Harlan Coben – GUTTEN FRA SKOGEN

Action, spenning og feelgood

Hester Crimstein er ein knallhard tv-advokat, med sitt eige show, der ho sablar ned motstandarane sine. Når barnebarnet Matthew fortel at ei mykje mobba klassevenninne, Naomi Pine, har forsvunne, er Hester rask med å sette i gong apparatet sitt for å finne henne. Og den ho alltid går til, er Wilde, ein mann som vart omtalt som ein slags Mowgli, då han vart funnen åleine i skogen 30 år tidlegare. Er det ein som kan finne Naomi, så er det han.

KVIFOR kjem du til å like denne?
Fordi Coben er verdas beste spenningsforfattar, og her er han nesten på sitt beste.

(2020)

 

Lucinda Riley – MORDENE PÅ FLEAT HOUSE

Drapsmysterie på rikmannsskule

Ein elev på privatskulen St. Stephens vert funnen død, og det som fyrst ser ut som ei ulukke, viser seg å kanskje vere noko anna. (Mulig spoiler i tittelen)

Etterforskar Jazmine «Jazz» Hunter har teke eit friår frå politiet, etter samlivsbrot med ein nær kollega. Men sidan St. Stephens er i nærleiken av dit ho har flytta, seier ho noko motvillig ja til å ta saka. 

Under etterforskinga gjer Jazz eit grufullt funn på skulen, og dødsfallet ho skulle etterforske viser seg å berre vere ein liten del av noko mykje større.

KVIFOR kjem du til å like denne?
Fordi du er nysgjerrig på korleis romandronninga Lucinda Riley skriv krim.

(2022)

 

Maria Lang – DØDEN TAR EKSAMEN

Ein eksamen du helst vil gløyme

Eksamen står i fokus her. Ei gruppe studentar har førebudd seg til den store dagen, og alle trur dei har klarer seg forholdsvis godt, før det heile tek ei brå vending. Det vert sjokk og oppstandelse då det vert tale om strykkarakter, men det stoppar ikkje der. 

Bok nummer 12 i serien.

KVIFOR kjem du til å like denne?
Fordi du ser truverdigheita i drap i forbindelse med eksamen? 

(1960)

 

Stefan Ahnhem – OFFER UTEN ANSIKT

Drap etter klassebildet

Ein sløydlærar vert funnen drept, og ved siden av han er eit gammalt klassebilde der ansiktet hans er kryssa over. Etterforskar Fabian Risk vert dregen inn i saka i ei dobbeltrolle, fordi han gjekk i klassa til offeret. Når fleire på klassebildet vert kryssa ut, står Risk plutselig som både etterforskar og potensielt offer.  

KVIFOR kjem du til å like denne?
Fordi du har sansen for omfattande og solid krim.

(2014)

 

Maria Lang – USKYLD OG ARSENIKK

Lettbeint giftdrap

Puck Ekstedt har fått eit vikariat på samme skulen som Einar jobbar, men har ikkje jobba der lenge før ein av studentane vert forgifta under ei teateroppsetning. Nokon har hatt ekte gift i glaset til den kvinnelege hovudrolla.  

KVIFOR kjem du til å like denne?
Fordi du har sansen for lettbeinte krimhistorier som ikkje stikk så djupt.

(1950)

 

CJ Tudor – GULLUNGEN

Skummel barndom

Joe har returnert til Arnhill for å verte lærar på skulen han sjølv gjekk på. Han flyttar inn i eit hus der ingen vil bo, må lyge på kvalifikasjonane for å få jobben, men har kofferten full av dårlege minner. I sentrum står ein vennegjeng, ei gruve der grusomme ting skjedde, og ei søster som forsvann, og kom tilbake.

KVIFOR kjem du til å like denne?
Fordi du likar skummel krim, på grensa til spøkelseshistorier.

(2019)

 

Malin Persson Giolito – STØRST AV ALT

Svensk krimfavoritt som ikkje innfrir heilt

På Djursholm Almenne Gymnas er fem tenåringar og læraren deira samla på klasserommet. Men dei fleste av dei er ikkje lenger i live.

Attenåringen Maja vert sikta for drap på klassekameratane, og for å ha planlagt det heile saman med kjærasten Sebastian, som no er død.

Ei bok som har fått svært gode omtalar, men sjølv vart eg ikkje riven med.

(2016)