Ninni Schulman – SVAR HVIS DU HØRER MEG

Den tredje boka i serien frå Hagfors, om lokaljournalist Magdalena Hansson og politifolka Christer Berglund og Petra Wilander.

Under jakta vert ein av medlemmene på det lokale jaktlaget funnet skoten på sin post, og dottera hans som var med på jakta, har forsvunne.

Politisjefen er med på jaktlaget, og får same status som dei andre på laget, noko som kompliserer saka.

Kort tid før jakta har ein ulv vorte ulovleg skoten i nærleiken, og politiet lurer på om tjuvfellinga kan ha noko med drapet å gjere.

(2013)

Reklame

 

Melanie McGrath – ISKALD GLØD

Hadde aldri høyrt om denne boka då den vart plukka opp på tilbod, men omslaget lovar bra.

Og boka skuffar heller ikkje. Handlinga er lagt til den arktiske delen av Canada, der læraren og guiden Edie, er ute på jakttur med to turistar, og den eine vert skoten og døyr. Det heile vert avfeid som ei jaktulykke, men Edie er sikker på at det er feil, og med meir eller mindre hjelp av den lokale politimannen, prøver ho å finne ut av det.

Ein spennande og ikkje minst stemningsfull historie, der det harde og for oss, annaleise livet vert glitrande skildra.

(2011)

 

Vidar Sundstøl – DE DØDE

Kanskje den mest unødvendige krimboka eg nokon gong har lest. Usannsynleg uinteressant, og ein gedigen nedtur etter den gode førsteboka til Sundstøl.

Det var på førehand varsla ein trilogi, og denne andreboka kunne vore korta ned til under halvparten i lengde (og den er ikkje så lang i utgangspunktet heller) og vore brukt som eit fyrste kapittel i den neste boka.

Heile boka handlar om ei jakt, der brødrene Lance og Andy Hansen ligg og skular på kvarandre. Det er langdrygt, det er uinteressant, og ikkje minst, veldig unødvendig.

(2009)