Gladys Mitchell – MURDER IN THE SNOW

Hei, hå, no er det krim i landsbyen igjen

Beatrice Adela Bradley er psykiater og detektiv, og skal feire jul med sin favorittnevø i Cotswolds. I området der dei bur, er det eit lokalt sagn om eit spøkelse, som heng i ein allé, Groaning Spinney (som er originaltittelen på boka), og er synleg med jamne mellomrom. No har nokon sett det igjen, samtidig som fleire i landsbyen får anonyme brev i posten. 

Dette er bok nummer 23 av 66 om Mrs. Bradley. Bøkene til Gladys Mitchell fekk mykje skryt i si samtid, men har forsvunne heilt i ettertid, i motsetning til hennar kolleger i «The Detection Club», som Agatha Christie, Dorothy L. Sayers og G.K. Chesterton. 

KVIFOR kjem du til å like denne?
Fordi du likar den gammal, trivelig, britisk landsbykrim.

(1950)

Reklame

 

Agatha Christie – MIDWINTER MURDER

Julestemning i Agatha Christie-land

Ei underhaldande og stemningsfull novellesamling, som inneheld ni historier:

1. A Christmas Tragedy (Miss Marple), 1930
2. The Mystery of the Baghdad Chest, 1939
3. The Clergyman´s Daughter (Tommy & Tuppence), 1929
4. The Plymouth Express (Poirot), 1939
5. Problem at Pollensa Bay (Parker Pyne), 1939
6. Sanctuary (Miss Marple), 1961
7. The Mystery of Hunter´s Lodge (Poirot), 1924
8. The World´s End (Harley Quin), 1927
9. The Manhood of Edward Robinson, 1934

KVIFOR kjem du til å like denne?
Fordi du ikkje kan reise på juleferie utan ein stabel Agatha Christie-mysterier i kofferten.

(2020)

 

 

Camilla Läckberg – SNØSTORM OG MANDELDUFT

Lukka rom frå Läckberg

Rikmannsfamilien Liljecrona samlast til slektstreff på ei øya Valö, utanfor Fjällbacka. Politimannen Martin Mollin er med, saman med kjæresten Lisette Liljecrona. Familiens upopulære og frykta eldstemann Ruben har samla slekta, og etter ein trussel om å gjere alle arvelause, ramlar han sjølvsagt død om under middagen. Truleg forgifta. Ein storm har avskore øya frå fastlandet, så Martin må ordne opp åleine her ute, medan dei ventar på assistanse. 

KVIFOR kjem du til å like denne?
Fordi du er spent på korleis det går når Läckberg prøver seg på noko Agatha Christie-liknande. 

(2010)

 

Lucy Foley – JAKTSELSKAPET

Kva er vel eit drap blant venner?

På ein luksuriøs eigedom i Skottland møtes ei gruppe venner frå England, for å feire nyttår. Avsperra frå omverda, vert ikkje oppholdet så idyllisk som ein hadde håpa på. Faktisk til ei slik grad at rundt årsskiftet, så ligg ein av dei ni død i snøen utanfor hytta. 

KVIFOR kjem du til å like denne?
Fordi du likar noko nær lukka-rom-krim i idylliske omgivelsar.

(2018)

 

Maria Lang – MORD PÅ KIRKEGÅRDEN

Sommarkrim rundt juletider

Denne gongen er handlinga lagt til jula, men likevel føles det som ein lett og ukomplisert sommarkrim.

Puck og Einar feirer jul med hennar familie, på prestegarden til onkelen, då ein av naboane, kjøpmannen Arne, vert funnen død i sin eigen butikk. Christer Wijk får kjapt kokt det heile ned til at svært få kan stå bak, og dei fleste har feira jul med Puck og familien. 

KVIFOR kjem du til å like denne?
Fordi du likar god, gammal britisk krim, der stemninga er viktigare enn sjølve mysteriet. 

(1954)

 

Malcolm Pryce – DON´T CRY FOR ME ABERYSTWYTH

Julenissen vert drepen i ei bakgate i Chinatown i Aberystwyth, i denne fjerde boka om Louie Knight.

Så vert det detektiven sin jobb å finne ut kven som har gjort det. Og kandidatane står i kø. Ein av dei, «den gamle jøden», påstår at nissen var bror hans. Ellers er både kirka, ein slags alternativ frelsesarme og ei som påstår ho er dronninga av Danmark, gode kandidatar.

I tillegg dukkar ein av dei gamle beilarane til Myfanwy opp, og det leitast etter ei pelskåpe som forsvann i Patagonia, og som nazistane har vore på jakt etter sidan.

(2007)

 

Nils Nordberg (red) – EN KRIMINELT GOD JUL

Eit b-lag i jula

Novellesamling med diverse krimhistorier som har utgangspunkt i jula. Mange kjende forfattarar, som Christie og Conan Doyle, men kanskje ikkje det heilt store.

Den raude tråden i boka, er at historiene virkar gammaldagse, og at fortellarstilen gjenspeglar radioteater frå 70-talet. Dette er ikkje dei beste verka til disse forfattarane. Somme av historiene har tålt «tidens tann» bedre enn andre, men dei fleste av dei er ikkje veldig underhaldande, dessverre.

KVIFOR kjem du til å like denne?
Det må i så fall vere fordi du likar å ha nokre korte historier liggande, når du treng ein pust i bakken i jula, og ikkje har så mange alternativ.

(2006)

 

 

Arnaldur Indridason – VOICES

Voices, eller Røsten på norsk, er den tredje boka som har vorte oversett til norsk. No kjøpte eg den i Skottland før den kom ut i Norge, så det vart på engelsk. Og det angra eg på, for oversettelsen var elendig. Barneskuleengelsk. Sjølv om boka var spennande, så drog den elendige oversetjinga ned.

Ein julenisse vert funnen død, med buksa på knea, i kjellaren på eit av dei største hotella i Reykjavik. Det viser seg at han er tidlegare barnestjerne, med ei røyst utanom det vanlege.

(2002)