Cold case for Harry BoschSkjelettet av ei barn vert funne i ein skog utanfor Los Angeles. Berre nokre få av naboane har budd der så langt tilbake i tid som ugjerninga må ha skjedd, men ingen huskar å ha sett noko. Ein bakgrunnssjekk gjer likevel at Harry Bosch og teamet fattar mistanke til ein av dei.
KVIFOR kjem du til å like denne?
Fordi du likar cold case-krim av høg kvalitet.
(2002)
Isolert i dei franske skogarMartin Servaz får ein telefon frå ei stemme han ikkje har høyrt på 8 år, då Marianne forsvann. Ingen trur ho framleis er i live, men no ringer ho, skremt og fortel ho er i ein skog, på rømmen, og at Martin må kome å berge henne.
Dette fører Martin til Pyreneane, der det skjer mykje meir enn ei jakt på ei forsvunna kvinne. Vel framme, så går eit ras som sperrer heile bygda inne, og så startar drapa.
KVIFOR kjem du til å like denne?
Fordi om du likar den litt mystiske, franske krimstilen.
(2020)
Uhygge i bushenUnder ein teambuildingtur i den australske bushen, forsvinn Alice, ei av dei fem kvinnene som dreg ut. Firmaet dei jobbar for, er allereie under etterforsking, og Alice har vore politiet si kontakt på innsida.
KVIFOR kjem du til å like denne?
Fordi du likar litt skummel krim i naturen.
(2017)
Mafiatendensar i Nord-SverigePå grensa mellom Sverige og Finland vert ein ulv funnen, forgifta, og med restar av eit menneske i magesekken. Ikkje lenge etter vert resten av liket funne.
Samtidig finn politet spor etter ein blodig massakre i skogen.
Og i bakgrunnen lurer ein russisk agent.
KVIFOR kjem du til å like denne?
Fordi du ikkje får nok av nordisk noir.
(2020)
Klassisk hotellmysteriumHotellkrim frå tida før det vart parodisk. I 1921 var det sikkert ingen som rynka på bryna av at krimplottet vart lagt til eit herskapeleg hotell langt inne i skogen, med eit kobbel av internasjonale gjestar, mens me i dag føler me har sett det 1000 gonger.
Men, om boka: I følge wikipedia, den 92. av dei 116 bøkene til Riverton (Sven Elvestad).
Tidleg på sommaren kjem det ein buss med nye gjestar til det flotte Grand Hotel Excelsior, langt inne i det aude Norge. Utanlandske gjestar, kjende gjestar og mystiske gjestar. Så byrjar dei uhyggelege, mystiske tinga å skje, og det er berre eit tidsspørsmål før me får det fyrste drapet.
KVIFOR kjem du til å like denne?
Fordi du likar dei gamle, klassiske krimhistoriene som får deg til å kjenne lukta av piperøyk, og høyre lyden av tweedjakke mot Chesterfieldsofa.
(1921)
Stemningsfull 1800-talskrimFyrste bok om Hurum-lensmann Thomas Tinnvik, som fortel historia i form av brev til broren.
Lars Holte som utflytta til Canada for 8 år sidan, vert funnen død i skogen, like ved garden han kjem frå. På familiegarden, der dei fleste er kvekerar, møter lensmannen broren til drapsofferet, enka hans, og sonen, som ikkje har sett faren på mange år.
I tillegg bur det nokre fleire folk på Holte-garden, og sannsynlegheita for at ein av disse har teke livet av Lars, er til stades.
Ei melankolsk og annaleis forteljing, lett å lese, og lett å verte glad i. Hovudpersonen Thomas Tinnvik er en fyr ein umiddelbart har lyst til å lese fleire bøker om.
KVIFOR kjem du til å like denne?
Fordi du likar historiske krimgåter, og helst på norsk.
(2015)
Mord i skiløypaEtter lukka rom-mysteriet på Sørlandet, er K2 og Patricia no attende i Oslo, der eit ungt skitalent har vorte drept på siste etappa av ein stafett.
Etterforskinga av drapet på eit av landet største skitalent, Ingeborg Hole Samuelsen, avdekker eit breidt spekter av mulige kandidatar rundt offeret, som var adoptivbarn.
Lahlum er glad i å drysse rikelig med hint til tittelen i bøkene sine, og i denne vert det litt i meste laget. Ei av dei svakaste K2-bøkene på lenge, om ikkje den svakaste.
(2016)
Dødelig reunionMagdalena Hansson er på reunion med klassa si frå ungdomskulen, men under ei spøkelsesvandring vert ein av deltakarane på festen funnen drept.
Dagen etter vert ein annan av klassekameratane funnen død på hotellet sitt.
Dette er femte bok i serien om Magdalene Hansson, dei fire fyrste finn du her:
Jenta med snø i håret
Gutten som sluttet å gråte
Svar hvis du hører meg
Vår egen lille hemmelighet
(2016)
Gisseldrama i skauenEi eldre dame vert funnen brutalt drept på småbruket sitt, og eit ungt vitne har sett bygdas galning, Erkki Johrma, forlate staden.
Samstundes vert den lokale banken rana, og ranaren tek med seg eit gissel. Tilfeldigheitene vil at dette gisselet er Erkki, den gale drapsmannen.
Ei bok som skil seg litt frå dei to fyrste i Sejer-serien.
(1997)
Som nevnt tidligare, så er dette den einaste krimboka eg nokon gong har byrja på, og ikkje fullført. To gonger. Men denne veka leita eg den opp igjen, og kom meg gjennom til slutt.
Tre ungar leikar i skogen i ein liten forstad i Irland, og to av dei kjem aldri heim. Fleire år etter, er han som kom tilbake, Adam Ryan, tilbake på staden som politimann, med nytt namn. Ei ung jente, Katy Devlin, har forsvunne, og dukkar opp død på eit steinalter i skogkanten. Ryan og kompanjongen hans, Cassie, får saka, og Ryan lurer på om den nye saka kan kaste lys over det som skjedde den gongen.
Ei lang og tung bok, der det går så sakte at ein har god tid til å tenke at ein aldri skal kjøpe ei bok av Tana French igjen… Fyrste gong eg byrja på denne boka, var rett etter at ho kom ut, i 2007. Deretter prøvde eg på nytt i 2012, etter å ha lest den andre boka om Cassie Maddox, Lik, men igjen vart den liggande til denne veka, då eg kom meg gjennom dei siste 300 sidene.
(2007)
Krimbiblioteket 