Jørn Lier Horst – HULEMANNEN

Ein av naboane til Wisting vert funnen død i heimen sin. Han har site der i 4 månader før nokon finn han. Line Wisting, journalist i VG, bestemmer seg for å skrive ein featurereportasje om einsemd, på bakgrunn av dette.

Samstundes dukkar eit nytt lik opp. Dette vert funne under eit tre i skogen, og analyser fører til ein ettersøkt mann. Ein svært ettersøkt mann, faktisk. Langt oppe på FBI si «Most Wanted»-liste. Så er spørsmålet; kva i granskauen gjorde han under eit juletre i vesle Norge?

(2013)

 

Glenn Cooper – BIBLIOTEKETS VOKTERE

Den tredje boka om biblioteket i Vectis-klosteret.

Dette er jo strengt tatt ikkje så mykje ein krim, som ein thriller, men men. Tidlegare FBI-agent Will Piper lever late dagar i Florida, fleire år etter dommedagssaka. Men så byrjar det å dukke opp nye postkort, med dødsdatoen til mottakaren på, og Piper vert motvillig dregen inn i saka på nytt.

(2012)

 

Michael Connelly – BLODSPOR

Ein ny Connelly-helt

Ikkje ei Bosch-bok denne gongen. Denne handlar om Terry McCaleb, ein førstidspensjonert FBI-mann, som har hatt hjerteproblem, og som akkurat er ute av sjukehuset etter å ha fått transplantert eit nytt hjerte.

Ein dag kjem ei kvinne til båten der han bur, og ber han om å etterforske drapet på søstera hennar, som vart skoten i eit kioskran. McCaleb har fått beskjed om å ta det med ro, og takkar difor nei. Men det er før han får vite at den drepne søstera er donoren han fekk hjertet sitt frå.

KVIFOR kjem du til å like denne?
Fordi du har fått med deg at Michael Connelly er kåra til verdas beste krimforfattar.

(1998)

 

Glenn Cooper – SJELENES BOK

Bok nummer to om den tidlegare FBI-agenten Will Piper. Dommedagssaka er avslutta, men Piper vert oppsøkt av to menn som gjerne vil han skal reise til London for å kjøpe ei bok på auksjon. Boka er den som manglar i Dommedagspuslespelet, og forklarar kvifor «De dødes bibliotek» slutta i 2027.

Men det er fleire som er interesserte i boka, og det tek ikkje lang tid før sirkuset er i gong.

(2010)

 

Glenn Cooper – DE DØDES BIBLIOTEK

Den 7. juli i år 777 vert den sjuande sonen av den sjuande sonen fødd på Isle of Wight. Det er både segn og forventingar knytt til datoen, og eit barn fødd på denne datoen er ikkje nødvendigvis godt nytt.

Ein seriemordar er laus i New York. Etter fleire drap, finn politiet ut at alle dei drepte har motteke eit postkort, der berre ei strekteikning av ei kiste på, og datoen dei vert drepne står skriven på. Det er alt. Utover det har offera tilsynelatande ingen tilknytning til kvarandre.

FBI-agenten Will Piper er nokre få måneder frå pensjonen sin, og vil helst ikkje ha så mykje å gjere no. Likevel får han denne høgprofilerte saka, med Dommedagsmordaren.

Eg må innrømme at eg byrja på Sjelenes Bok, av same forfattar, men det viste seg at det var så mange referransar til De dødes bibliotek i den boka, at etter 50 sider måtte eg kaste inn handkledet og kjøpe den, så den kunne verte lest fyrst. Men dessverre leste eg så langt i den andre boka at eg både visste omtrent kva plottet i denne boka var, og kven mordaren var…

(2009)