Ann-Christin Gjersøe – JERNJOMFRUEN

Tidvis spennande, men…

Aller fyrst, ei krimbok om ein journalist med draumar om å verte forfattar, som snublar over ei krimgåte, er eit såpass godt brukt utgangspunkt at forfattaren kanskje allereie her legg lista for originalitet litt for høgt for seg.

Her er det mykje som skal gapast over. Ei kvinne forsvinn i Tønsberg i 1981, og dukkar aldri opp att. Ein nabogutt er lenge mistenkt, men vert aldri dømt, anna av kanskje naboane. 30 år seinare forsvinn fyrst ein forfattar som skriv utleverande om eit lukka sekt-miljø, og deretter ei kvinne til. Journalisten Ida ser på dei to nyaste sakene, og finn tråder som går tilbake til beslaglagte jødiske eigendelar frå krigen.

KVIFOR kjem du til å like denne?
Fordi du har sansen for krim med mange lause trådar som forhåpentligvis skal samlast. 

(2014)

Reklame

 

Olaf Bull – MITT NAVN ER KNOPH

Ein ny æra i norsk krim? 

Jens Christian Sahle, ein respektert og grundig direktør, vert dømt for underslag, og innrømmer at han har gjort det for å gi elskerinna si 20 000. Utover det har han ikkje så mykje å fortelle. Kona til Sahle ler av at han skulle hatt ei elskerinne. Han vert dømt for underslaget, men Hans Bleng frå Oppdagelsespolitiet aner ugler i mosen.

I følge Bjørn Carling i «Norsk Kriminallitteratur gjennom 150 år» (1976), er dette det fyrste «utspekulerte konstruksjonsmysterium på norsk,» og dermed starten på eit nytt kapittel i norsk krimlitteratur.

Boka var skriven som ein føljetong i eit blad frå 1909, men kom fyrst i bokform i 1913.

KVIFOR kjem du til å like denne?
Fordi du likar dei aller fyrste krimhistoriene. 

(1909/1913)

 

Jørn Lier Horst – FORRÆDEREN

Kva gjer politimannen når saka blir personlig?

Eit stort jordras, der fleire hus forsvinn, er inngongen til denne. Alle i området ser ut til å ha vorte berga ut i live, men litt seinare finn politiet ein død person. Det viser seg derimot at denne har vore død ei stund, og er drept. Vedkomande viser seg å ha tilknytting til ei svensk etterforsking, og plutseleg viser det seg at dette er større en ein først trudde. Så vert Wisting personlig involvert. Litt for personlig.

KVIFOR kjem du til å like denne?
Fordi serien om William Wisting alltid har eit høgt nivå over seg.

(2022)

 

Ingar Johnsrud – KORSET

Den vanskelige tredjeboka

Direktøren Henry Falck vert skoten i ein vaskehall i Oslo, saman med elskerinna si. Fredrik Beier har nyleg møtt Falck, då han skjelte ut journalisten Benedicte Falck, som jobba med ein kritisk artikkel om Falck. Så forsvinn også journalisten, og herfrå og ut vert det knapt trykka på bremsa. 

KVIFOR kjem du til å like denne?
Fordi du har lest dei to forrige og vil sjå korleis trilogien om Fredrik Beier og Kafa Iqbal ender.

(2018)

 

Eirik Wekre – TROLLMANNENS LÆREGUTT

Mayhem i Oslo sentrum

Oslo er vertskap for utdelinga av Nobels Fredspris, og unge, arbeidsledige demonstrantar frå heile Europa har innteke byen, for å vise si uvilje mot at det er nettopp EU som skal få prisen. Leiaren for politispanarane Theo Hannover får nyss om at ein kjent snikskyttar er på veg til Noreg, samstundes som demonstrasjonane vert meir valdelege. 

KVIFOR kjem du til å like denne?
Fordi du likar krim med aktuell samfunns-tematikk. 

(2013)

 

Hanne Kristin Rohde – DET DU IKKE VET

Cold case, bokstavelig talt

Eit spedbarn vert funne i ein frysar på Korsvoll. I huset bur den unge Ulrik, som har arva huset, etter at foreldra omkom i ei bilulukke fem år tidligare. Barnet har etter alt å døme vore dødt lenge, og ein byrjar leite i krinsen rundt faren til Ulrik, den steinrike Roger Riiber. 

KVIFOR kjem du til å like denne?
Fordi du har lest dei andre Wilma Lind-bøkene, og har sansen. 

(2021)

 

Hanne Kristin Rohde – OFFERDYR

Pelsdyrdrama på det jamne

Advokat Mikael Anderson finn ein død mann i senga si, kun ikledd pels, og mistenker at kona, psykiater Nina Berle, har ein elskar. Men ho veit tilsynelatande like lite. Hennar største bekymring er at saka kjem ut, og skadar broren hennar, tidlegare pelsbonde og noverande landbruksminister.  

KVIFOR kjem du til å like denne?
Fordi du er oppteken av pelsnæringa og spent på ein krim rundt den. 

(2018)

 

Hanne Kristin Rohde – GUDMOREN

Er alle gode ting tre?

Den tredje boka om Wilma Lind: Ein uteliggar vert utsett for drapsforsøk rett framfor Stortinget rett før klokka slår 12 på nyttårsafta. Like etter forsvinn ei trafikkskadd kvinne frå observasjonsposten ho ligg på, og vert seinare funnen på obduksjonssalen. Død, og med hjertet operert ut. 

KVIFOR kjem du til å like denne?
Fordi du tenker at denne gongen sit det for Wilma Lind. 

(2016)

 

Hanne Kristin Rohde – BARE ET BARN

Eit steg i rett retning?

To born med afrikansk opprinnelse vert funne drepne på Frysja i Oslo, (nær Teknisk Museum), og på pressekonferansen etter funnet vert ein politiadvokat OG ein journalist skotne og drepne. Ein kvinneleg journalist vert arrestert for drapa på staden, men ho kan ikkje ha drept begge så og seie samtidig? Wilma Lind sat skulder mot skulder med advokaten som vart drept, og skal løyse saka om dei to borna, samtidig som eit anna politidistrikt skal løyse drapa på pressebriefen.

KVIFOR kjem du til å like denne?
Fordi du leste den fyrste og er spent på om denne tek eit steg vidare. 

(2015)

 

Hanne Kristin Rohde – MØRKE HJERTER

Sterk polititeknisk, men…

Wilma Lind er fersk leiar for Seksjon for Valds- og seksualbrot ved politet i Oslo, og får ei sak med ein serieovergripar i fanget. Det er trafficking, ein sjef som ikkje likar deg, eit budsjett som ikkje strekk til, og eit komplisert liv på heimebane.   

KVIFOR kjem du til å like denne?
Fordi du er nysgjerrig på korleis ein tidlegare polititopp skriv krim. 

(2014)