Jørn Lier Horst – FORRÆDEREN

Kva gjer politimannen når saka blir personlig?

Eit stort jordras, der fleire hus forsvinn, er inngongen til denne. Alle i området ser ut til å ha vorte berga ut i live, men litt seinare finn politiet ein død person. Det viser seg derimot at denne har vore død ei stund, og er drept. Vedkomande viser seg å ha tilknytting til ei svensk etterforsking, og plutseleg viser det seg at dette er større en ein først trudde. Så vert Wisting personlig involvert. Litt for personlig.

KVIFOR kjem du til å like denne?
Fordi serien om William Wisting alltid har eit høgt nivå over seg.

(2022)

Reklame

 

Ninni Schulman – NÅR ALLE KLOKKER HAR STANSET

Nok ein seriemordar på den svenske landsbygda

Det vert sett opp teater i bygda, med den store skodespelaren som er oppvaksen her, samt ei gruppe lokale ungdommer. Ein av dei forsvinn, og vert funnen drept, flytande i ei sekk litt seinare. Litt seinare vert nok ein ungdom drept, denne gongen skoten, og Christer og Petra i det lokale politiet har hendene fulle. Lokaljournalisten Magdalena bruker å vere hjelpsom i slike saker, men denne gongen har ho sine eigne ting å stri med.

Dette er sjette bok i serien om Magdalena Hansson, dei fem fyrste finn du her:

Velkommen hjem
Jenta med snø i håret
Gutten som sluttet å gråte
Svar hvis du hører meg
Vår egen lille hemmelighet

KVIFOR kjem du til å like denne?
Fordi Ninni Schulman tidlegare har vist seg som ein drivende god spenningsforfattar.

(2019)

 

Sjöwall & Wahlöö – TERRORISTENE

Spennande etter ein tung start

Beck er vitne i ei sak der ei ung kvinne er skulda for å ha prøvd å rane ein bank. Samstundes er Gunvald Larsson i Spania, der han vert vitne til eit attentat på ein statsleiar. Like etter skal Sverige vere vertskap for ein svært upopulær amerikansk senator, og rykta går om at same organisasjon som stod bak attentatet i Spania, no kjem til Sverige.

Dette er den tiande og siste boka om Beck. Per Wahlöö døde rett før boka vart ferdig, så Maj Sjöwall måtte gjere den ferdig åleine. 

KVIFOR kjem du til å like denne?
Fordi du vil ha med deg slutten på Beck-universet i bokform.

(1975)

 

Sjöwall & Wahlöö – MANNEN PÅ TAKET

Ein meir «moderne» Beck

Kommisar Stig Nyman var aldri verken noko god politimann, eller ein godt likt. Snarare tvert i mot, han var ein av dei mest hata personane i politikorpset i Stockholm. No er han drept, nærast delt i to, i sjukehussenga han låg i. Så det er ikkje mangel på mistenkte. 

Det endar i ei jakt på ein namngitt mistenkt, og det vert tøft for fleire. Dette er kanskje boka der Gunnvald Larsson verkeleg står fram som den råtassen han er i TV-serien. 

Dette er den sjuande boka om Beck. Her er dei seks foregåande:
1. Roseanna
2. Mannen som gikk opp i røyk
3. Mannen på balkongen
4. Døden tar buss
5. Brannbilen som forsvant
6. Snut, snut, kaffegrut

KVIFOR kjem du til å like denne?
Fordi du er nysgjerrig på korleis Gunnvald Larsson er når han går i Rambo-modus.

(1971)

 

Sjöwall & Wahlöö – BRANNBILEN SOM FORSVANT

Lettantenneleg nøtt for Beck

Eit hus som politiet har under overvakning brenn ned, og fleire døyr i brannen. Gunnvald Larsson prøver å berge folk ut av huset, medan ein kollega varslar brannvesenet. Men medan huset raskt brenn ned, dukkar aldri brannvesenet opp.

Politiet finn ut at ein av bebuarane har ville ta livet av seg sjølv, ved å sette på gassen i leiligheita si. Men noko skurrar likevel; korleis vart gassen påtent, og kva skjedde med brannbilen? 

Dette er den femte boka om Beck.

KVIFOR kjem du til å like denne?
Fordi ein ikkje kan gå feil med Martin Beck.

(1969)

 

Camilla Läckberg – SNØSTORM OG MANDELDUFT

Lukka rom frå Läckberg

Rikmannsfamilien Liljecrona samlast til slektstreff på ei øya Valö, utanfor Fjällbacka. Politimannen Martin Mollin er med, saman med kjæresten Lisette Liljecrona. Familiens upopulære og frykta eldstemann Ruben har samla slekta, og etter ein trussel om å gjere alle arvelause, ramlar han sjølvsagt død om under middagen. Truleg forgifta. Ein storm har avskore øya frå fastlandet, så Martin må ordne opp åleine her ute, medan dei ventar på assistanse. 

KVIFOR kjem du til å like denne?
Fordi du er spent på korleis det går når Läckberg prøver seg på noko Agatha Christie-liknande. 

(2010)

 

Maria Lang – KVINNEKLUBBEN

Uro i Kvinneklubben

Ei forening for vellukka yrkeskvinner samlast på Blacksta gård, der dei skal hylle seg sjølv og legge planane for vidare suksess i arbeidslivet. Men dessverre vert ei av deltakarane funnet drept på rommet sitt, og Christer Wijk, som allereie har sambuaren Camilla Martin på garden, kjem inn for å finne ut kven av dei andre som er drapskvinna.

Dette er bok nr 13 i serien om Christer Wijk (og Puck Bure, som ikkje er med her)

KVIFOR kjem du til å like denne?
Fordi du likar den lette blandinga av drap og kos, som Maria Lang står for. 

(1961)

 

Liza Marklund – POLARSIRKELEN

Litt for dårleg tid i avslutninga

Sommaren 1980 forsvinn ei ung jente sporlaust frå ein liten by nord i Sverige. 39 år seinare vert liket av ei ung jente funnen, murt inne i fundamentet til ei bru som vart støpt i 1980. Dei fem venninnene Carina, Susanne, Birgitta, Sofia og Agneta hadde i 1980 ein lesesirkel dei kalla Polarsirkelen, og no som den femte av dei vert funnen død, samlast dei fire andre på nytt.

KVIFOR kjem du til å like denne?
Fordi du likar krim som avdekker gamle hemmeligheter. 

(2021)

 

Sjöwall & Wahlöö – SNUT, SNUT, KAFFEGRUT

Treig og traust Beck

Bedriftstoppen Viktor Palmgren vert drept under ein middag på ein restaurant i Malmö, og drapsmannen hoppar ut av eit vindu og vert borte. Palmgren etterlet seg eit enormt imperium, og det er fleire som gjerne vil ha ein bit av det. Martin Beck vert henta frå Stockholm for å løyse saka. 

Dette er den sjette boka om Beck.

KVIFOR kjem du til å like denne?
Fordi du likar dei klassiske Beck-historiene.

(1970)

 

Sjöwall & Wahlöö – DET LUKKEDE ROM

Beck sitt lukka rom-mysterie

Martin Beck er sakte på veg tilbake til arbeidslivet, og vert sett på ei «ufarleg» sak for å kome i gong. Ein mann vert funnen skoten i si eiga leiligheit, og han har åpenbart vore død ei stund. Det vert kjapt slått fast at det er sjølvmord, men det er ingen teikn til våpenet i leiligheita.

Parallelt med dette prøver Lennart Kollberg og Gunvald Larsson å løyse ei rekke bankran som herjar Stockholm. 

KVIFOR kjem du til å like denne?
Fordi det godt lukka rom-mysterium aldri er å forakte.

(1972)