Agatha Christie – THE SECRET OF CHIMNEYS

Noko heilt anna frå krimdronninga

Eventyraren Anthony Cade reiser til London med eit manuskript som muligens kan inneholde politisk dynamitt angåande det tidlegare monarkiet Herzoslovakia, og skal leverast til eit forlag. 

Samtidig overtalar politkaren George Lomax sin venn Lord Caterham til å arrangere ein samankomst på godset sitt, Chimneys. Til stades er fleire prominente gjestar, blant dei ein samlar som nettopp kjempar for å gjeninnsette monarkiet i Herzoslovakia. I løpet av kvelden på Chimneys, vert nokon drept. Cade vert vikla inn i begge sakene, og manuskriptet, som nokon prøver å stjele, står sentralt, saman med organisasjonen «Den Røde Hånds Liga». 

Sjefsinspektør Battle frå Scotland Yard vert tilkalla for å løyse saka. 

KVIFOR kjem du til å like denne?
Fordi du er spent på å lese den femte krimromanen til Agatha Christie, om den fjerde helten.

(1925)

Reklame

 

Horace Walpole – THE CASTLE OF OTRANTO

Ei ganske komplisert historie å henge med på, kanskje mest på grunn av det gamle, tunge språket.

Manfred, prinsen eller lorden i Otrantoslottet, skal gifte vekk sonen sin. Men sonen døyr rett før bryllaupet, og Manfred trur dette er ein gammal forbannelse som seier at familien hans skal døy ut, og miste slottet. Derfor prøver han sjølv å gifte seg med den unge bruda, sidan hans eiga kone ikkje kan få barn lenger. Den unge Isabella rømer, og får hjelp av ein lokal mann.

Men Manfred let seg ikkje stoppe, og vil ikkje la ein fattig bonde kome mellom seg og Isabella.

(1764)

 

Josephine Tey – THE DAUGHTER OF TIME

Tidenes beste krimbok?

Scotland Yard-inspektøren Alan Grant kjedar seg på sjukehus, der han er lenka til senga  etter eit beinbrot. Venner og kolleger kjem innom med lesestoff, men det er ikkje før han ser eit bilete av Richard III at interessa vert vekka. Mannen som drap sine små nevøar for å overta den engelske trona er eit ukjent fjes, og Grant morer seg ved å la gjestane som kjem innom få beskrive ansiktet på portrettet. Dei som ikkje kjenner han igjen, meiner han ser ut som ein snill og flott fyr. Grant byrjar grave litt i kva folk faktisk veit om denne regenten, som er såpass hata av historikarane, og byrjar etter kvart å tvile på kjeldene.

The Daughter of Time vart i 1990 kåra til tidenes beste krimbok av britiske Crime Writers Association. På den amerikanske kåringa frå 95, er den på fjerdeplass.

(1951)

 

A.J. Kazinski – EN HELLIG ALLIANSE

Ein barnehageassistent får ei teikning av eit av barna ho jobbar med, og då ho finn ut at onkelen til barnet er død, får ho for seg at teikninga viser eit drap. Problemet er berre at politiet eller familien ikkje behandlar dødsfallet som eit drap.

Eva Katz byrjar nøste opp i saka på eiga hand, med dei begrensa midla ho har. Sakte men sikkert pensar ho seg inn mot den danske kongefamilia, der mor til teiknaren jobbar som hoffdame.

(2013)