Ninni Schulman – NÅR ALLE KLOKKER HAR STANSET

Nok ein seriemordar på den svenske landsbygda

Det vert sett opp teater i bygda, med den store skodespelaren som er oppvaksen her, samt ei gruppe lokale ungdommer. Ein av dei forsvinn, og vert funnen drept, flytande i ei sekk litt seinare. Litt seinare vert nok ein ungdom drept, denne gongen skoten, og Christer og Petra i det lokale politiet har hendene fulle. Lokaljournalisten Magdalena bruker å vere hjelpsom i slike saker, men denne gongen har ho sine eigne ting å stri med.

Dette er sjette bok i serien om Magdalena Hansson, dei fem fyrste finn du her:

Velkommen hjem
Jenta med snø i håret
Gutten som sluttet å gråte
Svar hvis du hører meg
Vår egen lille hemmelighet

KVIFOR kjem du til å like denne?
Fordi Ninni Schulman tidlegare har vist seg som ein drivende god spenningsforfattar.

(2019)

Reklame

 

Agatha Christie – THE PALE HORSE

Kan Christie fungere utan Poirot eller Marple?

Noko så sjeldan som ei Agatha Christie-historie utan Hercule Poirot og Miss Marple. Det er litt Ariadne Oliver med, om ikkje anna. 

Hovudpersonen er Mark Easterbrook, som vert vitne til to jenter som krangler på ein bar, og litt seinare får vite at den eine av dei to er død. Seinare fortel ei venninne om noko som vert kalla The Pale Horse, ein slags organisasjon som kan ta livet av folk på bestilling. Så vert presten Gorman drept, og Easterbrook finn ei liste med namn i skoen hans, der både namnet til presten, den døde kvinna frå baren, og ein nær bekjent at Easterbrook står oppført. Det heile vert toppa av at forfattaren Ariadne Oliver kjem inn i bildet, og fortel om eit hus der det bor tre hekser. Huset var tidlegare eit vertshus som heite nettop The Pale Horse. 

KVIFOR kjem du til å like denne?
Fordi du så klart er spent på korleis det er å lese ei Agatha Christie-historie utan nokon av dei to store.

(1961)

 

Jane Casey – BRENT

Tamt om seriemordar

Seriemordaren «Ildmannen» har så langt drept fire kvinner, og deretter satt fyr på lika deira. Ein ung kvinne set seg inn i ei drosje, og vert engstelig når sjåføren ikkje køyrer dit ho skal. Den unge, irskætta kriminalbetjenten Maeve Kerrigan kjem til åstaden der det femte offeret vert funne, og må kjempe mot mannlege kolleger som meiner empatien hennar gjer henne svak, medan ho prøver å løyse saka. 

KVIFOR kjem du til å like denne?
Fordi du har lyst til å prøve ut ein ny forfattar du aldri har høyrt om. 

(2010)

 

Stefan Ahnhem – ATTEN GRADER MINUS

Døde menn køyrer bil

Ein bil køyrer utfor kaia i Helsingborg, etter ei vill biljakt. Når dei får bilen opp av vatnet, viser det seg at føraren er død, men ikkje nok med det; han har vore død i fleire månader. 

Samtidig vert ein heimlaus mishandla til døde i Helsingør, og vegane til Dunja Hougaard på den danske sida av sundet og Fabian Risk, vert kryssa igjen.

KVIFOR kjem du til å like denne?
Fordi du har sansen for Wallander på TV, og tenker at han som har skrive manuset der også kan skrive gode krimbøker.

(2016)

 

Stefan Ahnhem – OFFER UTEN ANSIKT

Drap etter klassebildet

Ein sløydlærar vert funnen drept, og ved siden av han er eit gammalt klassebilde der ansiktet hans er kryssa over. Etterforskar Fabian Risk vert dregen inn i saka i ei dobbeltrolle, fordi han gjekk i klassa til offeret. Når fleire på klassebildet vert kryssa ut, står Risk plutselig som både etterforskar og potensielt offer.  

KVIFOR kjem du til å like denne?
Fordi du har sansen for omfattande og solid krim.

(2014)

 

Jørn Lier Horst – ILLVILJE

Gamle skjelett dukkar opp att

Levningane etter ei ung jente vert funne Svartskog, og måten jenta er drept på, liknar på metodene til seriemordar Tom Kerr og hans medhjelpar «den andre». Kerr er i fengsel, og seier ja til å vere med på ein rekonstruksjon av eit av drapa han har begått, ute i felten. Men noko går gale, og Kerr klarer å stikke av, framfor nasa på Wisting.

KVIFOR kjem du til å like denne?
Fordi du likar Wisting og cold case-saker.

(2019)

 

Pierre Lemaitre – BRUDEKJOLEN

Alle historier har to sider

Den unge Sophie har alt ho kan drøyme om. Draumemannen, ein jobb folk flest kan sjå langt etter, flott leiligheit og ei baby i magen. Men stadig oftare får ho ei kjensle av å gløyme ting, ikkje huske kvar ho har lagt frå seg noko, kvar ho har parkert, og ho har blackouts. Litt etter litt, mister ho det perfekte livet, bit for bit. Det heile toppar seg når ho vaknar og finn guten som ho er dagmamma for, død. Ho huskar ingenting, og må berre kome seg vekk. 

KVIFOR kjem du til å like denne?
Fordi du har sansen for psykologiske hevnthrillerar.

(2009)

 

Samuel Bjørk – ULVEN

Mia Krüger begins

Her får me historia om korleis Mia Krüger kom inn i politiet. To unge gutar vert funne drepne på eit jorde, og melllom dei ligg ein død rev. Saka minner veldig om ei sak i Sverige nokre år tidlegare. Mia Krüger imponerer Holger Munch med si evne til å lese åstaden, og får ei sentral rolle i etterforskinga. 

KVIFOR kjem du til å like denne?
Fordi du har fått smaken på Samuel Bjørk i dei forrige bøkene

(2021)

 

Bernard Minier – DALEN

Isolert i dei franske skogar

Martin Servaz får ein telefon frå ei stemme han ikkje har høyrt på 8 år, då Marianne forsvann. Ingen trur ho framleis er i live, men no ringer ho, skremt og fortel ho er i ein skog, på rømmen, og at Martin må kome å berge henne. 

Dette fører Martin til Pyreneane, der det skjer mykje meir enn ei jakt på ei forsvunna kvinne. Vel framme, så går eit ras som sperrer heile bygda inne, og så startar drapa. 

KVIFOR kjem du til å like denne?
Fordi om du likar den litt mystiske, franske krimstilen. 

(2020)

 

Jeffrey Deaver – KISTEDANSEREN

Manglande variasjon

Lincoln Rhyme fattar interesser for ei drapssak, då drapsmannen med kallenamnet Kistedanseren sannsynlegvis er den som står bak. Ein drapsmann Rhyme har jakta lenge. Men sidan Rhyme er lenka til senga, er han avhengig av andre si hjelp, spesielt Amelia Sachs. 

KVIFOR kjem du til å like denne?
Fordi du elska Knokkelsamleren, og har lyst til å lese ei nesten identisk historie.

(1998)