Roslund & Hellström – OPPREISNINGEN

Dødsstraffkritisk thriller

Ein dansebandartist vert arrestert etter å ha utøvd grov vold mot ein full gjest på Finlandsferga. Mannen er canadisk statsborgar, og når politiet søker opp bakgrunnen hans, finn dei ut at John Schwarz absolutt ikkje liknar på mannen på passbildet sitt.

Parallelt vert me servert historia om ein dødsdømd fange i Ohio, som døyr på cella si, etter kort tids sjukdom, like før han skal henrettast.

KVIFOR kjem du til å like denne?
Fordi du har fått smaken på Ewert Grens etter dei to fyrste bøkene.

(2006)

Reklame

 

Roslund & Hellström – TRE TIMER

Meir Piet Hoffmann-action

Den tredje boka med Piet Hoffmann som hovudperson. Denne gongen jobbar han i Afrika, med å beskytte naudhjelpstransportar, når han får ein oppdrag frå det svenske politiet. Ein kontainer med døde flyktningar vert funne i ei svensk hamn, og Ewert Grens og det svenske politiet treng hjelp til å finne menneskesmuglarane.

KVIFOR kjem du til å like denne?
Fordi om du har lese dei foregåande bøkene, så er du enig i at dette er noko av det fremste innan skandinavisk krimspenning dei siste åra.

(2018)

 

Roslund & Hellström – TRE MINUTTER

Infiltratørthriller i Sør-Amerika

Piet Hoffmann har levd heile livet på sida av loven, og sjølv etter å ha kome seg på rett side, så jobbar han undercover. Denne gongen for amerikanske myndigheiter, blant narkokartell i Colombia. Atter ein gong vert han svikta av dei som skal hjelpe han, når han prøver å trekke seg ut.

KVIFOR kjem du til å like denne?
Fordi du fekk sansen for Piet Hoffmann i eit tidlegare Ewert Grens-historie.

(2016)

 

Roslund & Hellström – TO SOLDATER

Hardbarka ungdomsmiljø

To kriminelle barndomsvenner, som ser på kvarandre som si einaste familie. Frå dei var små, har dei drømt om å vere på politiet si liste over dei mest ettersøkte i Sverige. No er dei der. På toppen av ein gjeng med barn og unge, som har som einaste mål i livet å verte ein god kriminell.

Den eine er i fengsel, den andre på utsida. Dei har framtidsplanane klare, men i siste liten kjem noko i vegen for den eine.

KVIFOR kjem du til å like denne?
Fordi du likar rå og hard ungdomskrim i litteraturform.

(2012)

 

Roslund & Hellström – TRE SEKUNDER

Ekstrem fengselsspenning

Piet Hoffmann er ein tidlegare kriminell som jobbar undercover for politiet, for å infiltrere eit kriminelt polsk nettverk som opererer i Sverige. Han lever eit dobbeltliv, med familie på den eine sida, og tungt kriminelle på den andre. Plutselig hamnar han i ein situasjon der den einaste redninga er å gå inn i fengsel, med lovnad frå høgste hold i Sverige, om at han skal hentast ut når det vert for heitt. Men kva skjer når lovnaden ikkje vert halden, og du er innesperra åleine med dei farligaste fangane i landet?

KVIFOR kjem du til å like denne?
Fordi denne boka verkeleg sette Roslund & Hellström på verdenskartet som krimforfattarar.

(2009)

 

Roslund & Hellström – JENTA UNDER BYEN

Menneskejakt under gata

Ewert Grens og kollegene finn ei død kvinne i ein gang under eit sjukehus i Stockholm. Det er ingen som anar korleis liket har hamna der, og jakta fører teamet ned i byens underverden, i gangane der dei heimlause held til.

KVIFOR kjem du til å like denne?
Fordi du likar historier om dei ukjende delane av samfunnet.

(2007)

 

Roslund & Hellström – BOKS 21

Ewert Grens er framleis knallhard

Ei ung kvinne vert funnen i ei leiligheit, der ho åpenbart har vorte halden mot si vilje. Ho er hardt skada, og vert lagt inn på sjukehus. Men medan politiet ventar på at ho skal verte bedre, tek saka ei overraskande vending i likkjellaren på sjukehuset.

(2005)

 

Roslund & Hellström – UDYRET

Unødvendig fæl

Ein mann drep to unge jenter, og etter nokre år i fengsel, klarer han å rømme, og er klar for nye drap. Ei jente forsvinn frå barnehagen, og faren tek opp jakta på barnedrapsmannen.

Den fyrste boka om Ewert Grens er veldig eksplisitt, utan at ein heilt skjønar grunnen til det, og egnar seg ikkje for alle.

(2005)