Sjöwall & Wahlöö – TERRORISTENE

Spennande etter ein tung start

Beck er vitne i ei sak der ei ung kvinne er skulda for å ha prøvd å rane ein bank. Samstundes er Gunvald Larsson i Spania, der han vert vitne til eit attentat på ein statsleiar. Like etter skal Sverige vere vertskap for ein svært upopulær amerikansk senator, og rykta går om at same organisasjon som stod bak attentatet i Spania, no kjem til Sverige.

Dette er den tiande og siste boka om Beck. Per Wahlöö døde rett før boka vart ferdig, så Maj Sjöwall måtte gjere den ferdig åleine. 

KVIFOR kjem du til å like denne?
Fordi du vil ha med deg slutten på Beck-universet i bokform.

(1975)

Reklame

 

Jussi Adler-Olsen – OFFER 2117

Kompleks og bekmørk

Ein spansk journalist tek turen til Kypros for å lage ei sak om båtflyktningar. Han tek bilde av ein død flyktning som er skylt i land, men seinare viser det seg at kvinna ikkje har drukna, men er drept. I København kjenner Assad igjen kvinna på bildet, og ein gamer som liker seg best innelåst på gutterommet, vert besatt av talet på omkomne på Kypros. 

Alt kokar saman til eit dystert kappløp mot tida, som tek oss gjennom store delar av Europa.

KVIFOR kjem du til å like denne?
Fordi du likar Avdeling Q og er spent på Assad si historie.

(2019)

 

Jørn Lier Horst – GRENSELØS

World Wide Wisting

Eit crowdsolving-nettsamfunn jobbar med å løyse ei drapssak i Spania, der ein australsk backpacker er offeret. Eit av medlemmane i gruppa kallar seg Astria, og meiner ho er nær ei løysing, før det vert heilt stille frå henne. Då kontaktar leiaren av gruppa Wisting, for å få hjelp. Det virker nemlig som om Astria held til i Stavern-området. Samtidig dukkar det opp ein forlatt bil med spanske skilt utanfor Larvik.

KVIFOR kjem du til å like denne?
Fordi du du likar krim som tek for seg moderne fenomen.

(2021)

 

Øistein Borge – BASTARDEN

Etterkrigsoppgjer

Ein jødisk nordmann reiser rundt i verda for å samle inn gjenstander som hans familie vart fråtekne under krigen. Dette fører han til Mallorca, men han kjem aldri heim frå øya. Bogart Bull har egentlig trukke seg tilbake, men etter litt om og men, vert han sendt nedover for å finne ut kva som skjedde med Aaron Bercow.

KVIFOR kjem du til å like denne?
Fordi du har sansen for Bogart, og har likt dei tre foregåande. 

(2020)

 

Liza Marklund – EN PLASS I SOLEN

Livstid del II

Ei svensk familie vert drept under eit ran i Malaga, og Annika Bengtzon reiser ned for å lage sak på det, og kjem sjølvsagt over detaljer som tyder på at dette er noko anna enn det det fyrst ser ut til.

Den forrige boka, Livstid, var rotete og beit over litt mykje, men den vert berre barnemat samanlikna med denne. Historia er uoversiktleg, prøver på altfor mykje, og i tillegg er den ganske meiningslaus uten at du les Livstid fyrst. Livstid hadde også referanser til Nobels Testamente, som var boka før i serien, men dei referansene var ikkje avgjerande for historia. Her må du vite kva som har skjedd i den forrige for å få noko utbytte.

KVIFOR kjem du til å like denne?
Fordi du har lest Livstid fyrst. 

(2008)

 

Dan Brown – OPPRINNELSE

Vanskeleg å ikkje verte hekta

Dette er den femte boka om Robert Langdon, og sjølv om handlingsmønsteret byrjar å verte ganske kjent, så er det framleis svært spennande.

Ein av Langdon sine tidlegare elevar, no ein milliardær i IT-bransjen, skal halde eit foredrag som han lovar vil endre korleis verda ser på religion. Men sterke krefter vil helst ikkje at denne oppdagelsen skal kome ut, og prøver å stoppe fyrst oppdagaren, og deretter Langdon.

(2017)

 

Alicia Gimenez-Bartlett – MØRKE NETTER I BARCELONA

Ei høgt anbefalt bok, skal ein tru det forlaget har skrive bakpå. Lev vel ikkje heilt opp til forventingane.

Ein aldrande etterforskar, og kollegaen hennar, får ei sak med ein uteliggar som har vorte drepen, tilsynelatande av snauskallar. Men det viser seg at vedkomande allereie var død då snauskallane banka han, men kvifor la dei då slik flid i å få det til å sjå ut som eit overfall?

Tung og innhaldsfattig, like greit å styre unna.

(2004)

 

Robert Wilson – BLODETS BÅND

To bilar kolliderar på motorvegen utanfor Sevilla. I den eine bilen finn politiet ein russar som er sentral i mafiaen på Costa del Sol. Og i bagasjerommet har han 8 millionar euro, i tillegg til ein del diskettar. Russaren har vore på veg over til ei konkurrerande mafiagruppering.

Falcon etterforskar saka som drap, samstundes som fleire faktorar frå dei tidlegare bøkene framleis er sentrale. Så vert den 8-årige sonen til Consuela Jimenez, av og på-kjæresten til Falcon, kidnappa.

(2009)

 

Robert Wilson – DE SKJULTE MORDERNE

Den tredje boka i serien om Javier Falcon. Etter ein kanonstart med «Den blinde mannen i Sevilla» falt serien litt med bok nr. 2, «De forsvunne hendene». Men her er Falcon tilbake i godt gammalt slag.

Det heile byrjar med ei boligblokk som blir sprengd, og i kjellaren ligg ein moské.

Boka er litt mindre privat enn dei fysste var, og minner meir om ein generell krim i så måte.

Me møter igjen mange av dei gamle kjende, og sjølv om denne tredje boka er veldig annsleis enn dei to fysste i stilen, så er det igjen det same drivet som var i den fysste.

(2006)

 

Robert Wilson – DE FORSVUNNE HENDENE

Ein kjend arkitekt og kona vert funne døde i heimen sin, mens son deira overnattar hjå naboen. Det virkar som drap og sjølvdrap, men arkitekten har drukke kaustisk soda, og han har han ein lapp med ein kryptisk beskjed i handa. I kjølvatnet av dette dukkar fleire sjølvmord opp, og Falcon nøstar i kjend stil opp i fleire mørke skjebner i Sevilla.

Robert Wilson skriv krim i verdsklasse, det er ingen tvil om det. Men den forrige boka var tøff å følge opp, og denne her leverte dessverre ikkje varene på samme måten.

(2004)