Dottera til nestleiaren i KrF forsvinn, saman med ei sekt i Maridalen. Akkurat i det etterforskar Fredrik Beier skal prøve å finne henne, vert fleire av medlemmene massakrerte på garden der dei held til, og det vert mykje meir enn ei forsvinningssak.
På garden finn politiet eit moderne laboratorium, samt ting som peikar mot andre verdenskrig, og rasebiologi frå 30-talet.
(2015)
Fann denne boka når eg såg gjennom samlinga for å oppdatere meg på kva bøker eg har lest dei siste åra. Denne vart kjøpt inn saman med The Falls og Resurrection Men, men etter å ha lest bakpå den, kom eg til at den ikkje vart lest den gongen.
Siobhan har vorte plaga av ein fyr, som vert funnen død etter at leilegheita hans brenn. Rebus har vorte sett på pub med han kvelden før, og han dukkar opp med store brannskader på hendene.
På ein skule i South Queensferry, nord for Edinburgh, går ein tidlegare SAS-soldat amok med våpen, og drep to unge gutar, og skadar ein tredje.
Rebus og Siobhan er involverte i å finne ut av begge sakene, og etter kvart kjem det fleire aktørar på bana.
Denne boka kom ut etter Ressurection Men og før Fleshmarket Close, og er nummer 14 i serien, av totalt 17.
(2003)
Ei lita bygd i Sverige vert utsett for ein massakre, og så godt som alle innbyggarane vert drepne. I ein annan del av landet sit ein dommar og finn namnet på mora sine adoptivforeldre blant ofra. Ho byrjar nøste opp i saka sjølv, om tek fort ei anna retning enn det politiet gjer.
Parallellt med denne historia, får me også høyre om historia til kinesiske immigrantar som bygger jernbane i USA på 1800-talet, og me følger kinesiske samfunnstoppar i dagens samfunn i ei tredje historie.
Mankell sjonglerar fleire historier og fleire karakterar heile vegen, på ein meisterleg måte.
(2008)
Krimbiblioteket 