Agatha Christie – THEY CAME TO BAGHDAD

Ein sirup av ein thriller

Det er krim Agatha Christie er best kjent for, og her merkar ein kvifor. For på trass av gode omtalar då den kom ut i 1951;  i denne thrilleren går det altfor sakte, det er for lite action, og det er nesten aldri spennande. 

Den unge, nyleg arbeidslause Victoria Jones, har gjort lystløgn til ein kunst, då ho møter den spennande Edward i London. Men dessverre skal Edward reise til Bagdad innen kort tid. Victoria veit ikkje ein gong etternavnet hans, men bestemmer seg for å følge etter han, og bruker alle sine svindlande kunster for å få det til. 

I Bagdad er det som skulle vere eit superhemmelig møte mellom stormaktene no allmen kjent, og ei gruppe planlegg å sabotere møtet. Victoria hamnar midt oppe i dette då ho kort tid etter ankomst, ender opp med ein død mann på hotellrommet sitt.  

KVIFOR kjem du til å like denne?
Fordi ein er nysgjerrig på korleis ein thriller frå Agatha Christie er.

(1951)

 

Axel Kielland – FARLIGE HVETEBRØDSDAGER

Krigsthriller

Under eit bomberaid over Berlin i 1944, møter den svenske forretningsmannen Gösta Bergström ei amerikanske kvinne, Ann Dickson. Det viser seg at ho er ein amerikansk spion, som ikkje rakk å kome seg ut i tide, og deretter har budd under jorda. Bergstrøm bestemmer seg for å hjelpe henne ut, og gjennom eit proforma-ekteskap håper han å kunne ta henne med heim til Sverige som kona si, men ting er aldri så enkelt.

(Sidan dette ikkje er ein krim, får den heller inga karaktervurdering)

KVIFOR kjem du til å like denne?
Fordi du har sansen for spenningsforteljingar frå krigens dager.

(1944)

 

SJ Bolton – HØSTOFFER

Overnaturlig på landsbygda

Ei familie flyttar inn i eit nytt hus, mellom to gamle kirker (!) i ein landsby. Men dei har knapt flytta inn, før ubehagelige ting byrjar å skje. I starten ber det mest preg av rampestreker, men så vert det meir alvorleg. Spesielt går det ut over den 10 år gamle sonen, som er sikker på at han ser eit spøkelse. 

KVIFOR kjem du til å like denne?
Fordi du likar det litt skumle og overnaturlige i ein krimthriller.

(2010)

 

Leila Slimani – VUGGESANG

Barnevaktsthriller

Myriam er heime med borna, medan mannen Paul jobber. Når ho så vil ut i arbeid igjen, finn dei ei barnepike, som viser seg å vere heilt perfekt. Heilt til ho tek livet av dei to ungane.

Dette er ikkje ein krim, men tek den likevel med, då den er spennande, interessant og litt annaleis. Skiftet mellom korleis ein trygg og solid tillitsperson sakte men sikkert bikkar over, er svært godt skildra.

KVIFOR kjem du til å like denne?
Fordi du har sansen for thrillerar med det menneskelige i sentrum. 

(2016)

 

Alex Michaelides – DEN TAUSE PASIENTEN

Psykologisk thriller som tek deg på senga

Alicia Berenson er innlagt på psykiatrisk klinikk, etter at ho for seks år sidan skaut ektemannen Gabriel i ansiktet fem gonger, og deretter slutta å snakke. Årsaka til drapet er eit mysterium.

Theo Faber er psykoterapeut, og har søkt seg til institusjonen der Alicia er innlagt, fordi han er fascinert av historia, og fordi han vil prøve å få henne til å snakke igjen.

KVIFOR kjem du til å like denne?
Fordi du likar spenningsbøker med overraskande tvistar.

(2019)

 

Clive Cussler og Jack Du Brul – ILLUSJONEN

Høgtempo samlebandsthriller

Actiontriller nr 9 om det topphemmelege spionskipet Oregon. Juan Cabrillo og mannskapet kjem over noko som kan tyde på at historia om Philadeplhia-eksperimentet, skipet som forsvann på grunn av elektromagnetisk stråling, faktisk skjedde på ekte. Det handlar om toppmoderne våpen som ikkje skulle eksistere, Nikola Tesla, og ei heseblesande flukt der kulene flyg rundt øyrene.

KVIFOR kjem du til å like denne?
Fordi du er begeistra for hektisk action, og spionthrillerar. 

(2013)

 

Caroline Eriksson – DE FORSVUNNE

Sterk thriller

Greta, Alex og 4-åringen Smilla er på hyttetur. Ein kveld tek dei båten ut til ei øy, der Alex og Smilla går i land, medan Greta tek ein blund i båten. Når ho vaknar, har dei ikkje kome tilbake. Dei kjem aldri tilbake.

Greta finn ikkje telefonen, og tek båten tilbake til hytta, der ho finn telefonen i senga, men kan ikkje huske at ho har lagt den der.

(2017)

 

Daphne Du Maurier – REBECCA

Du Maurier sin klassiske thriller kjem nok ikkje under krimkategorien, men den 76 år gamle boka er framleis spennande lesing.

Ei ung kvinne som er i Monte Carlo som ei slags selskapspike for den rike amerikanske fru Van Hopper, når ho møter den ferske enkemannen Maxim de Winter. I all hast giftar dei to seg, og reiser tilbake til den myteomspunne heimstaden hans, Manderley.

Men alle draumane og glamouren som den unge kvinna knyter til herregården, vert overskygga av minna om den forrige kona, Rebecca. Mrs Danvers, som styrer tenarane, legg den nye kona umiddelbart for hat, og uhyggen bygger seg opp heile vegen.

Ei spennande bok, som kanskje startar litt tamt, men som vert betre og betre. Og når du har lest den ut, og stussar på det som kanskje er ein av dei mest omtala sluttane i bokhistoria, så vert du nøydd til å gå inn og lese dei fyrste kapitla ein gong til.

(1938)