Freeman Wills Crofts – THE HOG´S BACK MYSTERY

Ein mindre kjent krimhelt frå 30-talet

Julia Earle og mannen, legen James Earle, bur langt frå folk, og har derfor sjeldan besøk. Då er det sjølvsagt ekstra stas når Julia får besøk av både systera Marjorie og venninna Ursula. Men kort tid etter ankomst, merker Ursula både at venninna Julia har eit forhold til ein yngre nabo, og ho ser legemannen i byen med ei anna kvinne. Og som ikkje det er nok, så forsvinn plutselig James Earle, utan spor. Sist sett i berre tøfler, lesande på dagens avis

Politiet vert tilkalla, men kjem ingen veg, og må til slutt tilkalle inspektør Joseph French frå Scotland Yard.

KVIFOR kjem du til å like denne?
Fordi du likar dei gode, gamle britiske krimhistorien. 

(1933)

Reklame

 

John Bude – THE LAKE DISTRICT MURDER

Ein klassikar seigare enn dei fleste

Jack Clayton, ein ung mann som er forlova, og skal gifte seg, vert funnen død i bilen sin utanfor ein avsidesliggande verkstad i Nord-England. Fyrst tyder alt på sjølvmord, men etterforskeren, ein inspektør Meredith, finn fleire ting som ikkje passar med den teorien. Han startar eit nitidig arbeid med å finne spor, trådar, svar, vitner. Etter ei stund viser det seg at det er ei anna sak i samme område, som ser ut til å ha tilknytning til blant anna verkstaden Clayton vert funnen ved.

KVIFOR kjem du til å like denne?
Fordi du er nysgjerrig på korleis dei mindre kjende krimforfattarane frå «The Golden Age of Detective Fiction» skreiv. 

(1935)

 

Agatha Christie – OG DERMED VAR DET INGEN

Den største av dei alle?

Kanskje? I alle fall ein av dei heilt store Agatha Christie-klassikarane, og i følge wikipedia den mest solgte krimboka nokon gong. 

Åtte personar kjem til ei øy utanfor kysten av Devon, og alle har vorte personlig invitert hit av ein person dei ikkje er heilt sikre på kven er; Ulick Norman Owen og Una Nancy Owen. På øya vert dei tekne i mot av butleren og husholdersken, som fortel at verten og vertinna ennå ikkje har dukka opp. På romma til kvar enkelt heng eit gammalt barnerim, og når alle er samla etter middag, spelar ein grammofon av ei plate, der kvar av dei åtte, samt hushaldersken og kokken, vert beskulda for på eit eller anna tidspunkt å ha drept nokon. Så fell ein av dei om død, etter å ha drikke ein drink der det er spor av cyanid. Så er me i gong. 

På grunn av den rasistiske originaltittelen (1939), og den ikkje så mykje bedre andretittelen (1964), så har boka måtte skifte namn to gonger i Storbritannia, og heiter i dag «And then there where none.» I USA var dei derimot litt meir framsynte, og ga boka det namnet ved fyrste utgivelse, allereie i 1940, medan dei i England venta med dette til 1985.

KVIFOR kjem du til å like denne?
Fordi du er nysgjerrig på kvifor akkurat denne står ut som ein bauta i krimlitteraturen.

(1939)

 

Dorothy L. Sayers – WHOSE BODY

Lord Peter Wimsey begins

Dette er debutboka til Dorothy L. Sayers, og den fyrste med Lord Peter Wimsey:

Ein død mann vert funnen naken i eit badekar i ei leiligheit i London av arkitekten Thipps, som aldri har sett mannen før. Adelsmannen Lord Peter Wimsey har nylig fått detektivarbeid som hobby, og vil finne ut av det. Politiet mistenker raskt kven mannen er, men har dei rett?

KVIFOR kjem du til å like denne?
Fordi du har sansen for god, gammaldags britisk krim. 

(1923)

 

Agatha Christie – STYLESMYSTERIET

Den fyrste boka om Hercule Poirot.

Hastings inviterer Poirot til eit gods, der husfrua, Mrs Inglethorpe, vert funnen død, sannsynlegvis forgifta.

Den svært mislikte, yngre mannen hennar, er den fyrste som vert mistenkt, men Poirot meiner det er meir til saka enn det heilt åpenbare.

(1920)

 

Agatha Christie – DEN FORSVUNNE DOMPROST

Eit Miss Marple-mysterium frå Agatha Christie.

Oppdaga sjølvsagt at dette er ei forteljing eg akkurat har sett på TV, men likevel ei spennande bok.

Miss Marple (som irriterande nok blir omtala som Frøken Marple gjennom heile boka) tek inn på Bertams Hotel, ei perle av den gamle sorten, midt i London. Men det skjer underlige ting på hotellet, og ein eldre, forvirra domprost forsvinn sporlaust.

(1965)

 

Agatha Christie – DEN ÅPNE GRAVEN

Dette er den andre boka til Agatha Christie om Hercule Poirot, og kom ut for 90 år sidan, i 1923.

Poirot vert kalla til Frankrike, av den fransk-canadiske rikmannen Renauld, som fryktar for sitt liv. Men før Poirot og Hastings rekk å kome til Frankrike, er Renauld allereie død.

Med arv, forretningar i Sør Amerika og mystiske skikkelsar som dukkar opp på godset, har Poirot nok av motiv å leite gjennom. I tillegg må ha takle Frankrikes beste og mest populære detektiv.

(1923)

 

John Dickson Carr – DØDEN GÅR I FLOSSHATT

Ein mann vert funnet drepen, med ei sjeldan armbrøstpil i brystet, i sjølvaste Tower of London. Han vert funnen midt på dagen, i eit rush av turistar, og det virkar som ei umuligheit at ingen har fått med seg det som har skjedd. Drapsofferet vert funnen i golfklede, men på hovudet har han ein flosshatt, som ikkje passar til resten av kostymet. Ein flosshatt som nokre kveldar i forvegen vart stolen.

Scotland Yard kontaktar Dr Gideon Fell for hjelp.

Dickson Carr leverer ein klassisk britisk krim, som verkeleg får fram den klassiske krimkjensla.

(1933)

 

Dorothy L. Sayers – DØDSKLOKKENE

Klassisk påskekrim

Dette er ein britisk påskekrim av det gode, gamle slaget.

Eit lik vert funne i ein liten landsby. Landsbyen har ein gjeng klokkeringarar, og høgdepunktet i bygda er når dei ringjer kyrkjeklokkene kvar søndag.

Så finn dei eit lik, skulle du sett.

Hovudpersonen er helten Lord Peter Wimsey, som er med i mange av bøkene til Sayers.

Spennande bok, men litt mykje detaljar om klokkeringing undervegs. Vanskeleg å forholde seg til dersom du ikkje er spesielt interessert.

KVIFOR kjem du til å like denne?
Fordi britisk krim frå gamle dager er det beste du veit. 

(1934)