Agatha Christie – THEY CAME TO BAGHDAD

Ein sirup av ein thriller

Det er krim Agatha Christie er best kjent for, og her merkar ein kvifor. For på trass av gode omtalar då den kom ut i 1951;  i denne thrilleren går det altfor sakte, det er for lite action, og det er nesten aldri spennande. 

Den unge, nyleg arbeidslause Victoria Jones, har gjort lystløgn til ein kunst, då ho møter den spennande Edward i London. Men dessverre skal Edward reise til Bagdad innen kort tid. Victoria veit ikkje ein gong etternavnet hans, men bestemmer seg for å følge etter han, og bruker alle sine svindlande kunster for å få det til. 

I Bagdad er det som skulle vere eit superhemmelig møte mellom stormaktene no allmen kjent, og ei gruppe planlegg å sabotere møtet. Victoria hamnar midt oppe i dette då ho kort tid etter ankomst, ender opp med ein død mann på hotellrommet sitt.  

KVIFOR kjem du til å like denne?
Fordi ein er nysgjerrig på korleis ein thriller frå Agatha Christie er.

(1951)

Reklame

 

Sjöwall & Wahlöö – TERRORISTENE

Spennande etter ein tung start

Beck er vitne i ei sak der ei ung kvinne er skulda for å ha prøvd å rane ein bank. Samstundes er Gunvald Larsson i Spania, der han vert vitne til eit attentat på ein statsleiar. Like etter skal Sverige vere vertskap for ein svært upopulær amerikansk senator, og rykta går om at same organisasjon som stod bak attentatet i Spania, no kjem til Sverige.

Dette er den tiande og siste boka om Beck. Per Wahlöö døde rett før boka vart ferdig, så Maj Sjöwall måtte gjere den ferdig åleine. 

KVIFOR kjem du til å like denne?
Fordi du vil ha med deg slutten på Beck-universet i bokform.

(1975)

 

Peter James – DØD MANNS FOTSPOR

Den perfekte svindel

Ein mislukka britisk businessmann er tilfeldigvis i New York under terrorangrepet 11.september 2001, der han skulle hatt eit møte i det sørlige tårnet i World Trade Center. Han overlever, men ser dette som ei muligheit til å viske ut den gamle Ronnie Wilson, og starte på nytt.

I Brighton vert Roy Grace kalla ut til funnet av ei død kvinne, som han fryktar kan vere kona hans, Sandy.

KVIFOR kjem du til å like denne?
Fordi du likar ein solid sidesnuar som bygger spenning og nøstar trådar.

(2008)

 

Stein Riverton – MANNEN I MÅNEN

Tungt, sjølv til Asbjørn Krag å vere

Høgt oppe i fjellsida har ein utanlandsk «gal vitenskapsmann» slått seg ned, og ingen i bygda veit kva han driv på med. Men Asbjørn Krag veit at han som på folkemunnet vert kalla «Mannen i månen» ikkje er godt nytt for nordmenns sikkerheit.

KVIFOR kjem du til å like denne?
Fordi du likar gammal krim, jo eldre, jo bedre.

(1921)

 

Ingar Johnsrud – KALYPSO

Krim i verdensklasse

I eit hus på Bygdøy, vert ein mann funnen død. Den gamle enka som bor i huset, er det ikkje spor etter. Etter kvart viser det seg at mannen dei har funne, vart erklært død for 20 år sidan.

Samtidig vert ein annan mann funnen død ein annan stad i Oslo, og det er eit tett band mellom dei to, og ein mann som framleis er i live.

Kan fort vere ei av dei beste norske krimbøkene eg har lest

(2016)

 

Jarle Sten Olsen – BARE DU SOM PASSER PÅ

Spennande og truverdig ny kjenning

Journalist Tom Moen frå NRK hamnar i klammeri med loven, og men for å unngå straff, kan han «velge» å gjere eit oppdrag for spesialeininga SORG i Bø i Telemark. Som journalist med erfaring med droner, skal han overvake ei potensiell terrorgruppe. Ein jobb der han skal halde lav profil i ein roleg tettstad, men allereie fyrste kvelden skjer det ting som ikkje skal skje.

Eit spennande nytt namn i den norske krim-familia.

(2018)

 

Ian Rankin – MORTAL CAUSES

Den sjette boka om John Rebus.

Denne gongen er det festival i Edinburgh, og byen er full av turistar. Når politiet finn eit mishandla lik i dei forletne gangane under den gamle hovudgata Royal Mile, mistenker dei at religiøse aktivistar er på ferde.

At det er hektisk aktivitet blant våpensmuglarar og terroristar rundt byen samstundes, gjer at politiet fryktar eit angrep på festivalpublikummet.

(1994)

 

Terry Hayes – JEG ER PILEGRIM

Ein pensjonert agent vert trukken tilbake i arbeid, når det viser seg at nokon har utført eit drap, basert på ei bok agenten har skrive.

Deretter vert agenten, Pilegrim, sendt på eit nytt oppdrag, der han må stoppe ein arabisk krigar og lege som har hemntankar og tilstrekkelig kunnskap til å sette den ultimate hemna ut i livet.

Omtala som ein thrillersensasjon i forkant, så her er forventingane høge. Og ein kan ikkje seie anna enn at dei innfridde. Her er det full gass frå starten av, og dei 800 sidene går unna som det skulle vore ei brosjyre om på eit A4-ark.

(2013)

 

Stein Morten Lier – BIZNIZ

Ein nordmann vert funnen drepen ombord på ein oljetankar utanfor India. Det viser seg at han er eit vitne i ei stor narkotikasak. Anka Volden, frå voldsavsnittet i Oslo vert saman med kollegaene sendt ombord i skipet.

I Oslo planlegg russiske kriminelle, ved hjelp av norske finansfolk, eit norsk 9-11, og Anka Volden og ein VG-journalist kjem midt oppi planlegginga.

(2011)

 

Lee Child – DET ØYET IKKE SER

Jack Reacher vert vitne til at ei kvinne tek livet av seg i ei t-banevogn under New York. Etterpå vert Reacher oppsøkt av fleire som lurer på om kvinna har sagt noko til han, før ho tok livet av seg.

Politiet meiner det ikkje er meir å etterforske, men Reacher vil finne ut kvifor.

Den trettande boka om Jack Reacher, er ein actionprega og tettpaka krim, som kan minne litt om Jo Nesbø i stilen.

(2009)