Lone Theils – HEKSEGUTTEN

Barnebortføring i London

Nora Sand har blitt kontakta av ein nigeriansk professor som jobber med å avsløre Boko Haram og bortføring av barn i Nigeria. Professoren vert borte for Nora på ein kirkegard i London, og dagen etter vert han funnen drept og mishandla på same stad. Samstundes er ei dansk realitystjerne og ein russisk oligark i bitre skilsmisseforhandlingar i London, og sonen deira vert kidnappa av ei kvinne i burka. Nora, som er Globalt sin London-korrespondent, dekker begge sakene.

KVIFOR kjem du til å like denne?
Fordi du likar journalistkrim med fart og spenning. 

(2018)

Reklame

 

Dorothy L. Sayers – WHOSE BODY

Lord Peter Wimsey begins

Dette er debutboka til Dorothy L. Sayers, og den fyrste med Lord Peter Wimsey:

Ein død mann vert funnen naken i eit badekar i ei leiligheit i London av arkitekten Thipps, som aldri har sett mannen før. Adelsmannen Lord Peter Wimsey har nylig fått detektivarbeid som hobby, og vil finne ut av det. Politiet mistenker raskt kven mannen er, men har dei rett?

KVIFOR kjem du til å like denne?
Fordi du har sansen for god, gammaldags britisk krim. 

(1923)

 

Peter May – LOCKDOWN I LONDON

Plutselig relevant krim

Ei 15 år gammal bok, vart plutselig hyperaktuell i fjor. Spørs om ikkje forfattaren, som seinare har bygd seg opp eit svært godt rykte, skulle ønske den ikkje vart henta opp att.

London er stengt ned på grunn av eit virus. Sjukehus må byggjast raskt, men på ei av tomtene vert arbeidet stoppa når nokon finn skjelettet av eit barn. Etterforskar Jack MacNeil, som skal slutte i politiet, får saka.

KVIFOR kjem du til å like denne?
Fordi du etter eit år med korona framleis ikkje har fått nok pandemi.

(2005)

 

Atle Nielsen – ETT BLOD

Fartsfylt Bergenskrim

Ein mann vert funnen drept i Bergen, saman med eit visittkort med «Congratulations to you too». Noko seinare vert eit anna drapsoffer funne i England, med samme visittkort. TV2-journalist Ole Bull er på jakt etter ei god sak, og finn løysingar der politiet kjem til kort. Ei heseblesende jakt fører oss frå Bergen, til hooliganmiljøet i London.

KVIFOR kjem du til å like denne?
Fordi du likar krim over landegrensene, og kanskje er ekstra glad i Bergenskrim og fotball. 

(2020)

 

A.J. Waines – KVINNEN I VANNET

Du har ein ny SMS…

Psykoterapeuten Julia Grey får ei anonym tekstmelding om å møte opp ved ei London-bru ein tidlig morgon. Når ho kjem dit, er staden full av politifolk, og ei kvinne er funnen død i Themsen, like ved. Julia veit ikkje kven kvinna er, men noko Julia legg merke til på den døde, er veldig kjent. Når den neste tekstmeldinga kjem, og det samme skjer, må Julia finne ut kvifor ho er den som vert varsla.

KVIFOR kjem du til å like denne?
Fordi du har sansen for litt thriller-aktig krim, der hovudpersonen føler seg jaga. 

(2013)

 

Robert Bryndza – JENTA I ISEN

Friskt og spennande bekjentskap

Ei rikmannsdotter vert funnen drept, nedfrosen i eit vatn. Ho vart sist sett på ein sjuskete pub på feil side av London, og ingen skjønar heilt kva ho hadde der å gjere. Etterforskar Erika Foster er tilbake i teneste, etter å ha gjort ein feil som kosta fleire kolleger livet, blant dei mannen Mark. Foster må kjempe mot kolleger som konkurrerer om jobben hennar, og familien til den døde jenta, som har sterk innflytelse høgt opp i systemet.   

KVIFOR kjem du til å like denne?
Fordi Bryndza skriv smart og avhengigheitsskapane krim.

(2016)

 

Mark Billingham – SOV GODT

Locked-in syndrom i London

Kriminalfyrstebetjent Tom Thorne etterforskar ein seriemordar, som ser ut til å ha gjort ein feil, då eit av offera overlever angrepet. Offeret, Alison, er vaken, og kan sjå og høyre, men kan ikkje røyre seg, eller snakke. Litt etter litt, finn Thorne ut at det ikkje er som politiet har trudd, men nærast motsatt.

KVIFOR kjem du til å like denne?
Fordi du likar tilsynelatande håplause oppgåver for etterforskarane dine. 

(2001)

 

S.J. Bolton – NÅ SER DU MEG

Jack the Ripper-copycat

Nøyaktig 120 år etter det fyrste Jack the Ripper-drapet, vert eit svært likt drap utført i London.

Politibetjent Lacey Flint er ute på eit anna oppdrag, då ho støyter på offeret, som døyr i armane hennar. Flint har aldri jobba på ei drapssak før, og får henge med på denne for å observere, men blir meir og meir involvert.

Eit nytt bekjentskap i sommar, og det lovar ikkje bra at det er ei 9 år gammal bok du aldri har høyrt om, men Ripper-krim er vel alltid spennande.

KVIFOR kjem du til å like denne?
Fordi du likar Jack the Ripper-historier, og historier om storlagen hevn.

(2011)

 

PD James – MORDROMMET

Eit mord på museet

Eit familiedrive museum er trua av nedlegging, fordi ein av dei tre syskena, Neville Dupayne, som har arva det, ikkje vil drive det lenger. Men så vert liket av Neville funne i ein brennande bil utanfor museet, og Adam Dalglish og kollegene legg umiddelbart tvisten om museet som eit mulig bakteppe.

KVIFOR kjem du til å like denne?
Fordi du den klassiske britiske «påskekrim»-krimmen. Museum, haustmørke og familiehemmeligheiter.

(2003)

 

Alex Michaelides – DEN TAUSE PASIENTEN

Psykologisk thriller som tek deg på senga

Alicia Berenson er innlagt på psykiatrisk klinikk, etter at ho for seks år sidan skaut ektemannen Gabriel i ansiktet fem gonger, og deretter slutta å snakke. Årsaka til drapet er eit mysterium.

Theo Faber er psykoterapeut, og har søkt seg til institusjonen der Alicia er innlagt, fordi han er fascinert av historia, og fordi han vil prøve å få henne til å snakke igjen.

KVIFOR kjem du til å like denne?
Fordi du likar spenningsbøker med overraskande tvistar.

(2019)