Karin Fossum – ELSKEDE POONA

Heilt i norsktoppen

Gunder Joman er ungkar, og har knapt reist noko i heile sitt liv, då han får for seg å reise til India for å finne seg ei kone. Etter 14 dagar er han gift, og kona skal kome etter han tilbake til Norge. Men den dagen han skal hente henne, kjem systra hans ut for ei bilulykke, og hamnar i koma. Ein venn må hente henne, men han finn henne ikkje på flyplassen.

Dagen etter finn folk i den vesle bygda Elvestad eit svært skamfert lik i ein åker, og Konrad Sejer og Jakob Skarre vert sett på saka.

(2000)

Reklame

 

Wilkie Collins – THE MOONSTONE

Unge Rachel Verinder arvar ein svær diamant frå onkelen sin, men diamanten har ei historie. Den vart i si tid stolen frå India, der den var ein heilagdom. Etter eit selskap, der Rachel ber diamanten, vert den stolen, og fleire vert mistenkte, blant anna tre indiske sjonglørar, som har dukka opp i selskapet.

Denne boka vert rekna som den aller fyrste krimromanen, i alle fall på engelsk. Collins vert også med denne boka kreditert som fyrstemann som bruker mange av dei krimgrepa me framleis ser i dag.

* BBC viser denne hausten ei TV-serie basert på boka.

(1868)

 

Robert Wilson – DEN STØRSTE STRAFFEN

Dottera til den indiske mangemilliardæren Frank D´Cruz vert kidnappa. Charles Boxer har bygd seg opp eit rykte som ein solid kidnappingskonsulent, som er kjend for å få ofra tilbake i live.

Men i denne saka er det mykje som ikkje er som det brukar å vere, heilt frå starten av.

Ein ny karakter frå Robert Wilson, som har store sko og fylle.

(2013)

 

Jo Nesbø – DET HVITE HOTELLET

Ein norsk forsikringsagent reiser til India for å løyse opp i ei muleg svindelsak. Ein person som skal ha drukna i Norge, skal no vere oppdaga på eit sjukehus i Mumbai, i følge ID-papir som mannen hadde på seg.

Ikkje så mykje ein krim, som ein hadde forventa, men likevel ei godt fortalt novelle.

Inntektene frå denne boka gjekk til Redd Barna

(2007)