Stein Riverton – FERGESTEDET

Romeo og Julie-ish

For 20 år sidan gjekk heile bygda saman og bygde skipet «Lykkens Prøve», som skulle bringe bedre tider til ein fattig stad. Alle bidrog i bygginga, og dei sende ungdommen i bygda ombord som mannskap. Men skipet gjekk ned, og ingen overlevde. Men på «Fergestedet», ei mørk og bitter kneipe, er det framleis dei som håper.

Ein kveld kjem ein framandkar, og kroeigarane Kaisa og Johannes ser at han tydeligvis er rik, og legg ein plan for å ta over formua til mannen.

Men parallelt med dette, fortel framandkaren ei historie til oldermannen – ei historie så oppsiktsvekkande at oldermannen ventar til dagen etter med å fortelle den til dei andre.

KVIFOR kjem du til å like denne?
Fordi du likar gamle, mørke historier.

(1928)

Reklame

 

Camilla Grebe – DVALEN

Psyko-thriller

Samuel rotar til ein narkohandel, og må flykte. Han reiser ut til kysten, der han finn den perfekte gøymestad som personlig assistent for ei familie som har ein son med hjerneskade. 

Hanne Lagerlind hjelper politiet med å finne ut av to narkorelaterte drap, og det kjem vel ikkje som ei bombe at dei to sakene kryssar vegar.

KVIFOR kjem du til å like denne?
Fordi du har sansen for ein god psykologisk thriller.

(2018)

 

William Shaw – GRAVENS HEMMELIGHETER

Den beste Cupidi-saka så langt?

Eit lik vert funne i frysaren på eit hus som skal selgast. Så finn ein levningane etter ein gut som forsvann 25 år tidlegare. Skjelettet vert funne på eit avsperra område, der dyrevernarar, blant dei dottera til Alexandra Cupidi, fryktar at utbyggarane vil skade dyrelivet i området.

KVIFOR kjem du til å like denne?
Fordi du har sansen for kystmiljøet til William Shaw og Alexandra Cupidi.

(2020)

 

William Shaw – DØDELAND

Ikkje det beste Shaw har laga

To unge gutar tjener seg nokre kroner på å stjele mobiltelefonar frå folk i byen. Ein dag får dei tak i ein bag med to telefonar, ein dyr og ny, og ein litt eldre modell. Dei vert kontakta av den som eig telefonane, og får beskjed om at det ventar ein dusør om dei leverer dei tilbake. Onkelen til ein av gutane ser ei muligheit til å presse prisen litt opp, og tek på seg å levere den tilbake. Han kjem aldri igjen. 

Samstundes dukkar det opp restar av ei menneske inne i eit kunstverk som er utstilt på eit lokalt galleri.

KVIFOR kjem du til å like denne?
Fordi du fekk sansen for Alexandra Cupidi i dei to foregåande. 

(2019)

 

Frode Granhus – FORLISET

Lofot-uhygge

Ein fotograf som er ute for å forevige det vakre desemberlyset i Lofoten, får auge på ei tønne som har frose fast i isen. Når nysgjerrigheita tek overhand, viser det seg at tønna inneheld levningane av eit menneske.

Kan tønnefunnet ha samanheng med eit forlis som skjedde i same området fleire år tidlegare?

(2017)

 

Peter May – SVARTHUSET

Årets beste bok kom heilt til slutt

Ein mann vert drept på Isle of Lewis i dei Ytre Hebridane, og drapet minner om eit drap som skjedde i Edinburgh berre kort tid tidlegare. Fin Macleod er etterforskar i Edinburgh, men fødd og oppvaksen på Lewis, og vert sendt «heim» for å hjelpe til i etterforskinga.

Samtidig som saka vert rulla opp, så vert historia til Fin rulla opp. Barndommen, oppveksten, kameratane, naboane, landskapet, etc.

Det er tydeligvis ikkje berre notida som skjuler gåter.

(2009)

KVIFOR kjem du til å like denne?
Fordi du likar sterk krim, som har ei idyllisk innpakning, og ei svært solid historie.

 

Clare Mackintosh – JEG LAR DEG GÅ

Ein fem år gammal gut vert påkøyrd og drept i Bristol, og sjåføren stikk av. Det einaste vitnet er mor hans, som slapp handa rett før han sprang ut i vegen.

Omgivelsane minner Jenna for mykje om ulukka, og Jacob som døydde, og ho forlet Bristol og flyttar til ei avsidesliggande hytte ved kysten i Wales.

Men sjølv ikkje her klarer ho ikkje å gløyme, og i det livet byrjar å normalisere seg nokon lunde, vert ho påminna det som skjedde.

Av dei 9 krimbøkene hittil i år, er dette heilt klart den beste.

(2014)

 

Yrsa Sigurdardottir – DEN SOM GRAVER EN GRAV

Den andre boka om advokaten Thora, som denne gongen har fått ein H i namnet sitt.

Thora vert kalla opp til Snæfellsnes, der ein hippielklient har fått bygd eit spahotell. Hotellet er fullt av gjestar med følsomme antenner, og fleire får snerten av spøkelser på eigedomen. Hotelleigaren vil gjerne ha avslag i prisen, men Thora har ikkje før kome opp, før det fyrste liket vert funne.

Ein til tider spennande og skummel krim, men nivået er langt frå «Jeg vet hvem du er.»

(2008)

 

Camilla Läckberg – ISPRINSESSEN

Den fyrste boka om livet i Fjällbacka. Alexandra Wickner, ei kvinne rundt 40, som er oppvaksen i bygda, men busett i Gøteborg, vert funnen død i badekaret i huset til foreldra sine.

Erica Falck, biograf og barndomsvenninne av Alex, er også i bygda, for å rydde i dødsboet til foreldra.

Saman med den lokale politimannen Patrick, startar ho å nøste opp i livet til Alex, som ikkje er heilt slik det såg ut. Ei intrikat historie, som etter kvart viser seg å innvolvere mange andre av innbyggjarane i Fjällbacka.

Lettlest var den også. Med tre flyturar og venting i mellom dei, vart boka lest ut på ein dag.

(2002)

 

Yrsa Sigurdardottir – JEG VET HVEM DU ER

Bak på boka kan denne historia minne om den gamle NRK-serien Marerittet, der et par overnattar på eit nedlagt fiskevær. Her er det snakk om eit par, og ei venninne, som skal pusse opp eit gammalt hus dei har kjøpt, og gjere det om til eit gjestegiveri.

Det er vinter, og resten av det avsidesliggande fiskeværet står tomt, og alle vindauga er spikra for. Dei har avtalt med ein lokal mann som skal hente dei frå fastlandet om nokre dagar. Men så skjer det ting i mellomtida.

Samstundes har psykologen Freyr teke ei legestilling nordpå, for å kome vekk frå Reykjavik, etter at sonen hans forsvann sporlaust tre år tidlegare.

Uforklarlege ting byrjar å skje samstundes på dei to stadane.

Ei veldig skummel og spennande bok, der me kjenner igjen noko av stemninga  frå Indridason sine bøker.

(2010)