RSS

Kategoriarkiv: lahlum

Hans Olav Lahlum – DE FEMS TEGN

Hemnar utan håp

Ein eldre mann mister barnebarnet og svigerdottera, nokre år etter at hans einaste son døydde. Kona har vore død sidan like etter krigen.

Draumen om ei stor familie får ein brå slutt, og mannen byrjar leite i husken, etter tinga som gjorde at ting vart slik dei vart. Minna tek han tilbake til krigen.

Han legg ut på eit hemntokt over Europa, med eit heilt klart mål. Han er ein mann i 80-åra som ikkje har noko å tape lengre, og hans argaste fiende er helsa.

(2017)

Les meir

Advertisements
 

Hans Olav Lahlum – SPORVEKSLINGSMORDET

Mord i skiløypa

Etter lukka rom-mysteriet på Sørlandet, er K2 og Patricia no attende i Oslo, der eit ungt skitalent har vorte drept på siste etappa av ein stafett.

Etterforskinga av drapet på eit av landet største skitalent, Ingeborg Hole Samuelsen, avdekker eit breidt spekter av mulige kandidatar rundt offeret, som var adoptivbarn.

Lahlum er glad i å drysse rikelig med hint til tittelen i bøkene sine, og i denne vert det litt i meste laget. Ei av dei svakaste K2-bøkene på lenge, om ikkje den svakaste.

(2016)

Les meir

 
Kommenter innlegget

Posta av den 23/05/2019 in lahlum, norge, oslo, ski, skog, vinter

 

Hans Olav Lahlum – HAIMENNESKET

Lahlum si aller beste

For ti år sidan vart ein baby drept i vogga si på eit hotell på ei sørlandsøy. Dei to halvsøstrene hans skulle passe på han, men begge 16-åringane nekta for å ha noko med drapet å gjere, og den eine av tvillingane forsvann sporlaust rett etterpå. Litt seinare tok mor til barnet livet av seg.

K2 og Patricia har nettopp vorte kjærestar, og vert invitert ned til øya, fordi dei som var på hotellet den gongen har fått anonyme brev. I breva vert dei oppfordra til å kome tilbake til hotellet for å få vite sanninga.

(2015)

Les meir

 

Hans Olav Lahlum – MAURTUEMORDENE

Den vanskeligaste oppgåva hittil

Ein seriemordar er laus i gatene i Oslo i 1972. Unge jenter vert kvalt rundt om i byen, og drapsmannen har lagt igjen ein slags signatur, i form av ein liten maur.

K2 og Patricia kjem ingen veis, og står midt oppe i si vanskeligaste sak nokon gong.

(2014)

Les meir

 
 

Hans Olav Lahlum – KAMELEONMENNESKENE

Historisk i det historiske

Ein mann vert funnen drept, og ein ung gut som vert sett syklande vekk frå staden, har ein blodig kniv i lomma. Men Kolbjørn Kristiansen finn ut at saka er meir komplisert enn det ser ut til, og nøstar opp ei 40 år gammal historie; eit dødsfall i 1932.

Nok ei spennande K2-historie, i gjennomført retrostil.

(2013)

Les meir

 
 

Hans Olav Lahlum – KATALYSATORMORDET

Lettbeint retrokrim frå vestkanten

Ei ung og tilsynelatande skremt jente spring etter trikken som Kolbjørn K2 Kristiansen sit på, og rekk den akkurat ikkje. Seinare vert ho funnen død i sporet, og K2 får saka. Han kontaktar som alltid den unge Patricia, lenka til rullestolen etter ei ulukke, og med ei av dei skarpaste hjernene i kongeriket.

Det viser seg at drapsofferet Marie Morgenstierne var ein del av ei gruppe unge radikalar, der leiaren deira, Falko Reinhardt, som også var kjæraste til Marie, forsvann sporlaust i Valdres nokre år tidlegare.

(2012)

Les meir

 
Kommenter innlegget

Posta av den 06/10/2018 in 70-talet, lahlum, norge, oslo

 

Hans Olav Lahlum – DE FEM FYRSTIKKENE

femfyrstikkeneDenne boka er ikkje ein krim, men heile tre i same slengen. Med litt varierande lengde, og ymse titlar (kortroman, langnovelle etc)  er det tre ganske forskjellige saker for etterforskaren K2.

Den fyrste boka handlar om ei rik kvinne som vert drepen, og dei to nevøane hennar er blant dei mistenkte. I den andre vert ein berømt forfattar forgifta ved middagsbordet, med kona og hans to elskerinner ved si side. I den siste er det ein tidlegare motstandsmann som vert skoten under eit nattleg møte i skogen.

Sidan dette ikkje er ei tradisjonell krimbok, er det vanskeleg å karaktersette den på vanleg måte, men det er spennande og fine historier, i eit format som er greit å ha liggande i mellom dei litt lenger slaga.

(2012)

 
Kommenter innlegget

Posta av den 02/01/2015 in 70-talet, lahlum, politi