John Dickson Carr – DET HVITE HENGSLET

Nok ei perle frå lukka rom-eksperten

Den velståande Titanic-overlevaren John Farnleigh bur på eit gods i Kent, saman med kona. Ein dag kjem ein framand mann til gards, og hevdar at han er den ekte John Farnleigh, og at han kan bevise det. Så vert den fyrste Farnleigh drept i hagen, der han får halsen skoren over. Tre vitner ser drapet, og alle tre hevdar at Farnleigh var åleine i hagen då det skjedde.

Det er på tide for Gideon Fell å melde sin ankomst. 

KVIFOR kjem du til å like denne?
Fordi dette er kåra til det fjerde beste lukka rom-mysteriet gjennom tidene. 

(1938)

 

John Dickson Carr – IT WALKS BY NIGHT

Dickson Carr´s fyrste lukka rom

Den livsfarlige galningen Laurent har rømt frå asylet han har vore innesperra på. Dette fell saman med at eks-kona hans, som så vidt slapp unna han med livet i behald, no skal gifte seg på nytt, med Raoul, hertugen av Saligny. Det ryktast at Laurent har fått gjennomført ein plastisk operasjon, og er ugjenkjennelig, og aller verst; i Paris akkurat no. 

Etterforskaren Henri Bencolin skal passe på hertugen og kona, men under eit opphald på ein nattklubb, vert Raoul ikkje berre drept, men også halshogd, medan han er åleine inne på eit rom, der alle dørene er vokta av politiet. 

Då denne boka kom ut, var den ein del av forleggaren Harpers «Sealed Mystery Series», det vil seie at den siste delen av boka var forsegla, og at dersom lesaren hadde funne løysinga når dei kom hit i boka, kunne dei levere den tilbake og få igjen pengane. Men i følge forlaget sine eigne sider, vart, av dei fyrste 60 000 solgte bøkene, berre 3 returnert. 

KVIFOR kjem du til å like denne?
Fordi lukka rom-mysterier er det mest spennande du veit

(1930)

 

Agatha Christie – DEAD MAN´S MIRROR

«Det lukka rom»

Ein mann har tilsynelatande teke livet av seg inne på eit låst rom. Poirot vert kalla til åstaden, og mistenker at det ikkje dreier seg om sjølvmord likevel. 

Denne novella kom opprinnelig ut i eit blad under tittelen «The Second Gong» i 1932, men Agatha Christie skreiv den litt lenger og ga den ut under ny tittel i samlinga «Murder in the Mews» i 1937. 

KVIFOR kjem du til å like denne?
Fordi du kan like eit godt lukka rom-mysterium.

(1937)

 

Camilla Läckberg – SNØSTORM OG MANDELDUFT

Lukka rom frå Läckberg

Rikmannsfamilien Liljecrona samlast til slektstreff på ei øya Valö, utanfor Fjällbacka. Politimannen Martin Mollin er med, saman med kjæresten Lisette Liljecrona. Familiens upopulære og frykta eldstemann Ruben har samla slekta, og etter ein trussel om å gjere alle arvelause, ramlar han sjølvsagt død om under middagen. Truleg forgifta. Ein storm har avskore øya frå fastlandet, så Martin må ordne opp åleine her ute, medan dei ventar på assistanse. 

KVIFOR kjem du til å like denne?
Fordi du er spent på korleis det går når Läckberg prøver seg på noko Agatha Christie-liknande. 

(2010)

 

Hans Olav Lahlum – SNEEN VAR REN

Ny karakter, gammal karakter?

Den fyrste boka i ei ny serie om Engly Martinsen, som er fyrstebetjent i Oslopolitiet under krigen, som har to søner som kjempar på kvar si side, samstundes som han sjølv vert pressa av regimet til å melde seg inn i NS. Ein heilt annan karakter enn Lahlum sin tidligare helt K2, høyres det kanskje ut som, men utover i boka tek ein seg fleire gonger i å tenke at dette er samme person. Måten dei snakkar på, måten dei til stadigheit overforklarande tenker høgt, den litt stillferdige, men alltid korrekte måten å vere på, og ikkje minst det litt klønete forholdet til det motsatte kjønn.

Saka: NS-politikaren Jens Otto Helmersen vert funnen drept, skoten i si eiga hytte. Men rundt hytta er det ikkje nokon spor i snøen. Korleis har drapsmannen kome seg unna?

KVIFOR kjem du til å like denne?
Fordi du er fan av serien om K2.

(2021)

 

Sjöwall & Wahlöö – DET LUKKEDE ROM

Beck sitt lukka rom-mysterie

Martin Beck er sakte på veg tilbake til arbeidslivet, og vert sett på ei «ufarleg» sak for å kome i gong. Ein mann vert funnen skoten i si eiga leiligheit, og han har åpenbart vore død ei stund. Det vert kjapt slått fast at det er sjølvmord, men det er ingen teikn til våpenet i leiligheita.

Parallelt med dette prøver Lennart Kollberg og Gunvald Larsson å løyse ei rekke bankran som herjar Stockholm. 

KVIFOR kjem du til å like denne?
Fordi det godt lukka rom-mysterium aldri er å forakte.

(1972)

 

Lucy Foley – JAKTSELSKAPET

Kva er vel eit drap blant venner?

På ein luksuriøs eigedom i Skottland møtes ei gruppe venner frå England, for å feire nyttår. Avsperra frå omverda, vert ikkje oppholdet så idyllisk som ein hadde håpa på. Faktisk til ei slik grad at rundt årsskiftet, så ligg ein av dei ni død i snøen utanfor hytta. 

KVIFOR kjem du til å like denne?
Fordi du likar noko nær lukka-rom-krim i idylliske omgivelsar.

(2018)

 

John Dickson Carr – DEN HULE MANNEN

Vampyrar og lukka rom

Professor Charles Grimaud vert, framfor eigne venner, trua av illusjonisten Pierre Fley, som advarar Grimaud om sin enda farlegare bror. Nokre dager seinare kjem ein mann som skjuler ansiktet sitt på besøk til Grimaud. Han vert sett av både hushjelpa og sekretæren, og sistnemnde følger med på døra til han høyrer eit skot. Han spring inn, og finn Grimaud åleine i rommet, skoten. Gjesten er ikkje der, og det er ingen spor i snøen utanfor vindauget. 

KVIFOR kjem du til å like denne?
Fordi dette seiast å vere ein av dei aller beste «lukka rom»-mysteria nokon gong. Og det kan du like. 

(1935)

 

Helge Thime-Iversen – BLODØRN

Svært lovande bekjentskap

Det luktar litt Agatha Christie, når Kriposetterforskar vert invitert til ei isolert øy i Nordfjord, for å delta på eit nytt mysterieløysingskonsept.

Etter kvart viser det seg sjølvsagt at dette ikkje berre dreier seg om å teste ut eit potensielt turistkonsept, men noko litt mørkare.

KVIFOR kjem du til å like denne?
Fordi du likar eit godt lukka rom-mysterie.

(2019)

 

Max Mauser – EN HAI FØLGER BÅTEN

Ein norsk båt er på veg frå Spania til Amerika, med få passasjerar om bord. Passasjerane er alle interesserte i å kome seg vekk frå krigen i Spania, og mannskapet kjenner ikkje altfor godt til passasjerane. Vel ut på havet, viser det seg at blant dei få passasjerane, finnest ein mordar.

(1939)