Peter May – CHINESE WHISPERS

Målretta vendetta i Beijing

Ein massemordar herjar i Beijing. Han tek livet av unge og vakre offer, og kallar seg sjølv the Beijing Ripper.

Politisjef Li Yan, og patolog Margaret Campbell jaktar på drapsmannen, og når Li får brev frå the Ripper, er det tydeleg at det dreier seg om ein personleg vendetta.

(Dette er den sjette boka i serien om Li og Margaret Campbell)

KVIFOR kjem du til å like denne?
Fordi du syns det er spennande med internasjonal krim i ukjente miljø.

(2004)

Reklame

 

Henning Mankell – KINESEREN

Ei lita bygd i Sverige vert utsett for ein massakre, og så godt som alle innbyggarane vert drepne. I ein annan del av landet sit ein dommar og finn namnet på mora sine adoptivforeldre blant ofra. Ho byrjar nøste opp i saka sjølv, om tek fort ei anna retning enn det politiet gjer.

Parallellt med denne historia, får me også høyre om historia til kinesiske immigrantar som bygger jernbane i USA på 1800-talet, og me følger kinesiske samfunnstoppar i dagens samfunn i ei tredje historie.

Mankell sjonglerar fleire historier og fleire karakterar heile vegen, på ein meisterleg måte.

(2008)