John Dickson Carr – IT WALKS BY NIGHT

Dickson Carr´s fyrste lukka rom

Den livsfarlige galningen Laurent har rømt frå asylet han har vore innesperra på. Dette fell saman med at eks-kona hans, som så vidt slapp unna han med livet i behald, no skal gifte seg på nytt, med Raoul, hertugen av Saligny. Det ryktast at Laurent har fått gjennomført ein plastisk operasjon, og er ugjenkjennelig, og aller verst; i Paris akkurat no. 

Etterforskaren Henri Bencolin skal passe på hertugen og kona, men under eit opphald på ein nattklubb, vert Raoul ikkje berre drept, men også halshogd, medan han er åleine inne på eit rom, der alle dørene er vokta av politiet. 

Då denne boka kom ut, var den ein del av forleggaren Harpers «Sealed Mystery Series», det vil seie at den siste delen av boka var forsegla, og at dersom lesaren hadde funne løysinga når dei kom hit i boka, kunne dei levere den tilbake og få igjen pengane. Men i følge forlaget sine eigne sider, vart, av dei fyrste 60 000 solgte bøkene, berre 3 returnert. 

KVIFOR kjem du til å like denne?
Fordi lukka rom-mysterier er det mest spennande du veit

(1930)

Reklame

 

Mary Kelly – THE SPOILT KILL

Nybrottsarbeid i klassisk krim

Privatdetektiven Hedley Nicholson vert hyra inn for å avdekke industrispionasje i det gamle, ærverdige Stoke-firmaet Shentall´s, som har laga keramikk gjennom generasjonar. No er det eit utanlandsk billigmerke som kopierer designet til Shentall´s. Nicholson knytter fort tette band med ei av dei ansatte, designaren Corinna Wakefield. Så vert eit lik funne i ein av tankane Shentall´s oppbevarer leire i, og saka tek ei ny vending.

Denne boka vann the Gold Dagger Award i 1961, og slo blant anna John Le Carré si «Call for the Dead». Den vert omtala som ei av dei mest originale privatdetektiv-historiene i krimlitteraturen.  

KVIFOR kjem du til å like denne?
Fordi du har sansen for dei gamle privatdetektivane.

(1961)

 

Agatha Christie – THEY CAME TO BAGHDAD

Ein sirup av ein thriller

Det er krim Agatha Christie er best kjent for, og her merkar ein kvifor. For på trass av gode omtalar då den kom ut i 1951;  i denne thrilleren går det altfor sakte, det er for lite action, og det er nesten aldri spennande. 

Den unge, nyleg arbeidslause Victoria Jones, har gjort lystløgn til ein kunst, då ho møter den spennande Edward i London. Men dessverre skal Edward reise til Bagdad innen kort tid. Victoria veit ikkje ein gong etternavnet hans, men bestemmer seg for å følge etter han, og bruker alle sine svindlande kunster for å få det til. 

I Bagdad er det som skulle vere eit superhemmelig møte mellom stormaktene no allmen kjent, og ei gruppe planlegg å sabotere møtet. Victoria hamnar midt oppe i dette då ho kort tid etter ankomst, ender opp med ein død mann på hotellrommet sitt.  

KVIFOR kjem du til å like denne?
Fordi ein er nysgjerrig på korleis ein thriller frå Agatha Christie er.

(1951)

 

Ann-Christin Gjersøe – JERNJOMFRUEN

Tidvis spennande, men…

Aller fyrst, ei krimbok om ein journalist med draumar om å verte forfattar, som snublar over ei krimgåte, er eit såpass godt brukt utgangspunkt at forfattaren kanskje allereie her legg lista for originalitet litt for høgt for seg.

Her er det mykje som skal gapast over. Ei kvinne forsvinn i Tønsberg i 1981, og dukkar aldri opp att. Ein nabogutt er lenge mistenkt, men vert aldri dømt, anna av kanskje naboane. 30 år seinare forsvinn fyrst ein forfattar som skriv utleverande om eit lukka sekt-miljø, og deretter ei kvinne til. Journalisten Ida ser på dei to nyaste sakene, og finn tråder som går tilbake til beslaglagte jødiske eigendelar frå krigen.

KVIFOR kjem du til å like denne?
Fordi du har sansen for krim med mange lause trådar som forhåpentligvis skal samlast. 

(2014)

 

Henry James – TOMMESKRUEN

Alle skrekkhistoriers mor

Man ei bok eller tv-serie er basert på denne klassikaren frå Henry James. No sist Netflix-serien The Haunting of Bly Manor.

Historia vert fortalt framfor peisen i eit juleselskap. Søstera til opplesaren hadde ei gammal barnepike, og dette er historia hennar, før dei møttes.

Ho fekk i oppdrag å passe dei to borna Miles og Flora, på herregården Bly. Foreldra deira er døde, og det er onkelen som er arbeidsgivar. Men han bur ikkje på Bly, og vil heller ikkje høyre noko om korleis det går med ungane. Det er barnepika som har det ansvaret, saman med den eldre fru Grose, som er hushalderske på Bly. Etter ein stund oppdager barnepika to ukjente personar i hagen, og får vite at dette er Miss Jessel, den tidlegare barnepika og Peter Quint, som var ein del av tenarskapet. Begge er døde, men gir no igjen, med det mål for auget; å øydelegge borna.

KVIFOR kjem du til å like denne?
Fordi du likar det skumle og overnaturlege. 

(1898)

 

Olaf Bull – MITT NAVN ER KNOPH

Ein ny æra i norsk krim? 

Jens Christian Sahle, ein respektert og grundig direktør, vert dømt for underslag, og innrømmer at han har gjort det for å gi elskerinna si 20 000. Utover det har han ikkje så mykje å fortelle. Kona til Sahle ler av at han skulle hatt ei elskerinne. Han vert dømt for underslaget, men Hans Bleng frå Oppdagelsespolitiet aner ugler i mosen.

I følge Bjørn Carling i «Norsk Kriminallitteratur gjennom 150 år» (1976), er dette det fyrste «utspekulerte konstruksjonsmysterium på norsk,» og dermed starten på eit nytt kapittel i norsk krimlitteratur.

Boka var skriven som ein føljetong i eit blad frå 1909, men kom fyrst i bokform i 1913.

KVIFOR kjem du til å like denne?
Fordi du likar dei aller fyrste krimhistoriene. 

(1909/1913)

 

Yukito Ayatsuji – THE DECAGON HOUSE MURDERS

Japansk Agatha Christie-mysterie

I ein japansk versjon av «Then they where none», reiser 7 venner og medlemmer av samme krimklubb til Tsunojima, ei fråflytta øy, der den forrige eigaren vart drept eit halvt år tidlegare, saman med kona og andre. Huset brann den, men eigaren, ein eksentrisk arkitekt, fekk bygd eit tikanta (decagonal) anneks, der dei 7 studentane no skal bo. Men, hey presto (direkte sitat frå boka), trur du ikkje nokon byrjar å drepe dei, ein etter ein?

Oppdaga denne boka i ein artikkel om the Golden Age, krimbøkene som vart skrive på 20- og 30-talet, med særskilde reglar og meir. Denne boka kom i 1987, og Ayatsuji (pseudonym for Naoyuki Uchida) var med på å starte ei bølge av krimbøker som holdt seg til Golden Age-reglane, i Japan.

KVIFOR kjem du til å like denne?
Fordi du likar bøker frå den gyldne æraen, og lurer på korleis dei er i Japan. 

(1987)

 

Matthew Hall – DE DØDES STEMME

Ein lovande start i Wales

Den fyrste boka om Jenny Cooper, som er nyskilt, og har flytta over grensa til landsbygda i Wales. Ho får ein trøblete start i den nye jobben som likskuedommar, når ho får ei sak der der to ungdommar døyr, og begge har vore innom samme ungdomsfengsel. Det er vanskelig å finne ut av omstenda rundt det som har skjedd, i så stor grad at det kan virke som om nokon bevisst prøver å dekke over noko.

KVIFOR kjem du til å like denne?
Fordi du likar kalde saker, oppnøsting av trådar, og David mot Goliat.

(2009)

 

Freeman Wills Crofts – THE HOG´S BACK MYSTERY

Ein mindre kjent krimhelt frå 30-talet

Julia Earle og mannen, legen James Earle, bur langt frå folk, og har derfor sjeldan besøk. Då er det sjølvsagt ekstra stas når Julia får besøk av både systera Marjorie og venninna Ursula. Men kort tid etter ankomst, merker Ursula både at venninna Julia har eit forhold til ein yngre nabo, og ho ser legemannen i byen med ei anna kvinne. Og som ikkje det er nok, så forsvinn plutselig James Earle, utan spor. Sist sett i berre tøfler, lesande på dagens avis

Politiet vert tilkalla, men kjem ingen veg, og må til slutt tilkalle inspektør Joseph French frå Scotland Yard.

KVIFOR kjem du til å like denne?
Fordi du likar dei gode, gamle britiske krimhistoriene. 

(1933)

 

John Bude – THE LAKE DISTRICT MURDER

Ein klassikar seigare enn dei fleste

Jack Clayton, ein ung mann som er forlova, og skal gifte seg, vert funnen død i bilen sin utanfor ein avsidesliggande verkstad i Nord-England. Fyrst tyder alt på sjølvmord, men etterforskeren, ein inspektør Meredith, finn fleire ting som ikkje passar med den teorien. Han startar eit nitidig arbeid med å finne spor, trådar, svar, vitner. Etter ei stund viser det seg at det er ei anna sak i samme område, som ser ut til å ha tilknytning til blant anna verkstaden Clayton vert funnen ved.

KVIFOR kjem du til å like denne?
Fordi du er nysgjerrig på korleis dei mindre kjende krimforfattarane frå «The Golden Age of Detective Fiction» skreiv. 

(1935)