Meir bibelsk actionBjørn Beltø vert kontakta i forbindelse med at eit 2000 år gammalt brev har forsvunne. Brevet skal vere skrive av ingen ringare enn Pontius Pilatus. Det handlar om det som eigentleg skjedde då Judas sveik Jesus.
KVIFOR kjem du til å like denne?
Fordi historisk actionkrim i Da Vinci-kode-gata er det beste du veit.
(2021)
Mørkt alpemystikkI ein alpelandsby i Nord-Italia vert ein gammal mann funnen drept, med begge augene reve ut. Politioverbetjent Teresa Battaglia står framfor ei mørk og vanskelig sak, som ikkje blir enklare av at ho samtidig får overført ein ny politibetjent som ho ikkje kjem så godt overeins med frå starten, og ei lokalbefolkning som ikkje er interessert i å hjelpe.
KVIFOR kjem du til å like denne?
Fordi du har sansen for den litt mørke, sør-europeiske krimen, i idylliske omgivnader.
(2018)
Bok nummer 103 frå Stein Riverton/Sven Elvestad.
Den kjente industrimannen Stefan Brede trekk seg tilbake frå sine stillingar, og tek toget til København for å gjere noko anna. Der hamnar han i eit drama på ein nattklubb, saman med ein amerikanar han nyst har møtt. Dramaet endar med at Brede vert pressa for pengar, og før me veit ordet av det er han på vei til Napoli, saman med nye bekjentskap frå København, der dramaet held fram
(1929)
Den andre boka i Costantini-trilogienDenne gongen startar me i Tripoli, Libya, ein gong på slutten av 50-talet. Michele Balistreri veks opp saman med kompisane sine, italienaren Nico, og libyarane Ahmed og Karim. I nabohuset bor den amerikanske familia Hunt, med den flotte Hollywood-mora, og dottera Laura, som Michele har eit godt auge til.
Me følgjer utviklinga til gutane, som går frå ungar til ungdom, og frå leik til arbeid, og eigne forretningar, på begge sider av loven.
Eit drap og eit dødsfall splittar opp gjengen i Libya, og like etterpå kjem Gaddafi til makta, og italienarane flyttar heim.
Me hoppar til 1982, og politimannen Balistreri får eit drap i fanget, og tilfeldigheitene vil at ungdomsåra i Libya kjem friskt i minnet igjen.
(2012)
Den fjerde boka om Robert Langdon, og som vanleg er det store forventningar til spenningskongen Dan Brown.
Denne gongen vaknar Robert Langdon opp på eit sjukehus i Firenze, utan å huske at han i det heile tatt har forlatt universitet sitt i USA.
Det viser seg fort at han har ein gjenstand på seg, som nokon er interesserte i, og som dei til og med er villige til å drepe for.
Ein klassisk Brown-bok, men med så høge forventingar, er det vanskelig å innfri.
(2013)
Den fyrste boka i ein Roma-trilogi, og ei bok eg både hadde høyrt mykje bra om i forkant, og hadde høge forventningar til.
Under VM-finalen i 1982 står heile Italia på hovudet, og etterforskaren Michele Balistreri vil helst ikkje verte forstyrra når han får beskjed om at ei ung jente har forsvunne. Han roar ned foreldra og arbeidsgivarane, og seier at ho kjem til å dukke opp. Ei veke etterpå dukkar ho opp, død og mishandla. Den skuldige blir aldri funnen.
Neste gong Italia er i ein VM-finale, i 2006, kastar mor til drapsofferet frå 82 seg utfor sin eigen balkong.
Eg har tidlegare nemnt at ein del krimbøker skrive av kvinner, ber veldig preg av det, og denne boka her er kanskje den som ber mest preg av å vere skriven av ein mann. Her er det i overkant mykje sex og maskulinitet, men likevel ei drivandes god bok.
(2011)
Dansk fartsfylt krim i Da Vinci-kode-gata. Men litt mykje fart og litt lite truverdigheit, dessverre.
Under ei utgraving i Napoli vert det funne ein gjenstand som arkeologane ikkje heilt skjønar kva er. Men før dei får tid til å finne ut av det, forsvinn den, og havnar i hendene på ekstentriske samlarar. Det viser seg etter kvart at det er noko inne i gjenstanden, som er meir verdt enn innpakninga.
Våre hovudpersonar er dei to arkeologane Giancarlo Vincenti og Christina Nielson. (skrivemåten variere veldig i ei litt rotete oversetjing). I tillegg er det eit hav av andre sentrale karakterar, som kjem eller går.
Til tider spennande, men det er litt lite substans i spenninga, og det vert brukt for lite tid på å setje oss inn i kva og kvifor.
(2004)
Nok ein bok om spekulasjonanen rundt Leonardo Da Vinci. Handlinga er frå eit kloster i Milan frå tida rundt då «Det siste måltidet» vart mala. Det er gåta rundt maleriet og ei hemmeleg bok som står i sentrum. Og sjølvsagt ein ikkje-kristen orden.
Spennande bok, tek seg opp etter kvart, og er veldig fint fortalt. Du plukkar opp ein del om Leonardo, men om alt stemmer skal vere usagt. Mykje spekulasjonar.
Det fine med denne boka i forhold til mange andre i same sjangeren, er at du kan vere med å løyse gåter heile vegen.
(2006)
Den fyrste boka om Robert Langdon frå Da Vinci koden. Kritikarane seier denne er bedre enn den fysste, sjøl er eg ikkje sikker.
Robert Langdon vert denne gongen tilkalla til CERN-instituttet i Sveits, og det viser seg at han må stoppe organisasjonen Illuminati, ei jakt som fører han til Roma og Vatikanet.
Ei bra bok, ingen tvil om det, men den er lik Da Vinci koden, og mykje av handlingsmønsteret er lagt. Hadde eg lese denne før Da Vinci, ville eg nok likt denne best. Men som bok nr 2, var litt av overraskingane vekke. Da Vinci koden var ny og frisk då den kom, og det er denne også, men dei er veldig like.
(2000)
Da Vinci koden er vel det ein kan kalle ein moderne klassikar.
Dei fleste kjenner nok til den, og veit at det dreier seg om sekter, forskarar og jakta på den heilage gralen. Professoren og ikoneksperten Robert Langdon er i Paris og skal treffe ein gammal kjenning. Denne kjenningen vert drepen i Louvre-museet og legg att ei melding til Langdon. Og så er me i gong…
Boka fekk stort sett ei veldig god mottaking, sjølv om nokre meinte Dan Brown hadde teke seg litt for mange historiske friheter. Men det er likevel ingenting å seie på at boka har vorte så suksessfull.
(2003)
Krimbiblioteket 