Val McDermid – MORD ETTER BOKEN

Solid, til tross for tullete idé

Ein seriemordar drep forfattarar på same måte som dei tek livet av karakterane sine i krimbøkene dei skriv. Profileren Fiona Cameron hjelper politiet i Spania i ei av disse sakene, og vert bekymra fordi sambuaren hennar også er krimforfattar.  

KVIFOR kjem du til å like denne?
Fordi du likar den litt omfattande krimmen som McDermid står for

(2001)

 

Val McDermid – RETTERSTEDET

McDermids aller beste? 

På 60-talet forsvinn ei ung jente i ei avsidesliggande bygd i Derbyshire. Politiet føler at dei vert motarbeida av vanskelege og tett samanknytte innbyggjarar. Saka går sin gong, og liket vert aldri funne. 30 år seinare er det ein journalist som vil dokumentere det som skjedde, og prøver å finne nye spor. 

KVIFOR kjem du til å like denne?
Fordi du likar historisk krim som er omfattande og heng godt i hop.

(1999)

 

Val McDermid – SISTE FRISTELSE

Carol og Tony på Europa-eventyr

Ein seriemordar tek livet av eksperimentelle psykologar rundt om i det nordlege Europa. Etter at ein kollega av Tony Hill vert drept, reiser han til Tyskland for å bistå, medan Carol Jordan allereie er i landet for å jobbe med ei anna sak. Nok ein gong vert vegane deira kryssa.

KVIFOR kjem du til å like denne?
Fordi du Tony og Carol er ditt favorittpar i påskekrimmen. 

(2002)

 

Val McDermid – ARR PÅ SJELEN

Forsvinningar og tv-kjendisar

Unge jenter forsvinn i Nord-England, og politiet står utan spor. Ein av elevane til Tony Hill finn ein samanheng mellom 7 forsvinninger, om enn noko spesiell: Det har vore show med ein svært populær tv-kjendis på staden der jentene har forsvunne. 

KVIFOR kjem du til å like denne?
Fordi du har sansen for påskekrimhelten Tony Hill og hans psykologiske tilnærming. 

(1997)

 

Val McDermid – UNDER OVERFLATEN

DNA-spenning

Etter ei trafikkulukke, der ein tenåring kræsjar i ein stolen bil og hamnar i koma, vert det rutinemessig teke DNA-prøve av sjåføren. Prøva gir eit treff med eit 20 år gammalt drap som aldri vart løyst. 

KVIFOR kjem du til å like denne?
Fordi du likar McDermid sine bøker, og kanskje Karen Pirie-bøkene spesielt.

(2016)

 

Val McDermid – SKJELETTETS VEI

Lite varm sak

Den tredje boka om Cold Case-etterforskar Karen Pirie:

I Edinburgh vert eit gammalt skjelett funne på taket av ei gammal, gotisk bygning som skal pussast opp. Spora peiker mot at offeret har drive med urban klatring. 

KVIFOR kjem du til å like denne?
Fordi du likar komboen av cold case-saker og klassisk britisk krim.

(2014)

 

Val McDermid – SOM SUNKET I JORDEN

Gamle forsvinningar

Karen Pirie får to parallelle gamle saker å jobbe med, når ei kvinne kjem for å melde faren sin sakna. Gruverarbeidaren Mick Prentice forsvann sørover for 23 år sidan, men sidan har ingen sett han. Samtidig jobbar Pirie med ei feilslått kidnappingssak, der ei kvinne og babyen hennar vart kidnappa under gruvestreiken, og når løysepengane skulle utbetalast, skjedde det noko, og kvinna vart drept og babyen forsvann. 

KVIFOR kjem du til å like denne?
Fordi du har sansen for innfløkte og omfattande historier.

(2008)

 

Val McDermid – EKKO I DET FJERNE

Innhenta av fortida

I 1978 snublar fire kameratar over unge Rosie, som er valdteken og knivstukken, og som døyr der, rett framfor dei. Politiet finn aldri ut kven som gjorde det, og dermed vert dei fire aldri heilt fri frå mistanke, korkje frå politiet eller lokalbefolkninga.

25 år seinare ser politiet på saka på nytt, og då er det nokon som prøver å ta livet av kameratgjengen.

KVIFOR kjem du til å like denne?
Fordi du likar kalde saker som vert henta opp igjen.

(2003)

 

Val McDermid – MYRGRAVEN

Nedgravde hemmeligheter

Under krigen grov ein soldat ned to motorsyklar nord i Skottland. No er barnebarnet, og mannen hennar i Skottland for å finne syklane, som i dag er svært verdifulle. Men i grava finn dei også ein død kropp.

KVIFOR kjem du til å like denne?
Fordi du likar mysterier som strekker over fleire generasjonar.

(2018)

 

Val McDermid – SIRENENES SANG

Middelalderske drapsmetoder

Den fyrste boka om psykologen Tony Hill og politietterforskar Carol Jordan, blant andre kjende frå påskekrim på NRK dei siste åra.

I den fiktive engelske byen Bradfield, vert menn funne drepne og dumpa i området rundt byens homofile utestader. Offera er torturerte på middelaldersk vis, og politiet står heilt utan spor.

Tony Hill vert hyra inn for å analysere gjerningsmannen, sjølv om politifolka er skeptiske til akademikaren.

KVIFOR kjem du til å like denne?
Fordi du likar påskekrimmen med Tony Hill og Carol Jordan. 

(1995)