvar ho har parkert, og ho har blackouts. Litt etter litt, mister ho det perfekte livet, bit for bit. Det heile toppar seg når ho vaknar og finn guten som ho er dagmamma for, død. Ho huskar ingenting, og må berre kome seg vekk. 

KVIFOR kjem du til å like denne?
Fordi du har sansen for psykologiske hevnthrillerar.

(2009)

Reklame

 

Anna Ekberg – DEN HEMMELIGE KVINNEN

Ny dansk superforfattar. Neida.  

Louise og Joachim lev eit roleg liv på Christiansø, ei lita øy utanfor Bornholm, i Østersjøen. Ho driv kafé, han er forfattar. Men ein dag kjem ein framand mann inn på kaféen, og seier at ho ikkje heiter Louise, men at ho heiter Helene, og er kona hans. Øybuarane kastar mannen på dør, men ved hjelp av myndigheitene, klarer han å bevise at ho er den han seier ho er, gift, arving til eit av landets største imperium, og med to små born. Korleis kom ho bort frå dei, og kvifor husker ho ingenting?

KVIFOR kjem du til å like denne?
Fordi du har sansen for god dansk krim.

(2017)

 

Torkil Damhaug – FLYKT, MÅNE

Psykologisk dramatikk i Frankrike

På ei kirketrapp i Avignon i Frankrike, vert ein ung mann funnen livlaus, og lagt inn på sjukehus. Han snakkar ikkje, og legen Anna Siboulet, ved eit psykiatrisk sjukehus tek på seg oppgava med å finne ut kva som har skjedd, og ikkje minst, kven han er. Ho anar snart ein samanheng til ei ung kvinne som ikkje lenge før, vart funnen død i Paris.

KVIFOR kjem du til å like denne?
Fordi du vil lese den fyrste boka til ein av landets beste historieforteljarar, så klart.

(1996)