Gladys Mitchell – MURDER IN THE SNOW

Hei, hå, no er det krim i landsbyen igjen

Beatrice Adela Bradley er psykiater og detektiv, og skal feire jul med sin favorittnevø i Cotswolds. I området der dei bur, er det eit lokalt sagn om eit spøkelse, som heng i ein allé, Groaning Spinney (som er originaltittelen på boka), og er synleg med jamne mellomrom. No har nokon sett det igjen, samtidig som fleire i landsbyen får anonyme brev i posten. 

Dette er bok nummer 23 av 66 om Mrs. Bradley. Bøkene til Gladys Mitchell fekk mykje skryt i si samtid, men har forsvunne heilt i ettertid, i motsetning til hennar kolleger i «The Detection Club», som Agatha Christie, Dorothy L. Sayers og G.K. Chesterton. 

KVIFOR kjem du til å like denne?
Fordi du likar den gammal, trivelig, britisk landsbykrim.

(1950)

Reklame

 

John Dickson Carr – CASTLE SKULL

Internasjonal gjeng på slottet

Den Hamlet-elskande skodespelaren Myron Allison vert drept i det gamle slottet «Schloss Schadel» eller Castle Skull, som ligg ved bredda til Rhinen, nær Koblenz i Tyskland. Slottet var tidlegare eigd av den eksentriske og mørke tryllekunstnaren Maleger, før han drukna i elva nokre år tidlegare. Henri Bencolin vert henta inn for å finne ut kva som skjedde med Allison, men dei underlege hendingane tek ikkje slutt av den grunn.

KVIFOR kjem du til å like denne?
Fordi ein kontinental krim med internasjonalt galleri er rett opp di gate.

(1931)

 

John Dickson Carr – IT WALKS BY NIGHT

Dickson Carr´s fyrste lukka rom

Den livsfarlige galningen Laurent har rømt frå asylet han har vore innesperra på. Dette fell saman med at eks-kona hans, som så vidt slapp unna han med livet i behald, no skal gifte seg på nytt, med Raoul, hertugen av Saligny. Det ryktast at Laurent har fått gjennomført ein plastisk operasjon, og er ugjenkjennelig, og aller verst; i Paris akkurat no. 

Etterforskaren Henri Bencolin skal passe på hertugen og kona, men under eit opphald på ein nattklubb, vert Raoul ikkje berre drept, men også halshogd, medan han er åleine inne på eit rom, der alle dørene er vokta av politiet. 

Då denne boka kom ut, var den ein del av forleggaren Harpers «Sealed Mystery Series», det vil seie at den siste delen av boka var forsegla, og at dersom lesaren hadde funne løysinga når dei kom hit i boka, kunne dei levere den tilbake og få igjen pengane. Men i følge forlaget sine eigne sider, vart, av dei fyrste 60 000 solgte bøkene, berre 3 returnert. 

KVIFOR kjem du til å like denne?
Fordi lukka rom-mysterier er det mest spennande du veit

(1930)

 

Mary Kelly – THE SPOILT KILL

Nybrottsarbeid i klassisk krim

Privatdetektiven Hedley Nicholson vert hyra inn for å avdekke industrispionasje i det gamle, ærverdige Stoke-firmaet Shentall´s, som har laga keramikk gjennom generasjonar. No er det eit utanlandsk billigmerke som kopierer designet til Shentall´s. Nicholson knytter fort tette band med ei av dei ansatte, designaren Corinna Wakefield. Så vert eit lik funne i ein av tankane Shentall´s oppbevarer leire i, og saka tek ei ny vending.

Denne boka vann the Gold Dagger Award i 1961, og slo blant anna John Le Carré si «Call for the Dead». Den vert omtala som ei av dei mest originale privatdetektiv-historiene i krimlitteraturen.  

KVIFOR kjem du til å like denne?
Fordi du har sansen for dei gamle privatdetektivane.

(1961)

 

Edmund Crispin – BURIED FOR PLEASURE

Eit lite drap i småbyidyllen

Amatørdetektiven og engelskprofessoren Gervase Fen er på jakt etter litt avveksling i kvardagen, og stiller til lokalvalg i ein liten småby. Idyllen vert fyrst broten av ein naken mann som har rømt frå det lokale asylet, før Fen treff ein gammal kjenning frå Scotland Yard; Bussy. Bussy etterforsker ei forgifting i området, utan at det lokale politiet veit om det. Men ikkje lenge etter at dei møtes, vert Bussy funnen knivdrept på ei golfbane. 

KVIFOR kjem du til å like denne?
Fordi du likar gammal, klassisk britisk krim med litt humor. 

(1948)

 

Agatha Christie – MORD PÅ NILEN

Klassikar

Hercule Poirot er på ferie i Egypt, då sosietetskvinna Linnet Doyle tek kontakt. Ho og ektemannen er på bryllupsreise, og vert plaga av eksen til mannen, den tidlegare bestevenninna hennar, Jacqueline de Bellefort. Det kulminerer i at Jacqueline skyt Simon Doyle på båten, og samme natt vert Linnet funnen død på lugaren sin.

KVIFOR kjem du til å like denne?
Fordi dette muligens er ei av verdas mest kjende krimhistorier.

(1937)

 

Knut Nærum – DEN GÅTEFULLE OBERON QVIST

Mange noveller små..

Dette er heile åtte krimhistorier, med detektiven Oberon Qvist i hovudrolla. Som ein slags mellommann, er forfattaren Kjell Nilsen, som fortel historiene, men som samstundes har sett seg nøydd til å gå i skjul på eit fyr ein stad langs sørlandskysten.

KVIFOR kjem du til å like denne?
Fordi miksen mellom kløktig klassisk krim og humor er midt i blinken for deg.

(2018)

 

Anne Holt – MANDELA-EFFEKTEN

Særs tam oppleving

Den grå og anonyme stortingsrepresentanten Linda Bruseth vert skoten på ein fortausrestaurant, saman med venninna Selma Falck, som trur det er ho som er målet for attentatet. Seinare vert ein høgsterettsdommar funnen hengt i eit tre, og Selma finn ein samanheng mellom dei to sakene. 

KVIFOR kjem du til å like denne?
Fordi du har sansen for krim som omhandler aktuelle tema. 

(2020)

 

Hans Olav Lahlum – SVANEMORDET

Svanetung retrokrim

Denne gongen er det svane i tittelen på boka, og svanerelaterte uttrykk dukkar opp meir enn to gonger i denne historia. Året er 1973, og K2 får eit nytt kvinneleg bekjentskap, nemleg detektiven Aurora Holmes. Dette kompliserer naturleg nok forholdet og samarbeidet til hans tidlegare kjæreste og samarbeidspartner Patricia, og når Aurora seinare dukkar opp død i elva, vert det enda meir komplisert. K2 tek på seg jobben med å etterforske saka, utan å avsløre at han hadde eit gryande forhold til avdøde.

KVIFOR kjem du til å like denne?
Fordi K2 og Patricia er blant dine absolutt favoritt-etterforskarpar.

(2020)

 

Robert Galbraith – ONDSKAPENS KALL

Galbraith blir bedre og bedre

Den tredje boka i serien om Cormoran Strike og Robin er nok den mest beste hittil, sjølv om den er proppa med sitat frå Blue Oyster Cult.

Robin får tilsendt ein pakke som inneheld eit bein frå ei død kvinne. Strike mistenker med ein gong at dette kan dreie seg om hemn frå ein han har kryssa spor med tidlegare.

Politiet får ein mistenkt i saka, men frå Strike si eiga liste over mulig mistenkte, er politiets mann nederst på lista.

Så då må dei to ordne opp sjølv.

(2015)